1
۱۔ جیہڑے ویلے اپلوس کرنتھس وِچ ہا تاں ایویں تھیا کہ اوہ اُتے دے علاقے تھوں لنگھ کے افسس اِچ آیا، اَتے کجھ شاگرداں کوُ اُتھاں ملیا۔
2
۔ پولُس نے اُنہاں کوُ آکھیا کیا جیہڑے ویلے تُساں ایمان گھن آئے ہیوے تاں تُساں روح القدس گِدا ہائی؟۔ اُنہاں نے اوں کوُ آکھیا " نئیں " اساں تے روح القدس دے بارے وِچ سُنیا وی نئیں۔
3
۔ پولُس نے آکھیا، وَل تُساں کئیں دا بپتسمہ گِدے؟ اُنہاں نے یوحنا دے بپتسمے دے بارے آکھیا۔
4
۔ وَل پولُس نے جواب ڈِتا، یوحنا دا بپتسمہ، توبہ دا بپتسمہ ہا۔ اوں نے لوگاں کوُ ڈسایا کہ اُنہاں کوُ اوں دے تے ایمان گھن آونا ہِے جیہڑا ایں دے بعد آسی جو یسوع ہِے۔
5
۔ جیہڑے ویلے لوگاں نے ایہہ سُنیا تاں اُنہاں نے خداوند یسوع دے ناں وِچ بپتسمہ گِدا۔
6
۔ جیہڑے ویلے پولُس نے اپنے ہتھ اُنہاں تے رکھے تاں روح القدس اُنہاں تے ٹھہر گیا اِتے اوہ غیر زباناں بولن تے نبوتاں کرن لگ پئے۔
7
۔ اوہ کُل بارہ بندے ہَن۔
8
۔ وَل اوہ عبادت خانے وِچ ونج کے تریئےمہینے تک دلیری نال بولیندا ریہا۔ اوہ لوگاں دے نال بحث کریندا تے اُنہاں کوُ خدا دی بادشاہی دے بارے قائل کریندا ریہا۔
9
۹۔ پر جیہڑے ویلے کجھ یہودی سخت تے نفرمان تھی گئے تاں اوہ کٹھ دے سامنے سچ دے خلاف کُفر بُلیندے رہیے۔ وَل پولُس نے اُنہاں کوُ چھوڑ ڈِتا تے شاگرداں کوُ اُنہاں کولوں دور کیتا۔ اوہ تُرنس دے مدرسہ وِچ روز تعلیم ڈیندا ہا۔
10
۱۰۔ ایویں ڈُو سال تک ریہا۔ تاں جو آسیہ وِچ راہندے ہِن یہودی تے یونانی ڈُوحیں خدا دا کلام سُنن۔
11
۱۱۔ خدا پولُس دے ہتھوں وڈا کم کریندا پیا ہا۔
12
۔ رومال تے پٹکے پولُس دے جسم نال لا کے بیماراں کوُں لائے ویندے تاں اوہ چنگے تھی ویندے اَتے بُریاں روحاں نکل ویندیاں ہَن۔
13
۔ پر اُتھاں یہودی عامل ہَن جیہڑے اوں علاقے وِچ سفر کریندے پئے ہَن اوہ اپنے فائدے کیتے یسوع دا ناں گھن دے۔ اوہ اُنہاں تے ایہہ ناں گھن دے جنہاں وِچ بُریاں روحاں ہَن: اوہ آدھے، میں تیکوُ یسوع دے ناں تھوں حکم ڈیندا ہاں جیندی مُنادی پولُس کریندا ہِے نکل ونج۔
14
۱۴۔ جیہڑے ایویں کریندے ہَن اوہ یہودی سردار کاہن سِکوا دے سَت پُتر ہَن۔
15
۱۵۔ ہِک بُری روح نے اُنہاں کوُ جواب ڈِتا، یسوع کوُ تاں میں جان دی ہاں، پولُس کوُ وی میں جان دی ہاں پر توں کون ہئیں؟۔
16
۱۶۔ بُری روح جیہڑے بندے وِچ ہا ہتھ ڈیکھن آلیاں کوُ پکڑ گِدا تے اُنہاں کوُ ماریا وَل اوہ ننگے تے زخمی تھی کے اوں گھر وچوں نکلے۔
17
۱۷۔ اِیں دے بارے یہودیاں تے یونانیاں ڈُوحاں کوُ پتا لگے جیہڑے اِفسس اِچ راہندے ہَن اوہ بہوں ڈر گئے اَتے خداوند یسوع دے ناں کوُ عزت ملی۔
18
۱۸۔ اَتے بہوں سارے ایماندار وی آئے جنہاں مَن گِدا کہ اُنہاں نے بُرے کم کیتے ہِن۔
19
۱۹۔ بہوں سارے جیہڑے جادوگر ہَن اپنی کتاباں گھن آئے ا۔تے اُنہاں ساریاں دے سامنے بھا لا ڈِتی، وَل جڈاں اُنہاں نے اُنہاں کتاباں دی قیمت کڈھی تاں اوہ پنجھا ہزار چاندی دے سکے نکلی۔
20
۲۰۔ پس خدا دا کلام زور پکڑیندا تے قدرت نال ودھ دا گیا۔
21
۲۱۔ ہُن پولُس نے افسس اِچ اپنی خدمت پوری کرن دے بعد اوں نے روح اِچ فیصلہ کیتا کہ اوہ اپنے یروشلیم دے رستے وِچ مکدُنیہ تے اخیہ تھوں تھی کے لنگھے اوں آکھیا "میں اُتھاں ہامی میڈے کیتے ضروری ہِے کہ روم وی ونجنا چاہیدا ہِے"۔
22
۲۲۔پولُس نے مکدُنیہ وِچ اپنے ڈُو شاگرداں تیمتھیس تے اراستس کوُ گھلیا جئیں نے اُنہاں دی مدد کیتی پر اوہ آپ کجھ ویلے کیتے آسیہ وِچ ریہا۔
23
۲۳۔ اوُں ویلے اِیں طریق دے پاروں افسس اِچ بہوں وڈا فساد کھڑا تھیا۔
24
۲۴۔دیمترس ناں دا ہک سُنار ہاجیہڑا مندر دے چاندی دے مجسمے بنیندا ہا جیندی وجہ تھوں اوہ بہوں کما گھن دا ہا۔
25
۲۵۔پس اوُں نے اِیں پیشے نال تعلق رکھن آلے کاریگراں کوُ کٹھا کیتا تے آکھیا جناب تُساں جان دے ہیوے کہ اساں اِیں کم تھوں بہوں پیسہ کما گھن دے ہاں۔
26
۲۶۔ تُساں ڈیدھے تے سُن دے ہو کہ نہ صرف اِچ بلکہ پورے آسیہ وِچ پولُس نے بہوں لوگاں کوُں قائل کیتا تے بدل ڈِتا۔ اوہ آدھا ہے کہ ہتھ نال بنائے ہوئے کوُئی خدا نئیں۔
27
۲۷۔ نہ صرف ساڈا کروبار بند تھیون دا خطرہ ہِے بلکہ وڈی دیوی ارتمس دا مندر وی اپنی قدر ونجا ڈیسی وَل اوہ اپنی عزمت دی گواہی ڈیسی جیندی سارے آسیہ تے پوری دُنیا پوجا کریندی ہِے۔
28
۲۸۔ جیہڑے ویلے اُنہاں نے ایہہ سُنیا تاں اوہ غصے نال بھریج گئے اَتے چّلائے تے آکھیا افسیوں دی دیوی عظیم ہِے۔
29
۲۹۔ تے سارے شاہر اِچ ہل چل پے گئی، اَتے لوگ ہک تماشہ گاہ وِچ کٹھے تھئے اُنہاں ے پولُس دے ساتھیاں تے گئیُس تےاسترخس کوُ پکڑ گِدا جیہڑے مکدُنیہ تھوں آئے ہَن۔
30
۳۰۔ پولُس کٹھ وِچ داخل تھیونا چاہندا ہا پر اوندے شاگرداں نےاوں کوُ روکیا۔
31
۳۱۔ آسیہ دے صوبے دے کجھ مقامی حاکماں نے وی جیہڑے پولُس دے دوست ہَن اوندے اَگے منّت کیتی جہ تماشاہ گاہ وِچ داخل نہ تھیوائے۔
32
۳۲۔ کجھ لوگ چّلاندے پئے ہَن ڈوجھے کجھ کٹھ وی پریشانی دا شکار ہا۔ اُنہاں وِچوں بہوں سارے نئیں جان دے ہَن جو اوہ کیوں کٹھے تھئے ہَن۔
33
۳۳۔یہودی کٹھ دے وِچوں سکندر کوُ کڈھ کے لوگاں دے سامنے گھن آئے سکندر نے ہتھ نال اشارہ کر کے لوگاں کوُ تفصیل سمجھائی۔
34
۳۴۔ پر جیہڑے ویلے اُنہاں نے محسوس کیتا کہ اوہ تاں یہودی ہِے تاں اوہ سارے ہک آواز اِچ ڈُو گھنٹے تائیں اُچی آواز نال بُلیندے راہے، افسیوں دی دیوی عظیم ہِے۔
35
۳۵۔ وَل علاقے دے محرر نے کٹھا کوُ چُپ کرایا، اوُں نے آکھیا۔ اے افسیو دے لوگو تہاڈے و،چون کون نئیں جان دا کہ افسیوں دا شاہر وڈی دیوی ارتمس دے مندر تے اِیں مورت دا محافظ ہِے جیہڑی آسمان تھوں اُتری ہِے؟۔
36
۳۶۔ ڈیدھیاں ہویاں اِنہاں گالہیں تھوں انکار نئیں کیتا ویندا تاں واجب ہِے کہ تُساں چُپ راہو اَتے جلد بازی وِچ کجھ نہ کرو۔
37
۳۷۔ کیوں جو تُساں جیہڑے بندے گھن آئے وے اوہ ناں تاں ڈاکو ہِن اَتے نہ ای دیوی دے خلاف بدگوئی کریندے ہِن۔
38
۳۸۔ اِیں کیتے اگر دیمیترس اَتے اوُں دے ہم پیشہ آدھے تے الزام لیندے ہِن تاں عدالت کھلی ہِے۔ اَتے صوبہ دار موجود ہِن۔ اُنہاں کوُ ہک ڈوجھے تے الزام لاون ڈیوو۔
39
۳۹۔ لیکن اگر تساں ڈوجھے معاملات وِچ کوئی گالھ لبھو تاں ایہہ باقائدہ مجلس اِچ طے تھی سی۔
40
۴۰۔ ایندے وِچ کوئی شک کئے نئیں جو اَج دے فساد دی وجہ تھوں ساکوُں اپنے اُتے شکایت تھیون دا خطرہ ہِے۔ اِیں کیتے جو اِیں دی کوئی وجہ نئیں۔