¹ ۱۔ اَتے اے اکنیم اِچ تھیا کہ پولُس تے برنباس کٹھے یہودیاں دے عبادت خانے وِچ گئے اَتے ایں انداز نال گالھ کیتی کہ یہودیاں تے یونانیاں ڈُوہاں دی ہِک وڈی تعداد ایمان گھن آئی۔ ² ۔ پر اوہ یہودی جیہڑے نافرمان ہَن، اُنہاں نے یر قوماں دے ذہناں کوُ بھڑکایا اَتے اُنہاں وِچوں بھراواں دے خلاف نفرت پیدا کیتی۔ ³ ۳۔ پس اوہ اُتھاں کافی عرصہ راہے اَتے خداوند دی طاقت دے نال دلیری نال گالھ کریندے راہے اَتے اوُں کوُ اپنے فضل دے کلام دا ثبوت ڈِتے، ایہہ اوُں نے ایویں کیتا کہ اوُں نے ہی عطا کیتا کہ پولُس تے برنباس دے ہتھوں نشانات تے عجیب کم کروائے۔ ⁴ ۴۔ پر شاہر دے زیادہ لوگ ونڈے پئے ہَن۔ لوگاں نے یہودیاں دی حمایت کیتی اَتے کجھ نے رسولاں دی۔ ⁵ ۵۔ جڈاں غیر قوماں تے یہودیاں ڈُوحاں نے اپنے وڈیریاں کوُ اُبھارن دی کوشش کیتی تاں جو پولُس تے برنباس کوُ سنگسار کیتا ونجے۔ ⁶ ۶۔ تاں اُنہاں کوُ اِیں گالھ دی خبر تھئی اَتے اوہ انطاکیہ، لُسترہ تے دربے دے شاہراں اَتے اُنہاں دے آسے پاسے کوُ دَھروک گئے۔ ⁷ ۷۔ اَتے اُتھاں انجیل دی مُندی کریندے راہے۔ ⁸ ۸۔ لُسترہ اِچ ہ،ک بندہ بیٹھا ہا جیندے پیراں اِچ جان نہ ہا، اپنی ماں دے ڈِھڈ توں ہی چل نہ سگدا ہا اَتے کِڈائیں چلیا وی نہ ہا۔ ⁹ ۹۔ اِیں بندے نے پولُس کوُ بُلیندے ہوئے سُنیا۔ پولُس نے اپنی نظر چا کے اوُں کوُ ڈیکھیا جو ایندے وِچ چنگا تھیون کیتے ایمان ہِے۔ ¹⁰ ۱۰۔ اوپں نے اُچی آواز نال اوُں کوُ آکھیا، اپنے پیراں تے کھڑا تھی ونج اَتے اوہ بندہ ٹپا مار کے کھڑا تھیا تے اِڈے اُڈے ٹُرن لگ پیا۔ ¹¹ ۱۱۔ جیہڑے ویلے اوُں کٹھ نے ڈیکھیا جو پولُس نے کیتا ہا ، تاں اُنہاں نے اوُچی آواز نال لُکانیہ دی طرز تے تقریر اِچ آکھیا " دیوتا، آدمیاں دی صورت اِچ ساڈے کول اُتر آیا ہِے"۔ ¹² ۱۲۔ برنباس کوُ اُنہاں نے زیوس دا ناں ڈِتا اَتے پولُس کوُ ہرمیس دا کیوں جو اوُہو ای مرکزی مقررہا۔ ¹³ ۱۳۔ زیوس دا پُجاری، جیندا مندر شاہر تھوں تھوڑا ای باہر ہا اوہ ڈاندھ تے پھُلاں دا سہرا پھاٹک تے گھن آیا، اَتے اوہ سارا کٹھ قربانی چڑھاونا چاہندے ہَن۔ ¹⁴ ۱۴۔پر جڈاں رسولاں نے یعنی برنباس تے پولُس نے ایہہ سُنیا تاں اُنہاں نے اپنے کپڑے پھاڑ چھوڑے اَتے کٹھ دے اندر وَڑ گئے تے اُچی آواز نال۔ ¹⁵ ۱۵۔ آکھن لگے " اے بندیو! تُساں ایہہ سارا کجھ کیوں کریندے پئے وے؟ اساں وی انسان ہئیں اَتے تُہاڈی ہی طرح جذبات رکھیندے ہئیں۔ اساں تُہاڈے کیتے خوشخبری گھن کے آئے ہیئں کہ تُساں اِنہاں ساریاں بےفائدہ شئیاں تھوں مُنہ موڑ کے ہک زندہ خدا دے پاسے آ ونجو۔ جئیں نے آسمان، زمین، سمندر اَتے اوہ سارا کجھ جو اِنہاں وِچ ہِے بنائے۔ ¹⁶ ۱۶۔ پہلے ویلے تھوں اوُں نے ہر قوم کوُ اپنے اپنے رستے تے چلن دی اجازت ڈِتی ہائی۔ ¹⁷ ۱۷۔ لیکن وَل وی اوُں نے اپنے آپ کوُ بغیر گواہی دے نہ ڈیکھیا کہ اوُں نے نیکی کیتی اَتے تُہاکوُ آسمان تھوں بارش، پھلدار موسم ڈِتے اَتے ساڈے دِلان کوُ خوراک تے خوشی نال بھریا۔ ¹⁸ ۱۸۔لیکن اِنہاں گالہیں دے باوجود وی پولُس تے برنباس بمشکل کٹھ کوُ قربانی تھوں روک سگے۔ ¹⁹ ۱۹۔پر انطاکیہ تے اکنیم تھوں یہودیاں نے کٹھ کوُ اُبھارے، اُنہاں نے پولُس کوُ سنگسار کیتا اَتے ایہہ سوچ کے کہ شودا مَر گیا ہِے اوُں کوُ چھکیندے ہوئے شاہر تھوں باہر گھن گئے۔ ²⁰ ۲۰۔ پر جیہڑے ویلے شاگرد اوں دے آسے پاسے کھڑے ہَن، اوہ اُٹھے اَتے شاہر اِچ داخل تھیا۔ ڈوجھے ہی ڈِیں برنباس دے نال دربے لگا گیا۔ ²¹ ۲۱۔ جڈاں اُنہاں نے اوُں شاہر اِچ اِنجیل دی مُندی کر گِدی اَتے بہوں سارے شاگرد بنائے تاں اوہ لُسترہ، اکنیم تے انطاکیہ کوُ واپس آئے۔ ²² ۲۲۔ اوہ شاگرداں دے ذہناں کوُ طاقت ڈیندے راہے اَتے ایمان وِچ برقرار راہون کیتے اُنہاں دی حوصلہ افزائی کریندے راہے۔ اُنہاں نے اوُں کوُ ڈسیا، ضروری ہِے جو اساں سارے ڈکھ برداشت کر کے خدا دی بادشاہی اِچ داخل تھیووں۔ ²³ ۲۳۔ جڈاں اُنہاں نے ایمانداراں کوُ ہر جماعت اِچ بزرگ مقرر کر گِدے تاں اُنہاں نے روزے دی حالت اِچ دعا کیتی اَتے اُنہاں کوُ کداوند سے حوالے کیتا جیندے تے اوہ اہمان گھن آئے ہَن ۔ ²⁴ ۲۴۔وَل اوہ پسدیہ تھوں تھیندے ہوئے پمفیلیہ آئے۔ ²⁵ ۲۵۔ پرگہ اِچ کلام سُناون دے بعد اوہ اطالیہ لگےگئے۔ ²⁶ ۲۶۔ اُتھوں اوہ پانی دے رستے اوہ انطاکیہ گئے جِتھاں اُنہاں کوُ خدا دے فضل دے حوالے کیتا گیا ہا، اوہو کم کیتے جیہڑا اُنہاں نے ہُن پورا کیتا ہا۔ ²⁷ ۲۷۔ جیہڑے ویلے اوہ انطاکیہ پہنچے کلیسیا کوُ کٹھا کیتا تاں اُنہاں دے سامنے ساریاں گالہیں بیان کیتیاں جیہڑیاں خدا نے اُنہاں دے نال کیتیاں ہَن اَتے کیویں اوُں نے غیر قوماں کیتے ایمان دا دروازہ کھولے۔ ²⁸ ۲۸۔ اَتے اوہ شاگرداں دے نال ہک لمبے عرصے تاک راہے۔