¹ ۱۔ ہُن انطاکیہ دے گروہ وِچ کجھ نبی تے اُستاد ہَن اوہ برنباس، شمعون (جیہڑا حبشی اکھواندا ہِے) کرینی کالوکیس، مناہیم جیہڑا حاکم ہیرودیس دا مُنہ بولیا بھرا ہا تے ساؤل ہَن۔ ² ۲۔ جیہڑے ویلے اوہ خداوند دی عبادت کریندے پئے ہَن تے روزے نال ہن، روح القدس نے آکھیا " برنباس تے ساؤل کوُ میڈے کیتے علیحدہ کرو تاں جو اوہ کم کرن جئیں کیتے میں اُنہاں کوُ سڈیا ہِے" ۔ ³ ۳۔ گروہ نے دعا کرن تے روزے رکھن اَتے انہاں مرداں تے ہتھ رکھن دے بعد اُنہاں کوُ رخصت کیتا۔ ⁴ ۴۔ پَس برنباس تے ساؤل روح القدس دی فرمانبرداری کریندے ہوئے سیلوکیہ گئے، اُتھوں اوہ کشتی دے ذریعے کُپرس دے جزیرے تے گئے۔ ⁵ ۵۔ جڈاں اوہ سیلا دے شاہر اِچ ہَن اُنہاں نے خدادے کلام دی مُنادی یہودی عبادت خانیاں وِچ کیتی، اُنہاں دے کول یوحنا معقس مددگار دے طور تے وی ہا۔ ⁶ ۶۔ جڈاں اُنہاں نے پافس دے پورے جزیرے دا سفر کرگِدے تاں اُنہاں کوُ خاص جادوگر ملے، ہِک کوڑا نبی جو یہودی ہا جیندا ناں بریسوع ہا۔ ⁷ ۷۔ اوُں جادوگر دا واسطہ صوبہ دار سرگیُس پولُس دے نال ہا جیہڑا ہک ذہین بندہ ہا۔ اوُں بندے نے برنباس تے ساؤل کوُ سڈایا کیوں جو اوہو خدا دا کلام سُننا چاہندا ہا۔ ⁸ ۸۔ پر الیماس جادوگر (ایہو اوُندے ناں دا ترجمہ ہِے) نے اوُندی مخالفت کیتی، اوں نے صوبہ دار کوُ یمان تھوں دوُر کرن دی کوشش کیتی۔ ⁹ ۹۔ پر ساؤل جیہڑا پولُس وی اکھواندا ہِے پاک روح تھوں بھریا ہوا ہا،اوُں نے اوں کوُ گھوم کے ڈیکھیا۔ ¹⁰ ۱۰۔ اَتے آکھیا " اے شیطان دی اولاد تُوں ہر قسم دی نیکی دا دشمن ہئیں، کیا تُوں کڈائیں وی خداوند دی راہ کوُ وگاڑن تھوں باز نہ آسیں؟۔ ¹¹ ۱۱۔ ہُن ڈیکھ خداوند دا ہتھ تیڈے اُتے ہِےاَتے تیڈی نظر ویندی راہسی، کجھ دیر تک تُوں سِجھ کوُ نہ ڈیکھ سگسیں فوراً ای اوندے تے گھُپ اندھارا تھی گیا، اوہ اِڈے اُڈے کھڑ لوگاں کوُ آکھن لگا جو اوندا ہتھ پکڑ کے اوندی راہنمائی کرن۔ ¹² ۱۲۔ جڈاں صوبہ دار نے اے سارا کجھ ڈیکھیا، اوہ ایمان گھن آیاکیوں جو اوہ خداوند دے بارے تعلیم تھوں حیران ہا۔ ¹³ ۱۳۔ ہُن پولُس تے اوُندے دوستاں نے پافس تے پرگہ دا سفرشروع کیتا اَتے پرگہ آئے جیہڑا پمفیلیہ وِچ ہِے لیکن یوحنا، اُنہاں کو چھوڑ کے یروشلیم کوُ لگا گیا۔ ¹⁴ ۱۴۔ پولُس تے اوُندے دوست پرگہ تھوں سفر کریندے ہوئے پسدیہ تے انطاکیہ آئے اُتھاں اوہ سبت آلے ڈِیں عبادت خانے وِچ گئے تے بیٹھ گئے۔ ¹⁵ ۱۵۔ توریت تے انبیاء دی تلاوت دے بعد عبادت خانے دے وڈیریاں اُنہاں کوُ ایہہ آکھ کے سنیہا گھلیا کہ " بھراو اگر تُہاڈے کول لوگاں کیتے کوئی ہمت آلا پیغام ہِے تاں سُنا ڈیو"۔ ¹⁶ ۱۶۔ پس پولُس کھڑا تھیا اَتے اپنے ہتھ نال اشارہ کیتا، اوُں نے آکھیا " اسرائیل دے بندو تُسا جو خدا دی تعظیم کریندے ہو سُنو۔ ¹⁷ ۱۷۔ اِیں قوم اسرائیل دے خدا نے ساڈے پیو ڈاڈا کوُ چُنے اَتے لوگاں دی تعداد کو ودھائے، جیہڑے ویلے اوہ مُلک مصر اِچ راندھے ہَن اَتے اپنی قدرت دے بازو نال اوُں نے اُتھوں نکلن اِچ راہنمائی کیتی۔ ¹⁸ ۱۸۔تقریباً چالہی سال تک اوہ اُنہاں دے نال بیابان اِچ صبر کریندا ریہا۔ ¹⁹ ۱۹۔ مُلک کنعان اِچ غیر قوماں کوُ تباہ کرن کیتے اوُں نے ساڈے لوگاں کوُ اُنہاں دی زمین میڑاث دے طور تے ڈِتی۔ ²⁰ ۲۰۔ ایہہ سارے واقعات تقریباً چارسوپنجھا سال تھوں عرصے وِچ تھئین، انہاں ساریاں گالہیں دے بعد خدا نے اُنہاں کوُ سیموئیل دے ویلے تائیں قاضی ڈِتے۔ ²¹ ۲۱۔ اِیں دے بعد لوگاں نے باشاہ منگیا تاں خدانے اُنہاں کوُ چالہی سال دے عرصے کیتے بنیمین دے قبیلے دا ہک بندا ساؤل بن قیس ڈِتا۔ ²² ۲۲۔ وَل خدا نے اوُں کو بادشاہت تھوں ہٹا ڈِتا اَتے اوُں دے بعد داؤد کوُ اُنہاں دا باشاہ ہوون کیتے کھڑا کیتا، ایہہ داؤد ای ہا جیندے بارے وِچ خدا نے آکھیا ہا میں یسی دے پُتر داؤد وِچ اپنے دِل دے مطابق ہک مَرد گولیا ہِے، اوہ سارا کجھ کریسی جو میں چاہندا ہاں۔ ²³ ۲۳۔ اِیں بندے دے پُتراں وِچوں خدا اسرائیل کیتے ہک نجات ڈیون آلے کوُ گھن آیا یعنی یسوع جیندا اوُں نے وعدہ کیتا ہا کہ اوہ کریسی۔ ²⁴ ۲۴۔ اے اوُں ویلے تھیونا شروع تھیا جیہڑے ویلے یسوع دے آون تھوں پہلے یوحنا نےتوبہ دے بپتسمے دا اعلان، اسرائیل دے سارے لوگاں کیتے کیتا۔ ²⁵ ۲۵۔ جیویں جیویں یوحنا اپن کم ختم کریندا پیا ہا اوُں نے آکھیا " تُساں کیا سوچیندے ہیوے، میں کون ہاں؟ میں اوہ نئیں ہاں لیکن سُنو، میڈے بعد ہک آون آلا ہِے جیندی جُتیاں دا وی میں کھولن دے لائق نئیں۔ ²⁶ ۲۶۔ بھراؤ! ابرہام دی نسل دے بچو تُہاڈے وِچوں اوہ لوگ جیہڑے خدا دی عبادت کریندے ہِن۔ ایہہ اَساں ہئیں جنہاں کوُں نجات دا پیغام گھلیا گیا ہا۔ ²⁷ ۲۷۔ کویں جو اوہ جو یروشلیم اِچ راہندے ہِن اَتے اُنہاں دے حاکم اوُں کوُ حقیقت اِچ نئیں ہَن جان دے نہ ای اوہ نبیاں دیاں آوازاں کوُ قیقت اِچ سمجھدے اَتے نہ ای پورا کریندے ہَن جئیں دی تلاوت ہر سبت تے کیتی ویندی ہِے، پس یسوع کوُ موت دی سزا سُنا کے اُنہاں نے نبیاں دے پیغام کوُ مکمل کیتا۔ ²⁸ ۲۸۔اِیں دے باوجود اُنہاں کوُ اوندے وِچ موت دی کوُئی خاص وجہ نہ ملی، اُنہاں نے پیلاطُس کوُ اوُں کوُ مارن کیتے آکھیا۔ ²⁹ ۲۹۔ جیہڑے ویلے اوُنہاں نے اوہ ساریاں شئیاں پوریاں کر گِدیاں جو اوُندے بارے وِچ لکھیاں ہویا ہَن، اُنہاں نے اوُں کوُ لکڑی تھوں لہا کے قبر وِچ لِٹا ڈِتا۔ ³⁰ ۳۰۔ لیکن خدا نے اوپں کوُ مُردیاں وِچوں زندہ کیتے۔ ³¹ ۳۱۔ اُنہاں لوگاں نے اوُں کوُ بہوں ڈیہاں تک ڈیکھیا جو اوُندے نال گلیل تھوں یروشلیم آئے ہَن، ہُن ایہہ لوگاں دے سامنے گواہ ہِن۔ ³² ۳۲۔ ہاں اَساں تُہاڈے پاسے خوشخبری گھن کے آندے پئے ہاں جیندا تعلق اُنہاں وعدیاں نال ہِے جیہڑے ساڈے پیو ڈاڈا نال کیتے گئے ہَن۔ ³³ ۳۳۔ یسوع مسیح کوُ مُردیاں وِچوں زندہ کر کے اِنہاں وعدیاں کوُ جیہڑے اوُندی اولاد کیتے ہَن پورا کیتا ہِے، ایہہ اوہو گال ہِے جو 20 زبور اِچ لکھا لاتھے " تُو میڈا پُتر ہِئیں اَج میں تیڈا باپ بنا ہاں"۔ ³⁴ ۳۴۔ دراصل اوُں نے اوُں کوُ ای مُردیاں وِچوں زندہ کیتا تاں جو اوُں دا جسم نہ سڑے، اوُں نے کجھ اے وی فرمائے " میں تیکو داؤد دی پکی تے پاک برکات ڈیساں"۔ ³⁵ ۳۵۔ اِیں کیتے اوہ ہک ڈوجھے زبور وِچ آدھے " تُوں انے مقدس کوُ سڑن نہ ڈیسیں"۔ ³⁶ ۳۶۔ کیوں جو داؤد نے اپنے عہد اِچ خدا دی خواہشات کوُ پورا کیتے، اوُندے بعد اوہ سُم تھئے اَتے اپنے پیو ڈاڈے دے نال لٹایا گئیے اَتے اوُندا جسم سڑ گئے۔ ³⁷ ۳۷۔ پر اوُں کوُ جینکوں خدا نے چاتے اوہ بالکل وی نئیں سڑا۔ ³⁸ ۳۸۔ پس اے بھراؤ تُہاکوُ اے پتا لگ ونجے جو اوُندے وسیلے تُہاڈے کیتے گناہواں دی معافی دا اعلان تھیا ہِے۔ ³⁹ ۳۹۔ اُں دے پاروُں ہر اوہ بندہ جیہڑا ایمان گھن آندے راستباز ٹھہرایا ویندے، ہر اوُں شئے تھوں جیندے تھوں موسوی شریعت تُہاکوُ راستباز نئیں ٹھہرا سگدی ⁴⁰ ۴۰۔ اِیں کیتے ہوش اِچ راہو کہ جو کجھ نبیاں نے آکھیا ہا اوہ تُہاڈے نال نہ تھیوے۔ ⁴¹ ۴۱۔ ڈیکھو، تُساں جیہڑی تحقیر کریندے ہو اَتے حیران تھی ونجو اَتے وَل ہلاک تھی ونجو کیوں جو میں تُہاڈے ڈیہاں وِچ ہک کم کریندا پیا ہاں، ہک ایہو جیا کم جیندے تے تُساں کڈائیں ایمان نہ گھن آسو، چاہے تُہاکوُ کوُئی اوُندا اعلان وی سُنا ڈیوے۔ ⁴² ۴۲۔ جیویں ای پولُس تے برنباس گئے، لوگاں نے اُنہاں دی منّت کیتی کہ اوہ اگلے سبت وی ایہو گالہیں اُنہاں نال کرن۔ ⁴³ ۴۳۔ جیہڑے ویلے عبادت خانے دی مجلس ختم تھئی تاں بہوں سارے یہودی اَتے دین دار اَتے نو مرید یہودی پولُس تے برنباس دے پیچھے ٹُر پئے، جِنہاں نے اُنہا نال گال کیتی تے خدا وِچ قائم راہون دی تاکید وی کیتی۔ ⁴⁴ ۴۴۔ اگلے سبت تقریباً سارا شاہر خداوند دا کلام سُنن کیتے جمع تھی گیا۔ ⁴⁵ ۴۵۔ جیہڑے ویلے یہودیاں نے بھیڑ کوُ ڈیکھیا تاں اوہ حسد نال بھر گئے اَتے اُنہاں ساریاں گالہیں دے خلاف بولن لگ پئے جیہڑیاں پولُس نے کیتیاں ہَن تے اوُں کوُ ذلیل کیتا۔ ⁴⁶ ۴۶۔ لیکن پولُس تے برنباس نے دلیری نال گال کیتی اَتے آکھیا " ایہہ ضروری ہا جو خدا دا کلام پہلے تُہاکوُ سُنایا ونجے کیوں جو تُساں اوُں کوُ اپنے کنے پرےبھیجیندے ہیوے اَتے اپنے آپ کوُ ہمیشہ دی حیاتی کیتے غیر مستحق ٹھہراندے ہیوے، ڈیکھو اَساں غیر قوماں دے پاسے رُخ کریندے ہئیں۔ ⁴⁷ ۴۷۔ کیوں جو ایہو نئیں بلکہ خداوند نے حکم ڈِتا ہِے کہ " میں تُہاکوُ غیر قوماں کیتے سوجھلا بنا کے رکھے تاں جو تُساں زمین دے کونیاں تائیں نجات گھن ونجو"۔ ⁴⁸ ۴۸۔ جیہڑے ویلے غیر قوماں نے ایہہ سُنے، اوہ خوش تھئے اَتے خدا دے کلام دی حمد کرن لگ پئے، جیہڑے وی ہمیشہ دی زندگی کیتے مقرر کیتے گئے ہَن اوہ ایمان گھن آئے۔ ⁴⁹ ۴۹۔ خدا دا کلام تُہاڈے علاقے وِچ ودھدا گیا۔ ⁵⁰ ۵۰۔ لیکن یہودیاں نے راستباز تے اثر آلیاں عورتاں تے شاہر دے چنگے جواناں کوُ تاکید کیتی اَتے اُنہاں نے پولُس تے برنباس دے خلاف نقصان ڈیون کوُ بھڑکائے اَتے اُنہاں کوُ شاہر دی حدوُد تھوں وی باہر سَٹ ڈِتا۔ ⁵¹ ۵۱۔ پر پولُس تے برنباس نے اپنے پیراں دی مٹی کوُ اُنہاں دے خلاف جھاڑے چا، وَل اوہ اکنیم دے شاہر کو گئے۔ ⁵² ۵۲۔ اَتے شاگرد خوشی تے روح القدس دے نال بھر گئے ہَن۔