1
۱۔ تے تقریباً اوُں ای ویلے ہیرودیس بادشاہ جماعت اِچ کجھ لوگاں تے ہتھ پاتا جو اُنہاں نال بھیڑا سلوک کرے۔
2
۲۔ اوُں یوحنا دے بھرا یقوب کوُں تلوار نال قتل کروا ڈِتا۔
3
۳۔ ایندے بعد اوُں ڈِٹھا جو یہودی لوگ اِیں کم تھوں وڈے خوش تھئین تے اوُں پطرس کوُں وی ڈھکوا سَٹیا۔ ایہہ کم عید فطیر (بے خمیری روٹی دی عید) دے ڈینہاں اِچ تھیا۔
4
۴۔اوُں کوُں پکڑن دے بعد، اوُں کوُں قید اِچ سَٹیا تے اوندے تے چار چار سپاہیاں دا پہرا لایا تاں جو اوُں دی نگرانی کرن، اوُندا ارادا ہا جو فسح دی عید کر کے اوُں کوُ لوگاں کول گھن آوے۔
5
۵۔ پطرس تے قید خانے اِچ ہا، پر جماعت پورے دِل نال اوندے کیتے خدا دے اَگے دعا منگدی پئی ہا۔
6
۶۔اِیں تھوں ہک رات پہلاں جڈاں ہیرودیس اوُں کوُ باہر کڈھنا ہا،پطرس ڈوُ سپاہیاں دے وِچ ڈوُ سنگلاں نال بدھا ہویا سُتا پیا ہا، تے دروازے دے سامنےآلے چوکیدار قید خانے تے پہرا ڈیندے پئے ہَن۔
7
۷۔ ڈیکھو، خداوند دا فرشتہ ابڑ گت اوندے تے ظاہر تھیا تے اوُں کوٹھڑی تے خدا دا نور چمکیا، اوُں پطرس کوُ ہلا کے جگایا تے آکھیا، "جلدی اُٹھی" تے اوہ سنگل اوندے ہتھاں تھوں لہہ گئے۔
8
۸۔ فرشتے اوُں کوُ آکھیا "تیار تھی ونج تے اپنی جُتی پا کے میڈے پیچھے آ"
9
۹۔ تے پطرس اوُں دے پچھے پچھے باہروں گیا۔ اوہ نہ جان دا ہا کہ جو کجھ وی فرشتے دی طرفوں تھیا ہِے اوہ حقیقت ہِے، اوُں سوچیا جو اوہ رویا ڈیدھا پیا ہِے۔
10
۱۰۔ وَل اوہ پہلے تے ڈوجھے پہرے تھوں نکل کے لوہے دے پھاٹک تے اَپڑے جیہڑا شاہر دوُ ویندا ہِے۔ اوہ اُنہاں کیتے اپنے آپ ای کھُل گیا۔ اوہ باہر نکلے تے تلے آکے رستے دوُ لگے گئے، تے فرشتہ اوُں ای ویلے اوُں کوُ چھوڑ کے لگا گیا۔
11
۱۱۔ جئیں ویلے پطرس ہوش اِچ آیا، تے اوُں آکھیا، "ہُن میکوں سچی پتہ لگ گیا گیا ہِے جو خدا اپنا فرشتہ گھلیا، تے میکوں ہیرودیس دے ہتھوں تے یہودی قوم دیاں ساریاں اُمیداں کنوں بچا گِدا ہِے"۔
12
۱۲۔ وَل جئیں ویلے اوں کوُں ایہہ گالھ دی سمجھ آگئی، تاں اوہ یوحنا دی ماں مریم دے گھر آیا، جیندا خاندانی ناں مرقس ہا؛ اُتھاں بہوں سارے ایماندار کٹھے تھی کے دعا منگدے پئے ہَن۔
13
۱۳۔ جئیں ویلے اوُں پھاٹک دے دروازے کوُ کھڑکایا، تے ہک نوکرانی جیندا ناں رُدی ہا، جواب ڈیون کیتے آئی۔
14
۱۴۔ جئیں ویلے اوُں پطرس دی آواز سُنجانی تاں کوشی دے مارے دروازہ کھولن دی بجائے اندروں بھج گئی تے خبر ڈِتی جو پطرس دروازے تے کھڑے۔
15
۱۵۔ اُنہاں اوُں کوُ آکھیا جو، "پاگل تھی گئیں کیا؟" لیکن اوہ ایہو آدھی راہی جو اوہ اوُہو ہِے، اُنہاں آکھیا، "ایہہ اوندا فرشتہ ہِے"۔
16
۱۶۔ پطرس دروازہ کھڑکیندا ریہا، تے جئیں ویلے اُنہاں دروازہ کھولیا تے اُنہاں اوُں کوُں ڈِٹھا تے حیران تھئے۔
17
۱۷۔ پطرس اُنہاں کوُں چُپ کراون کیتے ہتھ نال اشارہ کیتا، تے اوُں اُنہاں کوُں ڈسیا جو کیویں خدا اوُں کوُں قید خانے اِچوں کڈھیا۔ "اوُں آکھیا، جو اُنہاں گالہیں دی خبر یعقوب تے بھراواں کوُ ڈے ڈیوؤ" وَل اوہ روانہ تھی کے ڈوجھی جاہ تے لگا گیا۔
18
۱۸۔ وَل جئیں ویلے سویر تھئی تے سپاہی گابھر گئے جو پطرس کیڈے گیا۔
19
۱۹۔ وَل ہیرودیس اوُں کوُ گولن دا چارہ کیتا، پر اوُں کوُ گول نہ سکیا، تے اوُں پہرے داراں کنوں پُچھ گُچھ کیتی، تے اُنہاں کوُں قتل کرن دا حکم ڈِتا، وَل اوہ یہودیہ دے علاقے کوُ چھوڑ کے قیصریہ دوُ لگا گیا تے اُتھائیں ریہا۔
20
۲۰۔ ہیرودیس صور تے صیدا دے لوگاں تھوں بہوں ناراض ہا، تے اوہ کٹھے تھی کے اوندے کول گئے، اُنہاں بادشاہ دے مددگار بلتُس کوُں مدد کیتے راضی کیتا، تے اُنہاں صلح کرن آسطے عرض کیتی کیوں جو اُنہاں دا مُلک بادشاہ دے مُلک اِچوں کھاون پیون دا سامان گھن دا ہا۔
21
۲۱۔ ہِک ڈینہ مقرر کر ے ہیرودیس شاہی کپڑے پا کے تخت تے بہہ گیا تے تقریر کرن لگا۔
22
۲۲۔ تاں لوگاں اُچی آواز نال آکھیا "ایہہ دیوتا دی آوازہِے ناں کہ کئیں انسان دی"۔
23
۲۳۔ فوراً خدا دے فرشتے اوُں کوُ سزا ڈِتی، کیوں جو اوُں خدا کوُں جلال ناہی ڈِتا؛ تے اوُں کوُ کیڑے پئے گئے تے اوہ مَر گیا۔
24
۲۴۔ لیکن خدا دا کلام بہوں سارے علاقیاں اِچ ودھدا تے پھیل گیا۔
25
۲۵۔ جئیں ویلے برنباس تے ساؤل یروشلیم شاہر اِچ اپنا کم ختم کر گِدا تے اُتھاؤں واپس روانہ تھئے؛ اُتھاں یوحنا کوُں وی جیہڑا مرقس اکھویندا ہِے اپنے انل گھن گِدا۔