1
۱۔ وَل رسولاں تے بھراواں جیہڑے یہودیہ وِچ ہَن ایہہ سُنیا جو غیر قوماں وی خدا دے کلام کوُ قبول کیتا ہِے۔
2
۲۔ جئیں ویلےپطرس یروشلیم وِچ آیا، تے اوہ جیہڑے طہور آلے گروہ نال تعلق رکھیندے ہَن، اُنہاں دے نال بحث کرن پے گئے۔
3
۳۔اُنہاں آکھیا " توں جنہاں نے طہور نئیں کروائی اُنہاں لوگاں دے نال شریک تھیا ہیں تے اُنہاں دے کٹھے ٹُکر وی کھادا ہِے۔
4
۴۔ لیکن پطرس اُنہاں کوُں تفصیل نال ایہہ معاملہ بیان کرنا شروع کیتا ۔اوُں آکھیا۔
6
۶۔ میں یافا شاہر وِچ دعا منگدا پیا ہامی، تے میں ہک رویا ڈِٹھی جو ہک وڈی چادر آلی کار اپنے چاراں کونیاں تھوں آسمان تھوں لہہ کے میڈوں آئی۔
5
۵۔ میں اوُں کوُ غور نال ڈِٹھا، تے اوندے متعلق سوچیا، میں زمین دے چوکھر ، رِڑھن آلے جانور تے آسمان دے پنکھی ڈِٹھے۔
7
۷۔ وَل میں ہک آواز سُنی جئیں میکوں آکھیا، "پطرس؛ اُٹھی کھڑا تھی، ذبح کر تے کھا!
8
۸۔ میں آکھیا، "کڈائیں وی ناں، خداوند کیوں جو کڈائیں کوُئی حرام یا گندی شئے میڈے مُنہ وِچ نئیں گئی۔
9
۹۔لیکن اوہ آواز جیہڑی آسمان تھوں آئی ہائی، دوبارہ جواب ڈِتا، "جیکوں خدا پاک آکھیا ہِے، اوُں کوُ ناپاک نہ آکھ"۔
10
۱۰۔ ایہہ ترئے واری تھیا، تے وَل اوہ سب کجھ دوبارہ آسمان تے چا گِدا گیا۔
11
۱۱۔ تے ڈیکھو، اوُں ای ویلے ترئے بندے گھردے سامنے کھڑے ہَن جتھاں اساں ہاسے؛ اُنہاں کوُں قیصریہ تھوں میڈے کول گھلیا گیا ہا۔
12
۱۲۔ روح میکوں حکم ڈِتا جو اِنہاں نال بِلا روک ٹوک لگا ونج۔ تے اوہ چھِی بھرا میڈے نال گئے تے اساں اوُں بندے دے گھر دوُ لگے گئے۔
13
۱۳۔ اوُں ساکوُ ڈسیا جو کیویں اوُں فرشتے کوُں اپنے گھر اِچ کھڑے تے آہدیاں سُنیا، "یافا دوُ بندے گھل تے شمعون کوُ سڈوا گھن، جیندا ڈوجا ناں پطرس ہِے۔
14
۱۴۔اوہ تیڈے نال کلام کریسی جیندے پاروں توں تے تیڈا خاندان بچ ویسی۔
15
۱۵۔ جئیں ویلے میں کلام کرنا شروع کیتا، تے پاک روح اُنہاں تے نازل تھیا جیویں شروع اِچ ساڈے تے نازل تھیا ہاِ۔
16
۱۶۔ تے میکوں خداوند دے الفاظ یاد آئے، جیویں اوُں آکھیا، "یوحنا نے تے یقیناً پانی نال بپتسمہ ڈِتا پر تُہاکوُ روح القدس نال بپتسمہ مِلسی۔
17
۱۷۔ وَل جیکر خدا اُنہاں کوُ وی اوُہا نعمت ڈِتی، جیہڑی اوُں ساکوُ ڈِتی، جڈاں اساں خداوند دا یقین کیتا، تے میں کون ہامی جو خدا دی مخالفت کریندا؟۔
18
۱۸۔ جئیں ویلے اُنہاں ایہہ گالہیں سُنیاں، تے کجھ وی جواب اِچ نہ آکھیا، لیکن خداوند دی حمدو تعریف کر کے آکھیا، "وَل تے خداوند غیر قوماں کوُ وی زندگی کیتے توبہ کرن دی توفیق ڈِتی ہِے۔
19
۱۹۔ وَل جیہڑے ایماندار اوُں ظُلم تھوں جیہڑا ستفنس دی موت دی وجہ کنے اُنہاں تے تھیا ہا، کھِنڈ پُنڈ گئے تے یروشلیم تھوں واہنڈے لگے گئے۔ اوہ ایماندار پھردے پھراندے فینیکے، کُپرس تے انطاکیہ دوُ لگے گئے۔ تے اوہ کلام صرف یہودیاں کوُں ای سُناندے ہَن، بِناں قوماں کوُ نئیں۔
20
۲۰۔ لیکن اُنہاں وِچوں کجھ کُپرسی تے کرینی ہَن، اوہ انطاکیہ اِچ آئے تے یونانیاں اِچ وی خداوند یسوع مسیح دی مُنادی کرن پے گئے۔
21
۲۱۔ تے خداوند دا ہتھ اُنہاں دے نال ہا؛ تے ہک وڈی تعداد ایمان گھن آئی یعنی خدا آلے پاسے وَل آئی۔
22
۲۲۔ اُنہاں دے بارے ایہہ خبر یروشلیم دی کلیسیا دے کناں تائیں وی اَپڑی، تے اُنہاں برنباس کوُ انطاکیہ دوُ گھلیا۔
23
۲۳۔ جئیں ویلے اوُں آکے خدا دی بخشش کوُں ڈِٹھا تے وڈا خوش تھیا۔ تے اُنہاں دا حوصلہ ودھایا کہ اوہ خداوند اِچ اپنے پورے دِل نال قائم راہون۔
24
۲۴۔ کیوں جو اوہ نیک بندا ہا، تے پاک روح تے ایمان نال بھریا ہویا ہا، تے بہوں سارے لوگ خداوند اِچ شامل تھی گئے۔
25
۲۵۔ وِل برنباس ساؤل کوُں گولن کیتے ترسیس دوُ لگا گیا۔
26
۲۶۔ جئیں ویلے اوہ اوُں کو گول گِدا، تے اوہ اوُں کوُ انطاکیہ گھن آیا۔ وَل ایویں تھیا کہ اوہ پورے ہِک سال کیتے کلیسیا اِچ شامل تھی کے بہوں سارے لوگاں کوُ سکھایا تے پہلی واری انطاکیہ اِچ شاگرداں کوُ مسیحی آکھیا گیا۔
27
۲۷۔ تے اُنہاں ڈیہاں اِچ کجھ نبی یروشلیم تھوں انطاکیہ آئے
28
۲۸۔ تے اُنہاں وِچوں ہِک جیندا ناں اگبُس ہائی، کھڑا تھیا تے روح دی ہدایت نال آکھیا، جو پوری دُنیا اِچ وڈا کال پوسی، تے ایہہ کال کلودیس دی حکومت اِچ پیا۔
29
۲۹۔ تے شاگرداں وِچوں جو کوئی وی اِیں قابل ہا، یہودیہ اِچ اپنے بھراواں دی مدد کرن دا فیصلہ کیتا۔
30
۳۰۔ تے اُنہاں ایویں ای کیتا؛ اُنہاں برنباس تے ساؤل دے ہتھیں بزرگاں کوُ پیسے گھلے۔