1
۱۔ پطرس دی طرفوں جیہڑا مسیح یسوع دا رسول ہِے۔ اُنہاں چُنے ہوئے پراگندہ غیرمقامیاں دے ناں جیہڑے پُنطُس، گلتیہ، کپدُکیہ، آسیہ تے بتھنیہ اِچ ہِن۔
2
۔ ایہہ خدا باپ دے علم سابق، روح دے پاک ہوون اَتے یسوع مسیح دے خون دے چھڑکاون تے الگ ہوون کیتے بلائے گئے، فضل تہاڈے نال ہووے، اَتے تہاڈا اطمینان ودھدا راہوے۔
3
۔ ساڈے یسوع مسیح تے خدا باپ دی تمجید ہوئے۔ اوُں نے ساکوں اپنےعظیم رحم اِچ نویں سِرے تھوں پیدا کیتے اَتے یسوع مسیح کوُ مُردیاں وِچوں زندہ کرن دے پاروں ساکوں اُمید بخشی۔
4
۔ اوہ میراث جیہڑی کڈائیں فنا نہ تھی سی، نہ ای کڈائیں ناپاک ہوسی تے نہ ای کڈائیں مُرجھاسی بلکہ آسمان تے تہاڈے کیتے محفوظ ہِے۔
5
۔ خدا دی قدرت دے پاروں تُساں محفوظ ہو نجات کیتے ایمان دے وسیلے نال جو کہ آخری ویلے وِچ ظاہر ہوون کوُ تیار ہِے۔
6
۔ تساں ایں کیتے خوش ہو، حتیٰ کہ تہاڈے کیتے ایہہ لازم ہِے کہ مختلف آزمائشاں وِچ ڈُکھی تھیوو۔
7
۔ اِے اِیں کیتے ہِے جو تہاڈے ایمان دی آزمائش تھیوے۔ اوہ ایمان جیہڑا بھا اِچ تپائے ہوئے سونے تھوں وی بہوں زیادہ قیمتی ہِے۔ ایہہ ایں کیتے ظاہر تھیا تاں جو تہاڈا ایمان ئسوع مسیح دی آمد آلے ڈِیں تے تعریف، جلال اَتے عزت دا باعث ہووے۔
8
۔ تُساں اوُں کوُ نئیں ڈیکھیا لیکن اوندے نال محبت کیتی۔ اگرچہ اوُں کوُ نئیں ڈیدھے لیکن اوُں دا یقین کریندے ہو اَتے ایہو جئی خوشی منیندے ہو جو جلال نال بھری ہوئی تے بیان تھوں باہر ہِے۔
9
۹۔ ہُن تُساں اپنے ایمان دا انجام تے روحاں دی نجات حاصل کریندے پئے ہو۔
10
۱۰۔ نبیاں نے اوُں نجات تے فضل دے بارے اِچ جو تہاڈے تے تھیا ہِے تلاش کیتے۔
11
۱۱۔ اُنہاں نے اِیں گالھ دی تحقیق کیتی کہ مسیح دا روح جو اُنہاں وَچ ہا اوہ مسیح دے ڈُکھاں تے اِیں دے کولوں پہلے کہ جلال دی گواہی ڈیندا اوہ کڈاں تے کون تے کیہڑی نجات دی طرف اشارہ کریندا ہا۔
12
۔ ایہہ گالہیں نبیاں تے ظاہر کیتیاں گئیاں جو اوہ اپنی نئیں بلکہ تُہاڈی خدمت کیتے ایہہ گالہیں آدھے ہَن جنہاں نے روح القدس دے پاروں جینکوں آسمان تھوں گھلیا گیا، تُہاکوں کوشخبری سُنائی اَتے فرشتے وی اِنہاں گالہیں تے غور نال دھیان کرن دے آرزومند ہِن۔
13
۔ اِیں کیتے تُساں اپنی کمر بدھ گھنو اَتے اپنی سوچ کوُ پاک کر گھنو اَتے خدا دی اوُں قدرت تے پورا ایمان رکھو جو تہاکوں یسوع مسیح دے مکاشفہ تائیں گھن ویندی ہِے۔
14
۱۴۔ فرمانبردار بالاں دی طرح اوُں گالہیں دی خواہش نہ کرو جنہاں دا تہاکو علم نہ ہا۔
15
۱۵۔ بلکہ جیویں تہاڈا بلاون آلا پاک ہِے تساں وی پاک راہو اَتے اپنا چال چلن پاک رکھو۔
16
۱۶۔ کیوں جو لکھا ہِے،" پاک بنو کیوں جو میں پاک ہاں"۔
17
۱۷۔ اَتے تساں اوُں کوُ باپ آدھے ہو جو ہر ہک بندے دی دیانتداری نال عدالت کریندا ہِے تاں اپنی زندگی دا سفر ایندے وِچ خوشی نال گزارو۔
18
۱۸۔ تُساں جان دے ہیوے کہ تہاڈی مخلصی سونے تے چاندی نال نئیں ہوئی نہ اُنہاں فانی شئیاں دےنال جو تُساں اپنے پیو ڈاڈے کولوں سکھیاں ہَن۔
19
۱۹۔ بلکہ تُہاڈی مخلصی مسیح دے بہوں قیمتی خون دے نال ہوئی ہِے جیویں اوہ لیِلہ جیہڑا بےعیب تے جیندے وِچ کوئی داغ نہ ہووے۔
20
۲۰۔ اِیں دُنیا دے وجود تھوں پہلے مسیح موجود ہا اَتے ہُن اوہ آخری ویلے تُہاڈے تے ظاہر کیتا گیا۔
21
۲۱۔ اوُں ہی دے باجھوں تُساں خدا تے یقین رکھیندے ہو جینکوُ خدا نے مُردیاں وِچوں زندہ کیتے اَتے جینکوُ اوُں نے جلال ڈِتا تاں جو تُہاڈا بھروسہ اَتے ایمان خدا تے ہووے۔
22
۲۲۔ تُساں اپنی روحاں کوُ فرمانبرداری دے نال سچائی نال پاک کریندے ہو تاں جو بھائی چارے دے نال ہک ڈوجھے کوُ دِل نال پیار کرو۔
23
۲۳۔ تُساں نویں سِرےتھوں پیدا تھئے ہو فانی بیج نال نئیں بلکہ غیرفانی بیج دے نال اَتے خدا دے کلام دے پاروں جو زندہ اَتے ہمیشہ قائم راہون آلا ہِے۔
24
۲۴۔ کیونکہ سارے انسان گھا دی مانند ہِن، اوُں دا جلال گھا دے پھُلاں دی طرح ہِے، گھا سُک ویندی ہِے اَتے پھُل ڈھے پوندیِن۔
25
۲۵۔ لیکن خدا دا کلام ہمیشہ قائم راہسی، ایہہ اوہ انجیل دا کلام ہِے جو تُہاڈے تائیں پہنچا ڈِتا گیا ہِے۔