1
۱۔ بندے ساکوُ مسیح دا نوکر تے خدا دے بھیداں دا ولی سمجھے۔
2
۲۔ اَتے اِتھاں ولی اِچ ایہہ گال ڈِٹھی ویندی ہِے کہ دیانتدار نکلے۔
3
۳۔ پر میڈے نیڑے تاں اے چھوٹی جئی گال ہِے کہ تُساں یا کوُئی انسانی عدالت میکو پرکھے بلکہ میں آپ وی اپنے آپ کوُ نئیں پرکھدا۔
4
۴۔ کیونکہ میڈا دل تاں میکوں بُرا بھلا نئیں آدھا پر ایں طرح میں راستباز نئیں ٹھہردا بلکہ میڈا پرکھن آلا خداوند ہِے۔
5
۵۔ پس جڈا تائیں خداوند نہ آوے ویلے تھوں پہلے کئیں گال دا فیصلہ نہ کرو۔ اوؤ اندھارے دی لُکیاں ہوئیاں گالہیں روشن کر ڈیسی تے دلاں دے منصوبے کوُ ظاہر کر ڈیسی تے اوُں ویلے ہر ہک دی تعریف خدا دی طرفوں تھیسی۔
6
۶۔ اَتے اے بھراوؤ! میں اِنہاں گالیں وچوں تُہاڈی کیتے اپنا تے اپلوس دا ذکر مثال دے طور تے کیتا ہِے تاں جو تُساں ساڈے وسیلے تھوں اے سِکھو کہ لکھے ہوئے تھوں اگے نہ ودھو ہک دی حمایت وچ ڈوجھے دے بر خلاف شیخی نہ مارو۔
7
۷۔ تیڈے وچ تے ڈوجھے وچ کو فرق کریندا ہِے؟ تے تیڈے کول کیہڑی ایہو جئی شئے ہِے جیہڑی توں ڈوجھے وچ نئیں پاتی؟ تےئ وَل جڈاں توں ڈوجھے وچ پائی ہِۓ تاں فخر کیوں کریندا ہئیں کہ گویا نئیں پاتی؟۔
8
۸۔ تُساں تاں پہلے ہی خوشحال ہو تے پہلے ہی تھوں دولتمند ہو تے تُساں ساڈے بغیر بادشاہی کیتی تے کاش کہ تُساں بادشاہی کریندے تاں جو اساں وی تُہاڈے نال بادشاہی کریندے!۔
9
۹۔ میڈے خیال اِچ خدا نے اساں رسولاں کوُں ساریاں تھوں چھوٹا ٹھہرا کے اُنہاں بندیاں دی طرح پیش کیتے جنہاں دے قتل دا حکم ڈِتا گئیا ہوئے کیونکہ اساں دُنیا تے فرشتیاں تے بندیاں کیتے ہک تماشا ٹھہرے۔
10
۱۰۔ اساں مسیح دی خاطر بیوقوف ہئیں پر تُساں مسیح اِچ سیانے ہو۔ اساں کمزور ہئیں تے تُساں زور آلے ہے۔ تُساں عزت آلے ہو اساں بے عزت ہئیں۔
11
۱۱۔ اساں ایں ویلے بھُکے ننگے تے پیاسے ہئیں اَتے مُکے کھاندے تے اوارہ پھردے ہئیں۔
12
۱۲۔ اَتے اپنے ہتھاں نال کم کر کے ڈُکھ چیندے ہئیں۔ لوگ ساکوُ بُرا آدھین اساں دُعا ڈیندے ہئیں۔ اوہ ظلم کریندین اساں برداشت کریندے ہیں۔
13
۱۳۔ اوہ بدنام کریندین اساں منت سماجت کریندے ہئیں۔ اساں ہن تائیں دُنیا دے کوڑے تے ساری شئیاں دی جھڑن دے وانگوں رہے ہاں۔
14
۱۴۔ میں تہاکوں شرمسار کرن کیتے ایہہ گالہیں نئیں لکھیاں بلکہ اپے پیارے پُتر جان کے تہاکوں نصیحت کریندا ہاں۔
15
۱۵۔ کیوں جو اگرمسیح اِچ تہاڈے ڈاہزار وی استاد تھیون ہا تاں وی بہوں سارے پیوُ نئیں۔ ای کیتے میں ہی انجیل دے وسیلے تھوں مسیح یسوع وچ تُہاڈا پیوُ بنا ہاں۔
16
۱۶۔ پس میں تُہاڈی منت کریندا ہاں جو تُساں میڈے وانگ بنو۔
17
۱۷۔ ایں کیتے میں تیمتھیس کوُ تُہاڈے کول بھیجے۔ اوہ خداوند اِچ میڈا پیارا اَتے دیانتدار پُتر ہِے۔ اَتے میڈے اوُں طریقیاں تے جیہڑے مسیح وچ ہن تُہاکو یاد ڈیویسی جیویں میں ہر جا تے ہر کلیسیا کوُ تعلیم ڈیندا ہاں۔
18
۱۸۔ بعض ایویں شیخی مریندے ہن کہ جیویں میں تُہاڈے کول آساں ای ناں۔
19
۱۹۔ پر خداوند کوُ منظور تھیا تاں میں تُہاڈے کول جلدی آساں اَتے شیخی بازاں دیاں گالہیں کوُ نئیں بلکہ اُنہاں دی طاقت دا پتا کریساں۔
20
۲۰۔ کیوں جو خدا دی بادشاہی گالہیں تے نئیں بلکہ قدرت تے قائم ہِے۔
21
۲۱۔ تُساں کیا چاہندے او؟ کہ میں ڈندا گھن کے تُہاڈے کول آواں یا مبت تے نرم مزاجی دے نال؟۔