¹ ۱۔ اَتے اِے بھراؤ! جڈاں میں تہاڈے کول آیا ہاسے اَتے میں تہاڈے وچ خدا دے بھید دی مُنادی کرن لگا تاں اعلیٰ درجہ دی تقریر یا حکمت دے نال نئیں آیا۔ ² ۲۔ کیونکہ میں اے ارادہ کر گِدا ہائی کہ تہاڈے وچ یسوع مسیح بلکہ مسیح مصلوب دے سوا بئی کئی شے کوُ جان ساں ³ ۳۔ اَتے میں کمزوری تے خوف تے بہوں کمبن دی حالت اِچ تہاڈے کول رہیا ہاں۔ ⁴ ۴۔ تے میڈی تقریر تے میڈی مُنادی وچ حکمت لبھاون آلیاں گالہیں نہ ہن بلکہ او روح تے قدرت تھوں ثابت تھیندیاں ہن۔ ⁵ ۵۔ تاں جو تہاڈا ایمان انسان دی حکمت تے نئیں بلکہ خدا دی قدرت تے موقوف ہوسی۔ ⁶ ۶۔ وَت وی اساں کاملاں کوُں اساں حکمت دیاں گالہیں آدھے ہئیں پر ایں جہان دی تے ایں جہان دے ختم تھیون آلے سرداراں دی حکمت نئیں۔ ⁷ ۷۔ بلکہ اساں خدا دی اوہ لُکی ہوئی حکمت بھید دے طور تے بیان کریندے ہئیں جیہڑی خدا نے جہان دے مڈھ تھوں وی پہلے ساڈے جلال کیتے مقرر کیتی ہائی۔ ⁸ ۸۔ جیں کوُں ایں جہان دے سراداں وچوں کئیں نے وی نہ سمجھے کیوں جو اگر سمجھ آ ویندی تاں جلال دے خداوند کوُ مصلوب نہ کریندے۔ ⁹ ۹۔ بلکہ جیویں لکھا لاتھے اوں ویں ای تھیا کہ جیہڑیاں شئیں اکھیاں نے نہ ڈِٹھیاں نہ ای کناں نے سُنیں نہ ای بندے دے دل وچ آیاں ہن۔ او ساریاں خدا نے اپنے محبت رکھن آلیاں کیتے تیار کر ڈِتن۔ ¹⁰ ۱۰۔ پر ساڈے تے خدا نے اُنہاں کوُں روح دے وسیلے نال ظاہر کیتے کیوں جو روح ساریاں گالہیں بلکہ خدا دی تہہ کیتیاں ہویاں گالہیں وی گول گھِن دے۔ ¹¹ ۱۱۔ کیونکہ بندیاں وچوں کون کئیں بندے دی گالہیں جان سگدے سوا بندے دی اپنی روح دے جیہڑی اوندے وچ ہِے؟ ایویں ای خدا دی روح دے سوا کوُئی خدا دی گالہیں نئیں جان سگدے۔ ¹² ۱۲۔ پر اساں نہ دُنیا دی روح بلکہ اوہ روح پاتے جیہڑا خدا دی طرفوں ہِے تاں جو اُنہاں گالہیں کو جان سگوں جیہڑیاں خدا نے ساکوں ڈِتیاں ہن۔ ¹³ ۱۳۔ اَتے اساں اُنہاں گالہیں کوُں اُنہاں لفظاں وچ نئیں سیں بیان کر سگدے جیہڑاں انسانی حکمت نے ساکوں سکھائین بلکہ اُنہاں الفاظاں وچوں جیہڑے روح نے سکھائین اَتے روحانی گالہیں دا روحانی گالہیں دے نال مقابلہ کریندے ہئیں۔ ¹⁴ ۱۴۔ پر نفسانی بندہ خدا دے روح دی گالہیں قبول نئیں کریندا کیوں جو اوہ اوندھے نیڑے بیوقوفی دی گالہیں ہن اَتے نہ اوہ اُنہاں کوُں سمجھ سگدے کیوں جو اوہ روحانی طور تے پرکھیاں ویندین۔ ¹⁵ ۱۵۔ پر روحانی بندہ ساریاں گالہیں کوُں پرکھ گھن دے پر آپ کئیں کولوں نئیں پرکھا ویندا۔ ¹⁶ ۱۶۔ خداوند دی عقل کوُں کون جان سگدے جو اوُں کوُں تعلیم ڈے سگے؟ پر ساڈے وچ مسیح دی عقل ہِے۔