¹ ۱۔ اگر میں بندیاں یا فرشتیاں دی زباناں وچ گالہیں کریندا راہواں اَتے محبت نہ رکھاں تاں میں خالی وجن آلا پیتل یا خالی وجن آلی تھالی آں۔ ² ۲۔ اَتے اگر میکوں نبوت ملے اَتے سارے بھیداں تے سارے علم دا پتا ہووے اَتے میڈا ایمان اِتھوں تک ہوئے پہاڑاں کوُ ہٹا ڈیواں پر محبت نہ رکھاں تاں میں کجھ وی نئیں۔ ³ ۳۔ اَتے اپنا سارا مال غریباں کوُ کھوا چھوڑاں یا اپنا بدن جلانے کو ڈے ڈیواں پر محبت نہ رکھاں تاں میکوں کجھ وی فائدہ نئیں۔ ⁴ ۴۔ محبت سابر ہِے اَتے مہربان۔ محبت حسد نئیں کریندی۔ محبت شیخی نئیں مریندی تے پھُل کے کپا نئیں تھیندی۔ ⁵ ۵۔ بُرے کم نئیں کریندی۔ اپنی چنگائی نئیں چاہندی۔ غصہ وچ نئیں آندی۔ بدگمانی نئیں کریندی۔ ⁶ ۶۔ بدکاری تھوں خوش نئیں تھیندی بلکہ چنگائی تھوں خوش تھیندی ہِے۔ ⁷ ۷۔ سارا کجھ سہہ ویندی ہِے۔ سارا کجھ یقین کریندی ہِے۔ ساریاں گالہیں دی اُمید رکھیندی ہِے۔ ساریاں گالہیں کوُں برداشت کریندی ہِے۔ ⁸ ۸۔ محبت کوُ زوال نئیں۔ نبوتاں ہوون تاں منسوخ تھی ویسن۔ زباناں ہوون تاں ویندیاں راہسن۔ علم ہوسی تاں مٹ ویسی۔ ⁹ ۹۔ کیونکہ ساڈا علم مکمل نئیں تے ساڈی نبوت ناتمام ہِے۔ ¹⁰ ۱۰۔ لیکن جڈاں کامل آسی تاں ناقص ویندا راہسی۔ ¹¹ ۱۱۔ جڈاں میں بال ہاساں اوُں ویلے بالاں دی طرح بولیندا ہم۔ بالاں وانگوں طبعیت ہاسی۔ بالاں دی طرح ای سمجھ ہاسی۔ لیکن جڈاں میں جوان تھیاں تاں بالاں آلیاں گالہیں چھوڑ ڈِتین۔ ¹² ۱۲۔ ہن ساکوُ شیشے وچ دھندلا ڈکھائی ڈیندے پر اوُں ویلے آمنے سامنے ڈیکھسوں۔ ایں ویلے میڈا علم نامکمل ہِے پر اوُں ویلے اے جیہے پورے طور نال سنجھانساں جیویں میں سنجھانا گیا ہاں۔ ¹³ ۱۳۔ غرض ایمان اُمید محبت ایہہ تریہے کڈائیں نہ بدلن آلے ہن پر افضل انہاں وچوں محبت ہِے۔