¹ ۱۔ جدوں برّے نے ستویں مُہر کھولی تے آسمان تے ادھے گھنٹے لئی خاموشی چھا گئی۔ ² ۲۔ تے فیر میں ویکھیا کے سَت فرشتے جیڑے خُدا دے سامنے کھلوتے سن اُنہاں نُوں سَت نرسنگےدتے گئے۔ ³ ۳۔تے اک ہور فرشتہ آیا جنے بخور دا سُنہرا پیالہ پھڑیا سی تے او مزہبے (قُربان گاه ) تے کھلوتا سی، اوہنوں بوہتا سارا بخور دِتا گیا تاں جو او مُقدساں دی دُعاواں دے نال بخور دے سُنہرے مزہبے (قُربانگاه)، تے جیڑا تخت دے سامنے اےنذر کرے۔ ⁴ ۴۔تے فرشتے دے ہتھوں خُدا دے سامنے بخور تے مُقدساں دی دُعاواں دا دُھوں اُٹھدا اے۔ ⁵ ۵۔تے فرشتے تے مذہبہ (قُربانگاه) توں اگ لے کے بخور دے پیالے نوں بھریا۔ تے فیر اُنیں ہیٹھاں زمین تے اُنّو سُٹیا تے اوتھے گرجاں، آوازاں، بجلیاں دی کڑک تے زلزلہ آیا۔ ⁶ ۶۔تے او سَت فرشتے جناں کول سَت نرسنگے سن، اُناں نوں پھُونکن لئی تیار ہوئے۔ ⁷ ۷۔ تے پہلے فرشتے نے نرسِنگا پھونکیا تے اوتھے اگ تے اولے خُون نال رلے ہوئے پیدا ہوئے، تےاے زمین تے سُٹیا تان جو اِیدا اک تہائی حصّہ بَل جاوے، تے درختاں دا اِک تہائی حصّہ پُجھ (بَل) گیا۔ تے ساری ہری گھاه پُجھ (بَل) گئی۔ نوٹ: کُجھ پُرانیاں لکھائیاں نے اِنو چھڈ دِتا اے، “تاں جو ایدا اِک تہائی حصّہ بَل جاوے”۔ ⁸ ۸۔ تے دوجے فرشتے نے اپنا نرسِنگا پھونکیا تے اگ نال بلدے ہوے بڑے وڈے پہاڑ وانگر کوئی شئے سمدر وچ سُٹی، تے سمندر دا اِک تہائی حصّہ خُون بن گیا۔ ⁹ ۹۔تے سُمندری جانداراں دا اِک تہائی حصّہ مر گیا، تے بحری جہازاں دا اِک تہائی حصّہ برباد ہو گیا۔ ¹⁰ ۱۰۔ تِجے فرشتے نے اپنا نرسنگا پھونکیا تے اِک وڈا جیا تاره مشعل دے وانگو بلدا ہویا نہراں تے چشمیاں دے پانی دے تِجے حصّے تے ڈِگیا۔ ¹¹ ۱۱۔ ایس تارے دا ناں اِفسنتین(ناگ دونا) اے، تے پانی دا تِجّا حصّہ اِفسنتین (ناگ دونا) بن گیا تے پانی دی وجہ توں کافی لوک مر گئے کیوں جے او کوڑا ہو گیا سی۔ ¹² ۱۲۔ تے چوتھے فرِشتے نے اپنا نرسِنگا پھونکیا، اِک تہائی سورج، اِک تہائی چن تے اِک تہائی تارےتباه ہو گئے۔ تے اِناں دی اِک تہائی، تاریکی وچ بدل گئی۔ اِک تہائی دِن تے اِک تہائی رات کول روشنی نہ رہی۔ ¹³ ۱۳۔ میں ویکھیا تے مینوں اِک عقب دی آواز سُنی۔ نوٹ: کُجھ کاپیاں وچ “عقاب” دی تھاں تے” فرشتے” دا لفظ اِستعمال ہویا اے، جیڑا اُتے اُڑ ریا سی تے اُچی آواز وچ کہہ ریا سی “افسوس، افسوس، افسوس اُناں تے جیڑےزمین تے رہندے نے اہس لئی کے ہالے تِن فرشِتیاں دے تِن نرسِنگیاں دا پھوکیا جانا رہنده اے۔