¹ ۱۔فیر مَیں اک نویں زمین تے اک نوا آسمان ویکھیا کیوں جو ہیلی زمین تے پہیلا اَسمان غیب ہو گئے۔مٹی تے سمندر وی نئیں سی۔ ² ۲۔مَیں پاک شہر ویکھیا، نواں یروشلیم، جو رب ولوں اَسمان توں لتھا۔ اوہ اک ووہٹی ونگر سی جیہڑے اپنے گھر والے لئی سجی ہووے۔ ³ ۳۔میں تخت توں ایک اُچی اَواز سُنی ’’ ویکھو ! رب اپنے لوکاں نال ایس طرح رہیوے گا۔ اوہ اوہدے لوکی ہون گے تے رب اوہناں دے نال رہیوے گا۔ اوہ اوہناں دا رب ہووے گا۔ ⁴ ۴۔اوہ اوہناں دی اکھاں وچوں ہر ہنجو مٹا دوے گا تے فیر موت یا اداسی یا رونا یا درد نئیں رہیوے گی۔ پہلایاں چیزاں جاندیاں ریاں نیں۔ ⁵ ۵۔اوہ جیڑا تخت تے بیٹا سی اے کہن لگا، ’’ویکھو! میں ساریا ں چیزاں نوئیاں بنانا آں‘‘ اہونے کیہا ’’ ایناں چیزاں نوں لکھ کیوں کہ ایہدا اکھر قابل اعتبار تے سچ نئیں‘‘۔ ⁶ ۶۔اوہنے مینوں کیہا، ’’ ایہہ چیزاں کیتیاں گیاں نیں ! میں الفا تے اومیگا آں اول تے آخر آں، جیڑا پیاسا اے میں اوہنوں زندگی دے پانی وچوں مفت پانی دواں گا۔ ⁷ ۷۔جیڑا فتح مند اے اوہنوں ایناں چیزاں دی میراث ملے گی تے میں اودھا رب ہوواں گا تے اوہ میرا پُتر۔ ⁸ ۸۔پر ڈر پوک، بے ایماناں، حرامکاراں، قاتلاں، جادوگراں، بت پرستاں تے سارے جھوٹیاں لئی۔ اوہناں دی جگہ اِک گندھک دی بلدی ہوئی جھیل وچ ہووے گی۔ ایہہ دوجی موت اے۔‘‘ ⁹ ۹۔پھر ستوں وچوں اک فرشتہ جناں کول آفتاں دے بھرے ہوئے ست پیالے سان، یرے کول آیا تے کہن لگا ’’ ایتھے آ، میں تینوں لاڑی وکھاواں، برے دی ووہٹی ‘‘۔ ¹⁰ ۱۰۔فیر اوہ مینوں وجد دی حالت وچ اک عظیم تے اوچے پہاڑ تے لے گیا تے مینوں پاک شہر یروشلیم وکھایا جیہڑا رب ولوں آسمان توں ہیٹھاں لتھ ریا سی۔ ¹¹ ۱۱۔یروشلیم تے رب دا جلال سی تے اوہدی چمک ایک بہت قیمتی پتھر یعنی یشب شفاف بلور وانگر سی۔ ¹² ۱۲۔او اک عظیم اُچی دیوار سی، جیدے وچ بارہ بوہے سان تے بارہ فرشتے بوہاں تے سی۔ بوہیاں تے بنی اسرائیل دے بارہ قبیلیاں دے ناں لکھے سان۔ ¹³ ۱۳۔مشرق وچ تین بوہے سان، شمال وچ تین جنوں وچ تین تے مغرب وچ تین۔ ¹⁴ ۱۴۔شہر دی دیوار دیاں بارہ نیاں سان، تے اوہناں تے برے دے بارہ رسولاں دے ناں سان۔ ¹⁵ ۱۵۔جیہڑا میرے نال بول دا سی، اوہدے کول شہر ایدھے بوہیاں تے ایدی دوار نوں ماپن لئی سونے دا نیا ہوا ایک ناپن والا گز سی۔ ¹⁶ ۱۶۔اوہ شہر اک مربع نما سی، ایدھی لمبائی، ایدھی چوڑائی ایکو جنی سی۔ اوہنے شہر نوں اوس گز نال ناپیا، ۱۲ ہزار فرلانگ سی (ایدھی لمبائی، چوڑائی تے اونچائی اکو جنی سی)۔ ¹⁷ ۱۷۔اوہنے ایدھی دیوار وی ناپی، ۱۴۴ ہاتھ موٹی انسانی ناپ دے مطابق (جیسطراح فرشتے دا ناپ وی اے)۔ ¹⁸ ۱۸۔دیوار یشب دی بنی ہوئی سی تے شہر خالص سونے دا شفاف شیشے وگرا۔ ¹⁹ ۱۹۔دیوار دیاں نیاں ہر قسم دے قمیتی پتھراں نال سجیاں ہوئیاں سان۔ پہلا یشب سی، دوجا نیلم سی، تیجا شب چراغ سی، چوتھا زمرد سی ²⁰ ۲۰۔پنجواں سنگِ سلیمانی سی، چھیواں لعل سی، ستواں زبرجد سی، آٹھواں یاقوت اخضر سی، نواں یاقوت اصغر سی، دسواں یمنی سی، گیارواں فیروزہ سی، بارھواں یاقوت ارغنی سی۔ ²¹ ۲۱۔بارہ بوہے بارہ موتیاں دے سی، ہر بوہا اک کلے موتی دا بنیا ہویا سی۔ شہر دیاں گلیاں خالص سونے دیاں بنیاں ہویاں سان۔ جیویں شفاف شیشہ۔ ²² ۲۲۔میں شہر وچ کوئی ہیکل نئیں ویکھی، کیوں کہ قادرِ مطلق رب تے برہ ایدھے ہیکل نیں۔ ²³ ۲۳۔شہر نوں چمکاں لئی سورج یا چن وی کئی لوڈ نئیں سی کیوں کہ رب دا جلال ایدھے تے چمکدارسی۔ تے ایدھا چراغ دان برہ اے۔ ²⁴ ۲۴۔قوماں شہر دی روشنی وچ چلن گیاں۔ زمین دا بادشاہ اپنی شان و شوکت ایدھے وچ لے آوے گا۔ [نوٹ: کُجھ پرانیاں کتاباں وچ لکھیا اے، قوماں جیہڑیاں بچالیاں گیاں نیں شہر دی روشنی وچ چلن گیاں] ²⁵ ۲۵۔ایدھے بوہے دن وچ بند نئیں کیتے جاون گے تے ایدھے وچ کدی رات نئیں ہووے گی۔ ²⁶ ۲۶۔اوہ قوماں دی شوکت تے عزت ایدھے وچ لیان گے۔ ²⁷ ۲۷۔پر ایدھے وچ کوئی پلیت چیز کدی نئیں وڑے گی، نہ ہی کوئی جو شرمناک یامکاری دا کم کردا اے، بلکہ اوہ جنیاں دے ناں برے دی کتاب حیات وچ لکھے نیں۔