¹ ۱۔فیر میں اِک وحشی جانور نوں سمُندر وچوں نِکلدا ہویا ویکھیا اوہدے دِس سِنگ تے سَت سر سَن اوہدے سنگاں تے دَس تاج سن تے اوہدے ہر اِک سِر تے کُفر والے ناں لِکھے سَن۔ ² ۲۔جیڑا وحشی جانور میں ویکھیا اوہ چیتے ورگا سی، اوہدے پیر ریچھ دے پیراں ورگے تے اوہدا مُنہ شیر دے مُنہ ورگا سِی۔ حیوان نے اپنی قوت اپنا تخت تے اپنا وڈا اختیار اوہنوں حکمرانی کرن لئی دِتا۔ ³ ۳۔اینج دِسدا سی کہ جیویں وحشی جانور دا اِک سِر مار دِتا گیا ہوئے۔پر وڈا زخم بَھر گیا سی، تے وحشی جانور نوں منن والی ساری دنیا حیران سی۔ ⁴ ۴۔ نالے اوہ سارے حیوان دی عبادت وی کردے سی کیوں جو اوہنے اپنا اختیار وحشی جانور نوں دِتا سی اور وحشی جانور دی عبادت وی کرن لگ پئے تے کہندے جاندے سی وحشی جانور ورگا کون اے؟ تے اوہدے خلاف کون لڑ سکدا وے۔ ⁵ ۵۔ وحشی جانور نوں منہ دِتا گیا تاں جو اوہ شیخی مارے تے کُفر بول سکے۔ اوہنوں بتالی مہینیاں لئی اختیار ورتن دی ڈھیل دِتی گئی۔ ⁶ ۶۔تاں جوں وحشی جانور خدا دے خلاف اپنا مُنہ کھولے تے خدا نوں کفر بکے۔ اوہدے ناں دی حقارت کرے اوتھے جِنھے اوہ رہندا اے اور اوہناں وچ جیڑے اسماناں تے رہندے نے۔ ⁷ ۷۔وحشی جانور نوں ڈھیل دتی گئی کے اوہ مقدسین تے نال جنگ کرے اور اوہناں تے فتح پاوے۔ اوہنوں ہر قبیلے، انسان، زبان تے قوم تے اختیار وی دِتا گیا۔ ⁸ ۸۔زمین دے سارے رہن والے اوہدی عبادت کرن گے تے اوہ سارے وی جنہاں دے ناں جدوں دی دنیا بنی اے کِتابِ حیات وچ جیڑی ذبح ہون والے بّرے دی اے، نئیں لِکھے گئے۔ ⁹ ۹۔کِسی دے کن ہون تے اوہ سُنے، ¹⁰ ۱۰۔اگر کِسے دا قید وچ جانا ٹھہر گیا تے قبر اوہ قید وچ جاوے گا۔ اگر کِسے دا تلوار نال قتل ہونا ٹھہر گیا تے فیر اوہ قتل ہوئے گا۔مقدسین دے ایمان تے صبر دے نال برداشت کرن والیاں لئی ایہو موقع اے۔ ¹¹ ۱۱۔فیر میں اِک ہور وحشی جاندار نوں زمیں وچوں نکلدے ہوندیاں ویکھیا۔ اوہدے بھیڈ ونگر دو سِنگ سی تے حیوان وانگر بولدا سی۔ ¹² ۱۲۔اور پہلے وحشی جانور دی موجودگی وچ اوہدا سارا اختیار ورت دا سی، اوہنے زمین تے زمین دے رہن والیاں نوں مجبور کیتا کہ اوہ پہلے وحشی جاندار دی عبادت کرن۔اوہدی جدا بھاری زخم بَھر چُکیا سی۔ ¹³ ۱۳۔اوہ وڈے معجزے کرے گا تاں جو لوکاں دے سامنے اَسمان توں زمین تے اگ وی ورسائے گا۔ ¹⁴ ۱۴۔نشانیاں دے نال ایہنوں ڈھیل دتی گئی اے۔ اوہ زمین تے رہن والیاں نوں دھوکہ دیوے گا۔ اوہ دسے گا پئی اُس وحشی جانور نوں عزت دین لئی بت بناؤ جدا تلوار نال لایا زخم بَھر گیا اے۔ ¹⁵ ۱۵۔انہوں اختیار دِتا گیا کہ اہ وحشی جانور دے بُت وچ ساں بھرے تاں جو اوہ بت بولے اور جیڑے اوہدی عبادت کرن توں انکار کرن اوہناں نوں مار دیوے۔ ¹⁶ ۱۶۔اوہ ہر کِسے نوں مجبور کرے گا پاویں کمزور ہوئے یاطاقتور امیر ہووے یا غریب، غلام ہووے یا آزاد کہ اوہ اپنے سِدھے ہتھ یا متھے تے نشان لین۔ ¹⁷ ۱۷۔کِسے لئی وی اے اوکھّا سی پئی بغیر وحشی جانور دے نشان توں کجھ وی بیوپار کرسکے۔ جیڑا کہ اُس وحشی جانور دے ناں دے عدد نوں ظاہر کردا اے۔ ¹⁸ ۱۸۔ایہہ حِکمت دا بلاوا اے۔ جے کِسے نوں سمجھ ہووے تے وحشی جانور دے ایس عدد نوں گِنے۔ کیوں جو ایہہ انسان دا عدد اے۔ اے عدد ۶۶۶۔