¹ ۱۔اسمان تے اِک وڈّا نشان نظر آیا جِدّے وِچ اِک عورت جنہیں سُورج اپنے جِسم تے لپیٹا دا سی، چن اوہدے پیرا تلّے سی ہور بارہ تاریاں والا تاج اوہدے سِر تے سی ² ۲۔ہور اِک عَورت بچہ پَیدا ہون والی درداں چوں گُزر رہی سی ³ ۳۔ایدے بعد اِک ہور نشان آسمان تے نظر آیا۔ ویکھو اِک وڈھا لال رنگ دا اَژدھا جِدّے ۷ سِر تے ۱۰ سِنگ سن ہور اوہدے ۷ سِراں تے ۷ تاج سن۔ ⁴ ۴۔ اوہنے اپنی دُم نال تاریاں دے تِیجے حِصّے نوں زمِین تے سُٹ دِتّا او اژدھا اوس عورت دے اَگے کِھلّو گیا جیڑی بچّہ جنن نُوں سی تاں جدوں اودھا بچّہ پیدا ہووے تے او اوہنوں کھا جاوے۔ ⁵ ۵۔اوس عورت نے بچّے نوں جنیا جیڑا پُوری دُنیا تے اپنے لوہے دے عصّا نال پوری قوماں تے حکومت کرے گا۔اوہدے بچے نُوں اوہدے کولوں کھو کے رب تے اوہدے تخت تک پُہنچا دِتّا گیا۔ ⁶ ۶۔اور اوہ عورت بیابان نُوں نٹ گئی تے اوس تھاں تے گئی جیڑی خُدا نے اوہدے واسطے تیار کیتی سی جِھتّے اوہدا ۱۲۶۰ دِناں تک خیال وِچ رکھیا جاویگا۔ ⁷ ۷۔ہُن اَسمان تے جنگ لڑائی شُروع ہو گئی۔ مِیکائیل تے اوہدے فرشتیاں تے اَژدھا تے اوہدے فرِشتیاں نال جنگ کیتی ۔ ⁸ ۸۔اَژدھا تے اوہدے فرِشتیاں وِچ اپنی طاقت نہیں سی پئی او ایہ جنگ جِت سکدے۔ ایس واسطے ایناں لئی ایمان تے کوئی تھاں نہیں سی۔ ⁹ ۹۔او ودڈھا اَژدھا یعنی اوہی پُرانا سپ جیڑا شیطان تے ابلیس کواندا وے ہور جیڑا سارے جہان نُوں دھوکا دیندا اَے او ہنوں تے اوہدے نال دے فرشیاں نوں زمین تے سُٹ دِتّا گیا۔ ¹⁰ ۱۰۔ایدے باجوں اَسمان تو اِک اُچّی آواز آئی کہ ہُن ساڈے خُدا دی نجات اور قُدرت اور بادشاہی اور مسیح دا اختیار ظاہر ہویا اور ساڈے پھراواں تے دِن رات خُدا دے سامنے الزام لان والے نُوں زمین تے سُٹ دِتا گیا وے۔ ¹¹ ۱۱۔بڑے دے خون تے کلام دی گواہی دی وجہ توں فتح پائی ۔ ایتوں تیک کہ اوہناں نے اپنی جندڑی دی پرواہ نہیں کیتی۔ ¹² ۱۲۔اسماناں تے اوہنا وِچ رہن والیو خُوشی مناؤ۔ خُشکی تے پانی تے افسوس کیونکہ ابلیس پھڑے ہوئے قہر نال تواڈے تے آیا اے کیوں جو اوہدے کول تھوڑا جیا وقت اے۔ ¹³ ۱۳۔جدوں ابلیس نُوں احساس ہویا کہ اوہنوں زمین تے سُٹ دِتّا گیا وے تے اونے اوس عورت دا پِچھّا کیتا جِنے بچہ پیدا کیتا سی ¹⁴ ۱۴۔اوس عورت نُوں عُقاب دے دو پَر دِتّے تاں جو او اوس جگہ تھوں اُڈ کے بیاباناں وچ چلی جاوے جِھتّے اوہدی سب توں دُور رَو کے اوہدی زمانہ، تے زمانے تے ادھے زمانے تک پرورش کیتی جاوے گی۔ ¹⁵ ۱۵۔ابلیس نے اوس عورت دے پیچھے اپنے مُنہ چوں دریا ونگر پانی وگایا تاں جو او سیلاب وِچ رُڑ جاوے۔ ¹⁶ ۱۶۔ زمین نے عورت دی مدد کیتی تے اپنا مُنہ کھول کے اوس پانی نوں جیڑا شیطان نے اپنے مُنہ چوں وگایا سی پی لیا۔ ¹⁷ ۱۷۔ اوہدےباجوں شیطان نُوں عورت تے غُصّہ آیا تے اونے اوہدی نسل نال جنگ برپا کیتی۔ خُدا دے حُکماں تے چلن والے تے یسُوع دی گواہی دین والے لوکاں نال لڑن ٹُر گیا۔ ¹⁸ ۱۸۔اوس تے بعد شیطان سمُندر دی ریت تے جا کے کھلو گیا۔