1
۱۔ ویکھو میں اِک پیغام دین والے نُوں گھلاں گا او میرے اگے راہ بناوے گا تَد خُداوند جِدے تُسی منَن والے اواچانک ہیکل وِچ آجاوے گا تے اوس ویلے عہد داسنیاہ دین والاجِدے تُسی خواہش مند او آجاوے گاخُداوند فرماندا اے۔
2
۲۔ پر اوس دےآون دے دہیاڑے دِی کِدے کول طاقت اے تے جَد او سامنے آوے گا تے کون کھلو سکے گا کیوں جے او سنیارے دِی اَگ دِی وانگُوں یاں دھوبی دے صابن دے وانگُوں اے۔
3
۳۔ او چاندی نُوں تپاوَن تے پاک صاف کرن والےدے وانگُوں بَوے گا تے بنی لاوی نُوں سونے چاندی دے وانگُوں صاف کرے گا۔
4
۴۔ تد او خُدا دے ایسے لوک ھون گے جہڑے سچیائ نال ہدیئے لیاون گے تَد یُہودہ تے یرُوشلم دا ہدیہ خُداوند نُوں قبوُل ھوئے گا جِیویں کہ پرانے ویلیاں تے لنگیاں دِناں وِچ ھُوندا سِی۔
5
۵۔ تے میں اِنصاف کرن لئ تہاڈے نیڑے آواں گا تے جادُو گراں بدکاراں تے جُھوٹٰی قسَم چُکن والیاں دے خلاف تے اوناں دے خلاف وِی جہڑے مزدُوراں نُوں اہناں دِی مزدُوری نہیں دیندے تے بیوہ تے یتیِماں اُتے ظُلم کر دے نے تے پردیسیاں نُوں انصاف نہیں دیندے تے میتھوں نیہں ڈر دےخُداوند فرماندااے۔
6
۶۔ خُدا نُوں ٹھگنا ں میں کَدی نا بَدلن والا خُدا آں ایس لئ اے یعقوب دِی اُولاد تُسیں ختم نیہں ھوئے۔
7
۷۔ تُسیں آودے دادے دے دِناں توں اِی ہمیشاں ای میری شریعت تو مُنہ موڑ دے آے او تے اونوں نیہں منیاں تُسی میرے ول مُڑ کے واپس آو تے میں تہاڈے ول دھیان کراں گاتُسیں پُچھدے او کہ اسیں ِکیسں گَل وِچ دھیان دیئے۔
8
۸۔ کِہیہ کوئ خُدا نُوں ٹھگدا اے ؟ پر تُسیں مینوں ٹھگدے او تے پُچھدے او کہ اسیں کہڑی گَل وِچ تینُوں ٹھگنے آں ؟ دہ یکیاہ تے ہدیہ وِچ۔
9
۹۔ بَس تُسیں لعنتی او تہاڈی ساری قوم لعنتی اے کیوں جے تُسی مینوں ٹھگدے رہے دہ یکی کھٹی کرن والی جگہ تے لیاو تاں جے میرے گھر وِچ خوراک ھوئے ایس گل وِچ مینوں ازما کے ویکھوخُداوند فرماندا اے۔
10
۱۰۔ تے ویکھو کے میں آسمان دے بُوھے کھول کے ایس طرح برکتاں وساواں گا کے تہاڈے کول رکھن نُوں تھاں نا رھ گی۔
11
۱۱۔ میں کِیڑیاں نُوں تہاڈی فصل کھان توں روکاں گا تے تہاڈے باغ آودا کچا پھل نا ڈیگن گےخُداوند فرماندا اے۔
12
۱۲۔ تَد ساریاں قوماں تہانوں مُبارک کہن گیاں کیوں جے تہاڈا مُلک خُشحال ھووے گاخُداوند فرماندا اے۔
13
۱۳۔ خُداوند اکھدا اے کہ تُسیں میرے خلاف ڈاڈیاں گلاں کِتیاں نے تے فیر وِی تُسیں پُچھدے اوکہ اسیں تیرے خلاف کیہِ کہیا اے
14
۱۴۔ تُسیں کیہہ اے کہ خُدادِی بندگی کرنا فضُول اے خُدا دے حُکماں اُتے عمل کرکے سانُوں کِیہہ لبھا تے اوس دے حُکماں نُوں مَن کے اوہدے اگے روون پِٹن والیاں دے وانگر سانُوں کیِہ لبھا؟
15
۱۵۔ ھُون اسیں غرُور کرن والیاں نُوں برکت والے کہنے آں بیشک شرارت کرن والے سوکھے ھُوندےنے تے خُدا دے خلاف چلن والے رہائ پاندے نے۔
16
۱۶۔ تَد خُدا ترساں نے رَل کے گَل بات کِیتی تے خُدا نےدھیان لاہ کے اوناں دِی سُنی تے اوناں دےبارے جہڑے خُدا توں ڈردے تے اوہدے ناں دِی وڈھیائ کر دے نے خُدا دے حضُور قائم رہن والا ِاک عہد نامہ لِکھیا۔
17
۱۷۔ خُداوند فرماندا اے کہ او میرے لوک ھون گے اوس دھیاڑےاو میری خاص ملکیِت ھون گے میں اوناں تے رحم کراں گا جِیویں پیِو آودے سیوہ کرن والے پُترتے رحم کردا اے۔
18
۱۸۔ اوس ویلےتُسیں نیکاں تے بداں وِچ تے خُدا دِی بندگی کرن تے نا کرن والیاں وِچ فرق کرو گے۔