1
. فیر خداوند نے موسیٰ نال کلام کر کے آکھیا۔
2
. پئی بنی اسرائیل نال کلام کر اتے آکھ۔پئی جہڑی بی بی نوں آس لگے اتے منڈا جمے، تاں اوہ اوہدے حیض دی ناپاکی دے دیہاڑیاں وانگ ست دیہاڑے تیک ناپاک ہؤے گی۔
3
. اتے اٹھویں دیہاڑے منڈے دی سنت کیتی جاؤے۔
4
. اتے اوہ تیتی دیہاڑے تیکر آپنی طہارت دے لہؤ وچ رہؤے۔ کسے پاک شئے نوں ہتھ نا لاؤے اتے نا ای مقدِس وچ وڑے۔ جد تیکر پئی اوہدی طہارت دے دیہاڑے پورے نا ہو جاؤن۔
5
. اتے جیکر اوہ کُڑی جمے تاں اوہ دو ہفتے جیویں حیض دے دِناں وچ رہندی اے، ناپاک رہؤے گی۔ اتے چھیاٹھ دن تیکر آپنی طہارت دے لہؤ وچ رہؤے گی۔
6
. اتے جد اوہدی طہارت دے دن پورے ہون، تد اوہ اک سال دا میمنا سوکتنی قربانی جوگی اتے کبوتر دا اک بچا یاں اک گھگی خطا دی قربانی جوگی حضوری دے تنبو دے بوہے اُتے کاہن دے کول لئیاوے۔
7
. تاں اوہ اوہناں نوں خداوند دے ساہمنے کرے، اتے اوہدے جوگی کفارہ دیؤےتد اوہ آپنے حیض تھوں پاک ہوؤے گی۔ منڈے اتے کڑی دے جمن دی ایہہ شریعت اے۔
8
. جیکر اوہدے کول میمنے دا مُل نئیں، تاں اوہ دو گھگیاں یاں کبوتر دے دو بچے لئیاوے۔ اک سوختنی قربانی جوگی اتے دوجا خطا دی قربانی جوگی۔ تد کاہن اوہدا کفارہ دؤے، اتے اوہ پاک ہو جاؤے گی۔