1
۔ کی بندا دھرتی تے کم کار نیئں کر دا؟ تے کی اوہدے دیہاڑے اِک مزدور وانگ نیئں لنگدے۔
2
۔ جیویں اِک کاماں شام پین دی اُڈیک رکھدا اے۔ تے مزدُور اپنی دیہاڑی دی اُڈیک رکھدا اے۔
3
۔ ایسے طرح میرے حصّے وِچّ آن والے مہینے فصول نیں، تے میریاں راتاں میرے دُکھ دا سبب نیں۔
4
۔ جدوں میں لیٹنا ہاں تے ایہہ ہو ہی سوچدا رہنا ہاں پئی دِن کدوں چڑھے گا۔ رات لمی ہو جاندی اے تے میں سویل تک پاسے مار دا رہنا واں ۔
5
۔ میر ا جُسا کیڑیاں تے گارے نال ڈھکیا رہندا اے۔ میری کَھل پاٹن دہی اے تے میر ے پھٹ سڑن ڈ یئے نیں
6
۔ میرے دیہاڑے جُلاہے دی ڈھرکی توں وی تیز نیں جیہڑے بے اُمیدی وِچّ لنگھ جاندے نیں۔
7
۔ یا ربّا ! یاد کر میری حیاتی ہوا وانگ اے۔ میریاں اکھاں فیر کدی خُوشی نہ ویکھن گئیاں
8
۔ جیہڑی اَکھ مینوں ہُن ویکھدی اے فیر کدی نہ ویکھے گی؛ تیریاں اکھاں مینوں لبھدیاں پھرن گیئاں پر میں نہ ہوواں گا۔
9
۔ جیویں اِک بدل اِک دَم اولہے ہو جاندا اے تے فیر نئیں دِسدا اوو ویں ہی جیہڑا قبر ے پئے جاندا اے کدی نئیں پرت دا۔
10
۔ اوہ اپنے گھر نوں فیر کدی نہ آوے گا؛ اوہدی تھاں اوہنوں فیر نہ سجھا نے گی۔
11
۔ سو میں چُپ نہ رہواں گا؛ شدید روحانی دُکھ دی حالت وِچّ بولاں گا، جان ٹوٹن دے ویلے گِلا کراں
12
۔ کی میں سمندا ہاں کوئی ڈراونہ سمندری اژدہا ہاں پئی تُوں میرے تے پہرے لائے ہوئے نیں۔
13
۔ جدوں میں سوچنا ہاں پئی میری منجی مینوں آرام دیوے گی تے میرا پلنگ میریاں پیڑاں کھٹا دیوے گا۔
14
۔ تد وی تُوں سُفنیاں وِچّ مینوں ڈرانا ایں تے رویتاں راہیں وی مینوں ڈراوے دیندا اے۔
15
۔ تاں جو میں پھا ہ لے کے مَر جاواں تے میرا وجود باقی نہ رہوے گا۔
16
۔ مینوں اپنی حیاتی توں نفرت اے، میں سدا جیوندا نہ رہواں گا۔ مینوں میرے حال تے چھڈ دے کیوں جو ہن میری حیاتی دا کو ئی مقصد نیئں۔
17
۔ آخر بندے دی سِہہ ہی کی اے پئی تُوں اوہنوں اُچایاں کریں تے اوہدا خیال دِل وچّ لیاویں ۔
18
۔ تے ہر سویل اوہدا پتا کریں تے ہر ویلے اوہنوں آزماندا رہوے ؟
19
۔ کی تُوں کدی اپنی اِکھ میرے وَلوں نہ پھیریں گا ، تے مینوں اِک پل وی اکلا نئیں چھڈیں گا؟
20
۔ اے بنی آدم دے راکھے! جے میرے کولوں کوئی پاپ ہو ہی گیا اے تے تیرا کی وگڑیا اے ؟ تُوں مینوں اپنا نشانے تے کیوں رکھیا اے؟ کی میں تیرے لئی بھار بَن گیا۔
21
۔ تُوں میریاں خطاواں بخش کیوں نیئں دیندا۔ میں تے بڑی چھیدی ہی مٹی وِچّ رَل جانا ایں؛ تُوں مینوں لبھیں گا ، پر میں تینوں نہیں مِلاں گا۔