1
-ویکھ ،میریاں اَکھا ں نیں سَبھو کُجھ ویکھیا اے،تے میرے کَناں نیں سُنیاں اے،تے سمجھ وِی لیا اے۔
2
-جو کُجھ تُسیں جاندے ا،اوہ میں وِی جانداوآں ۔میں تُساں توں کِسے وی گل وِچ گَھٹ نئیں ۔
3
-مَطلب ایہہ وے پئی میں خُدائے قادر نال بَولاں گا ۔تے میں خُدا نال تکرار کرنا چاہنداواں ۔
4
-ایس لئی پئی تُسیں جھوٹیاں گلاں گھڑ دے او۔تے سارے ای بے چَجے طبیب او۔
5
-کاش پئی تُسیں سَراسَر چُپ رہندے تے ایہدے وچ ای تہاڈی بسیانف ہُندی ۔
6
-تُسیں میریاں دَلیِلاں تے سُنو۔تے میرے بُلاں دے دعوے ٰ اُتے کَن لگاؤ۔
7
-کیہ تُسیں خُدا دے بارے وِچ گَل آکھو گے ۔یاں اوہدے حق وِچ دھو کھے بازی ناں بَولو گے؟
8
-کیہ تُسیں اہودے وَل دی گَل کرو گے یاں خُدا دے لئی جھگڑو گے؟
9
-کیہ تہاڈے واسطے ایہہ چنگا نئیں ہووے گا پئی اوہ تہانوں اَزمایش کرے۔یاں کیہ تُسیں اوہنوں دھوکھا دیو گے ۔جیویں انسان نُوں دھوکھا دِتا جاندا اے ؟
10
-سَگوں جَد تُسیں اَوہلے وِچ طرفداری کرو گے ،تے فیر وِی اوہ تہاڈے کَن کھِچے گا ۔
11
-کیہ اوہدی وڈھیائی کولوں تُسیں نئیں ڈرو گے ۔کیہ اوہدے خوف تہاڈے اُتے نئیں پئے گا ؟
12
-تہانوں گلاں مِٹی دِیاں تَمثِلاں نیں ۔تے تہاڈے مِٹی دے قعلے نیں۔
13
-میتھوں دُور ،چُپ ہو کے بہہ جاؤ ،تاں جو میں بَولاں ۔میرے اُتے جیہڑی بَلاآؤندی اے ۔آؤن دَو۔
14
-میں اپنا مَاس اپنے دَنداں نال پھڑاں گا ۔تے اپنی جان ہَتھ اُتے رَکھ لَواں گا۔
15
-بھَاویں اوہ مینوں قتل کرے ۔تے فیر وِی میں ڈر نال نئیں کَمباں گا ۔پَر ایہناں راہواں دی بابت اوہدے اَگے بحث کراں گا ۔
16
-تے اوہ ای میری نجات دا سبب ہووےگا۔ایس لئی پئی کوئی بے ایمان اوہدے سامنے جا ای نئیں سَکدا ۔
17
-پَس میری گل دھیان نال سُنو۔تے جوکُجھ میں بَولناواں اوہ تہاڈے وِی کَنیں پَوے ۔
18
-ویکھ میں اپنے دعوےٰ اُتے غَور کیتا اے۔تے میں جان گیا واں پئی میں سَچا اَکھوایا جانواں گا ۔
19
-کون اے جیہڑا میرے نال جھگڑے گا ۔پئی جَدوں میں چھیتی چُپ ہو جاواں گا ۔تےاپنی جان دے دواں گا ۔
20
-میرے نال دو گلاں ناں کرِیں ،تد میں تیرے حضور تَوں نئیں لُکاں گا ۔
21
-اپنا ہَتھ میتھوں دُور رکھیں تے تیری دہشت مینوں ناں ڈراوے۔
22
-مینوں بُلا تے فیر میں جواب دیواں گا ۔یاں مینوں بَولن دے تے فیر تُوں مینوں جواب دے۔
23
-میتھوں کیہہ جُرم تے گناہ ہو ئے نیں ۔میرے قَصُور تے گناہ مینوں سُناں دے۔
24
-تُوں اپنی شکل کیوں چھُپاؤند ایں تے کیوں مینوں اپنا ویری سمجھنا ایں؟
25
-کیہ تُوں ہوا نال اُڈدے پَتر نُوں تکلیف دیویں گا ،کیہ تُوں سُکی ہوئی تُؤڑی دے پیچھے پَیا رہویں گا ؟
26
-ایس لئی پئی تُوں میرے وِرَود وِچ کاؤڑیاں گلاں لِکھناں ویں ۔تے میرے مُنڈپُنے دےگناہ فیر میرے گلےپاؤناویں ۔
27
-تے میرے پیراں نُوں کاٹھ وِچ ڈھوکَنا ں ویں ۔تے میرے سارے چَال چَلن نُوں ویکھ لیندا اے ۔تے پیراں تَلویِاں دے وچَواں پاسے حَد بندی کرنا ویں ۔
28
-تے اوہ سَڑی ہوئی لکڑی وانگوں ختم ہو جاندا اے۔تے اوس لَتے وانگوں جنہوں کیڑا کھاجاندا اے۔