¹ ۔میری روح میری حیاتی تُوں ناخُوش اے۔میں شکوہ کردا جاواں گا۔ تے اپنے دل دی رنجش نال بولاں گا۔ ² ۔میں خُدا نُوں آکھاں گا۔تُوں مینوں الزام ناں دیویں گا۔مینوں دسیں ،پئی میرے نال کیوں جھگڑا کر نا ویں ۔ ³ ۔ کیہ اَیہہ تیرے لئی نفع دا سبب اے پئی تُوں ظُلم کریں تے اپنے ہتھ دی کاری گاِری نال نفرت کریں۔تے بدکاراں دی صلاح دے غلاویں وچ آویں؟ ⁴ ۔کیہ تیریاں اَکھیاں جسمانی نیں۔ کیہ تُوں انسانی اَکھ نال ویکھنا ویں ۔ ⁵ ۔ کیہ تیرے دن انسان دے دِناّں وانگوں نیں ۔ یاں تیرے ورہے آ دمی دے ورہیاں وانگوں نیں۔ ⁶ ۔کیہ توں میرے گناواں دی ٹوہ وچ ایں تے میری بدی بابت کھوج کردا ایں ۔ ⁷ ۔بھاویں توں جاندا ایں پئی میں بدکار نیں تے تیریاں ہتھاں وچو ں مینوں کوئی نیئں چھڈاسکدا۔ ⁸ تیرے ای ہتھاں نیں مینوں پیدا کر کے پورا پورا بنایا ،کیہ توں ہن مینوں ہلاک کریں گا؟ ⁹ ۔ یاد کر، پئی توں مینوں چکنی مٹی وانگوں بنایا سی ۔کیہ توں مینوں فیر مٹی وچ ملادیں گا؟ ¹⁰ ۔ کیہ توں مینوں دُوھّوانگوں نیئں اُوندھایا؟ تے دہی دے وانگوں نئیں جمایا۔ ¹¹ ۔ توں مینوں چمڑا تے گوشت پَوُایا(پہنایا) ۔توں مینون ہڈیاں تے پٹھیاں دی جالی لگائی ۔ ¹² ۔ توں مینوں حیاتی لئی سُکھ بخشیا۔ تے تیری پرور دگاری نیں میری روح دی سبھال کیتی۔ ¹³ ۔ تُوں نیں ایہہ گلاں اپنے دل وچ لکائیاں ، پر میں جنداواں پئی تیرا ارادہ ایہہ ای اے۔ ¹⁴ ۔ پئی جے کر میں گناہ کراں تے فیر توں میری نگرانی کریں گا تے توں میری بدکاری نوں معاف نیں کریں گا۔ ¹⁵ ۔ جے کر میں بدی کیتی اےتے میرے اتے افسوس اے جے کر نیکی کیتی تے فیر وی میں فخر نیں کراں گا ۔ایسں لئی شرم نال ڈب مریاںواں تے دُکھ دا پیالہ پی کے رج گیا واں۔ ¹⁶ ۔ تے جے کر میں غرور کراں تے فیر توں شیر ببر وانگوں میرا شکار کریں گا۔ تے باربار مینوں عجیب طرحاں دکھ دیویں گا۔ ¹⁷ ۔ توں میری مخالفت وچ اپنی دشمنی نوں سجرا کریں گا۔ تے اپنا غصامیرے لئی ودھاویں گا۔ تے تیریاں فوجاں میرے نال مقابلے لئی چڑھ آون گئیاں۔ ¹⁸ ۔توں مینوں رحم وچوں کڈھیا ای کیوں سی ۔ایسں توں پہلاں پئی کوئی اَکھ مینوں ویکھ دی میری جان کیوں ناں نکل گئی۔ ¹⁹ ۔تے فیر میں ایس طاحاں ہندا، جیویں پئی کدی ہے ای نئیں ساں تے پیٹ وچوں ای قبر پہو نچا دِتاّ جا ندا۔ ²⁰ ۔ کیہ میرے دیہاڈے تھوڈے جئے نیں؟ پس ،بس کر تے مینوں چھڈ دے ۔تاں جو میں ذرا ساہ لے لاواں۔ ²¹ ۔ ایس تھوں پہلاں پئی میں اُوتھے چلا جاواں ،جیتھوں واپس نیں اوناں ، مطلب ایہہ وے پئی ہنیرے تے موت دے سایہ دے ملک وچ۔ ²² ۔ اوہ ہنیرے دا ملک کدے وچوں درجہ بندی نیئں، تے جدا سو یرا وی ہنیرا وے۔