¹ ۱۔ ادار یعنی بارھویں مِہنے دِی تیرھویں تا رِیخ دے شاہی مُہر والے فرمان دے پُورے ہون دا ویلا آن ہُون جَد کے حالات بیِلکُل بَدل گئے سَن ایس لئ یُہودیاں نے اُلٹا آودے نفرت کرن والیاں اُتے غلبا پا لیا۔ ² ۲۔ بادشاہ اخُسویرس دے سارے صُوبیاں دے یُہودی آپنے آپنے شہراں وِچ کٹھے ھوئے تاں جے اوناں اُتے جیڑے اوناں نُوں برباد کرنا چاہندے سَن ۔ حملہ کرن۔ اوناں دے مقابلے وِچ کِسے نُوں کھڑے ھون دِی جُرت نا ہوئ کیوں جے ساریاں قوماں اُتے خوف پَےگیا سِی۔ ³ ۳۔ تے صُوبیاں دے سارے امِیراں وزیراں تے بادشاہ دے حُکماں نے یُہودیاں دِی مدد کِیتی کیوں جے او مردکی نُوں بُہت پسَند کر دے سَن۔ ⁴ ۴۔ مردکی شاہی محل وِچ بڑی عِزت والا سِی اوہدی مشُہوری سارے صُوبیاں وِچ کِھلر گئ سِی تے او دن بیدن تگڑا ھُوندا گیا۔ ⁵ ۵۔ یُہودیاں نے اوہدے سارے دُشمناں نُوں تلوار نال مار دِتا تے اوناں نُوں مار کے تباہ و برباد کر دِتا تے آودے نفرت کرن والیا دے نال جہڑا چنگا لگا او اِی کِیتا۔ ⁶ ۶۔ یُہودیاں نے قصرِ سوسن اِی وِچ پَنج سَو بَندیاں نُوں قتل کر دِتا ۔ ⁷ ۷۔ اوناں نے پرشنداتا دلفُون تے اسباتا۔ ⁸ ۸۔ پُورتا ادلیاں تے اردتا۔ ⁹ ۹۔ تے پُرمشتاہ اریسِی ارِدی تے وَیزاتا نُوں وِی مار دِتا ¹⁰ ۱۰۔ کیوں جے ہامان بِن ہمداتا یُہودیاں دا پکا دُشمن سِی ایس لئ ہامان دے اے دسَ دے دَس پُتر مار دِتے گئے پر یُہودیاں نے لُٹ مار نا کِیتی۔ ¹¹ ۱۱۔ سوسن دے شہر وِچ قتل ھون والیاں دِی خَبر بادشاہ نُوں اوسے دن پونچا دِتی گئ سِی۔ ¹² ۱۲۔ بادشاہ نے ملکہ آستر نُوں آکھیا ۔یُہودیاں نے قصَر سوسن اِی وِچ پَنج سَو بندیاں نُوں قَتل کر کے ختم کر دِتا اے تے ہامان دے دَس پُتراں نُوں مار دِتا اے تے اوناں نے حُکومت دے دُجے شاہی صُوبیاں وِچ کِی کُجھ کَیتا ھوے گا؟ ھُون تیری عرض کِی اے؟ او وِی مَنی جاوئے گی۔دَس ۔تُوں ھور کِی چاھنی ایں؟تینوں او وِی مِل جاوے گا۔ ¹³ ۱۳۔ آستر نے جواب دِتا کہ جے کر بادشاہ نُوں منظُور ہوے تے یُہودیاں نُوں اجازت دِتی جاوے کہ اوناں نے پُتر سُولی اُتے چڑھائے جاون۔ ¹⁴ ۱۴۔ بادشاہ نے آکھیا کہ اہیہ وِی کِیتا جاوے۔ بَس سوسن وِچ حُکم سُنایا گیا تے ہامان دے دَسے پُتر سُولی اُتے چڑھا دِتے گئے۔ ¹⁵ ۱۵۔ سوسن وِچ رہن والے یُہودی آدار دے مہِنے دِی چودھویں تارِیخ نُوں کٹھے ہوئے تے اوناں تِن سَو بندے ھور مار دِتے پر اوس دن وِی لُٹ مار نا کِیتی۔ ¹⁶ ۱۶۔ باقی یُہودی جہڑے بادشاہ دے صُوبیاں وِچ سَن کٹھے ھوے تاں جے پُوری تیاری نال آودے دُشمناں نُوں قابُو کر کےاوناں توں ریحائی پاون اوناں نے پچتر ہزار بندیاں نُوں ما ر دِتا پر اوناں دا مال سباب نا لُٹیا۔ ¹⁷ ۱۷۔ آدار دے مہِنے دِی تیرھویں تارِیخ نُوں اہیہ کَم ختم کرکے اوناں نے چودھویں تارِیخ نُوں ارام کِیتا تے اونوں کھان پیِن تے عِید دا دن مُقرر کِیتا۔ ¹⁸ ۱۸۔ سوسن وِچ رہن والےیُہودی آدار دِی تیرھویں تے چودھویں تارِیخ نُوں کٹھے ھوے تے پَندرھویں تارِیخ نُوں ارام کِیتا تے اونوں کھان پیِن تے عِیِد دا دن مُقرر کِیتا۔ ¹⁹ ۱۹۔ اے اِی وجہ اے کہ پنِڈاں وِچ رہن والے یُہودی آدار مِہنے دِی چودھویں تارِیخ نُوں عیِد منادے تے ضیافت کر دے نے تے اِک دُجے نُوں تحفے گھَلدے نے۔ ²⁰ ۲۰۔ مردکی نے اِناں واقعیاں نُوں لِکھیا تے شاہِ اخسُویرس دِی ساری حُکومت وِچ دُور تے نیڑے دے سارے یُہودیاں نُوں چِٹِھیاں پایاں۔ ²¹ ۲۱۔ کہ او ھر سال آدار دِی چودھویں تے پندرھویں تارِیخ نُوں عیِد مناون۔ ²² ۲۲۔ اہیہ دو دن او نے جِناں وِچ یُہودیاں نے آودے دُشمناں توں رہحائ پائ تے اہیہ مِہنہ او مِہنہ اے جہِندےِچ اوناں دا ُدکھ خُوشی تے شادمانی وِچ تے اوناں دا ماتم و ا ٓرام تے شادمانی وِچ بَدل گیا اونے لِکھ کے حُکم دِتا کہ ایہہ دِن ضیافتاں دے نال عیِد دے وانگُوں منائے جان تے اِک دُجے نُوں کھان پیِن دِیاں چِیجاں تحفے دے واگُوں دِیتیاں جاون تے غرِیباں وِچ خیرات ونڈی جاوئے۔ ²³ ۲۳۔ تے یُہودیاں نے اہناں دِناں نُوں عیِد دے طرِیقے نال مناون تے اتفاق کِیتا تے مردکی نے جیڑا کُجھ اوناں نُوں لِکھیا سِی اوہدے اُتے عمل کِیتا ۔ ²⁴ ۲۴۔ کیوں جے ہامان بِن ہمداتا اجاجی نے جیڑا یُہودیاں دا دُشمن سِی یُہودیاں دے خلاف منصُوبہ بنایا سِی کہ اہناں نُوں مار دِتا جاوے تےاونان دِی تباہی تے بربادی دا دِن مُقرر کرن لئ پُور یَعنی پرچیاں پایاں سَن۔ ²⁵ ۲۵۔ پر جدوں بادشاہ نُوں ایس سازش دِی خبر دِتی گئ تے اونے چِٹھیاں پا کے حُکم دِتا کہ ہامان دا الزام جیڑا اوہدے سِر اُتے اونے یُہودیاں دے خلاف لایا سَی اُلٹا آن پیا تے او تے اوہدے پُتر سُولی اُتے چڑھاے جاون ²⁶ ۲۶۔ ایس لئ ایہہ دن لفظ پُور دِی نِسبت نال پُوریم کوھاندے نے اوناں ساریاں گلاں نُوں سامنے رَکھدیاں ھویاں جیڑیاں اوناں چٹِھیاں وِچ لِکھیا سِی تے جو کُجھ اوناں نے ویکھیا سِی تے اوناں دے اگے آیا سِی۔ ²⁷ ۲۷۔ یُہودیاں نے آودی قوم اُتے فرض قرار دِتا کہ او سارے تے اوناں دے بعد اوناں دِی نسل تے او وِی جیڑے اوناں دے نال مِل جاون گےھر سال اہیہ دو دِن مُقرر کِیتے وقت اُتے دستُور دے مُطابق عیِد وانگُوں مناندے رہن گے۔ ²⁸ ۲۸۔ ایہہ دِن پُشت توں پُشت وِی ھر قبِیلہ ھر صُوبہ تے ھر شہر وِچ یاد نال منائے جاندے رہن گےاہیہ عیِد پُوریم یُہودیاں وِچ کَدی خَتم نا ھوئے گی نا ایہی اوناں دِی یاد اوناں دِی نسل وِچوں مِٹے گِی۔ ²⁹ ۲۹۔ بَس ملکہ آسترآبی خیل دِی دِھی تے مردکی نے پُورے اِختیار دے نال پُوریم دے بارے وِچ چٹِھی لِکھی۔ ³⁰ ۳۰۔ تے مردکی نے شاہِ اخسُویرس دِی حُکومت دے اِک سَوستایں صُوبیاں دے سارے یُہودیاں نُوں مُبارک بادی دے خط پا کےاوناں دا حوصلہ ودھایاں تے پکی کِیتی کہ ۔ ³¹ ۳۱۔ مُقررہ وقت اُتے جِیویں کے مردکی تے ملکہ آستر نے فیصلہ کِیتا سِی پُوریم دِی عیِد منایا کرن تےجِیویں اوناں نے آپنے لئ مُقرر کِیتا سِی اویں ایہی سارے یُہودی تے اوناں دِی آون والی نسل دے لئ مُقرر کِیتا کے او روزے تے ماتم دے دِناں نُوں بیلکُل نیہں بُھلان گے۔ ³² ۳۲۔ ملکہ آستر نے حُکم دے راھیں پُوریم دیاں ساریاں رسماں دِی تصدِیق کِیتی تے اوناں نُوں قانُون تے ضابطے دِی کتاب وِچ لَکھیا گیا۔