¹ ۱۔ اخسویرس بادشاہ نے اوسے دن یُہودیاں دے دُشمن ہامان دی جائیدار آستر نوں دے دِتی تے مردکی بادشاہ دی خدمت وِچ حاضر ہویا کیوں جے آستر نے بادشاہ نوں دس دِتا سی کہ او اوھدا رشتے دار اے۔ ² ۲۔ بادشاہ نے آودی مُندری لاہ دتی جہڑی اونے ہامان توں واپس لے لئی سی تے مردکی نوں دے دِتی تے ملکہ آستر نے مردکی نوں ہامان دی جائیدار نوں اوھدے حوالے کر دِتا۔ ³ ۳۔ آستر نے بادشاہ دے پیراں وِچ ڈِگ کے روندیاں ہویاں ایہہ عرض وی کیتی کہ یہودِیاں نوں مارن دا ارادہ جہڑا ہامان بن ہمداتا .جاجی نے بنایا سی ختم کیتا جاوے ⁴ ۴۔ تد بادشاہ نے آودا سونے دا ڈنڈا آستر وِل ودھایا او اُٹھی تے بادشاہ دے اِگے کھلو گئی۔ ⁵ ۵۔ تے آکھن لگی کہ جے بادشاہ سلامت میرے توں راضی ہووے تے اونے مینوں آودی نظر وِچ قبول کیتا ہووے تے او حکم ختم کیتے جاون جہناں نوں ہامان بن ہمداتا جاجی نے اُوناں ساریاں یُہودیاں نوں جہڑے بادشاہ دی بادشاہی دے وکھرے وکھرے صوبیاں وِچ وِسے ہوےٗ نے مارن لئی جاری کیتا سی۔ ⁶ ۶۔ ایہہ کیویں ہو سکدا اے کہ میں آودیاں اِکھاں نال آودی قوم دے لوکاں نوں برباد ہوندیاں ہویاں وِیکھاں؟ میں آودے رشتے داراں دی بربادی کیویں برداشت کر سکدی آں؟ ⁷ ۷۔ بادشاہ اخسویرس نے آستر تے مردکی یُہودی نوں آکھیا کیوں جے ہامان نے یُہودیاں نوں آددا نشانہ بنانا چاہندا سی میں ہامان دا گھر لے کے آستر نوں دے دِتا اے تے اونوں سُولی تے ٹنگوا دِتا اے۔ ⁸ ۸۔ ہون تُسی وی اِک حکم بادشاہ دے ناں توں یُہودیاں دے بارے جیویں تہانوں چنگا لگے تیار کر و۔ اوھدے تے میری مُندری دی مُہر لائی جاےٗ۔ کیوں جے جہڑا حکم بادشاہ دی مُندری دی مُہر دے نال دِتا جاندا اے اونوں کوئی ٹال نیں سکدا۔ ⁹ ۹۔ اوسےویلے یعنی تیجے مہینے سیوان دی تیسویں تاریخ نوں شاہی منشی سدے گےٗ۔ اوناں نے مردکی دے حکم لکھے جہڑے یُہودیاں تے ہندوستان توں کُوش تیک دے اِک سو ستائی صوبیاں دے احکام تے امرا دے ناں سن۔ ایہہ حکم ہر صوبے دی زبان وِچ جہڑی لوکاں وِچ اوس ویلے جاری سی لکھے گےٗ تے یُہودیاں نوں اوناں دی زبان جہڑی اوس ویلے بولی جاندی سی لکھ کے پیجے گےٗ۔ ¹⁰ ۱۰۔ مردکی دے ایہہ سارے حکم شاہ اخسویاس دے ناں توں جاری کیتے گےٗتے اوناں نوں پیجن توں پہلاں اوناں تے شاہی مُندری دے نال مُہر لائی گئی۔ اوناں حکماں نوں سرکاری ہرکارے چنگی نسل دے تیز دوڑ گھوڑیاں اوتے جہڑے بادشاہ لئی پالے جاندے سن لے کے ٹرے۔ ¹¹ ۱۱۔ بادشاہ نے اِناں حکماں دے راھیں ہر شہر دے یُہودیاں نوں اجازت دِتی کہ آودے بچاوٗ لئی کھٹے ہو کے لڑ سکدے نے تے ہر طرح دے ہتھاراں نال بھری فوج بھاویں او کسے وی قوم توں ہووے جہڑی اوناں تے اوناں دی بیویاں تے اوناں دے بال بچیاں تے حملہ کرے مار کے ختم کر دیون تے اوناں دا سامان لٹ لین۔ ¹² ۱۲۔ یہودیاں نوں ایویں دا قدم چُکن لئی صرف اِک دن دی اجازت سی۔ ایس لئی بارھویں مہینے یعنی ادار دی تیرھویں تاریخ مقرر کیتی گئی تے اوھدا عمل کروانا بادشاہ اخسویرس دے سارے صوبیاں تے سی۔ ¹³ ۱۳۔ ایس حکم نوں اِک قانون دی حیثیت دِتی گئی تے اوھدی نقل ہر صوبے وِچ اشتہار وانگوں لائی گئی تاں جے ہر قوم دے لوگ اونوں جان لین تے اوس دِن یہودی آودے دُشمن توں بدلہ لین لئی تیار رہین۔ ¹⁴ ۱۴۔ بادشاہ دے حکم دے مطابق سرکاری ہرکارے شاہی گھوریاں اوتے بیہہ کے چھیتی نال ٹرے تے ایہہ حکم قصرِ سوسِن وِچ وی اشتہار وانگوں لایا گیا۔ ¹⁵ ۱۵۔ جدوں مردکی بادشاہ دے حضور وِچوں باہر نکلیا تے او نیلے تے سفید رنگ دا شاہی لباس، سونے دا وڈا جیا تاج شاہی چوغہ پایا ہویا سی۔ سارے شہر وِچ رونقاں لگیاں ہویاں سن۔ ¹⁶ ۱۶۔ یہودیاں دے لئی ایہہ خُوشی دا موقع سی کیوں جے اوناں نوں وڈی عزت تے خُوشی مِلی سی۔ ¹⁷ ۱۷۔ ہر صُوبے تے شہر وِچ جہتھے وی بادشاہ دا ایہہ حکم پونچیا یُہودیاں وِچ خُوشی آ گئی۔ دعوتاں ہویاں تے عیداں منایاں گییاں۔ یُہودِیاں دے ڈر توں کئی قوماں دے لوگ یہودی ہو گےٗ۔