¹ ۱۔ اپنی جوانی دے دناں وچ اپنے بنان والے نوں چیتے رکھ جد کہ اوہ بھیڑے دن اجے نئیں آئے تے اوہ ورھے وی اجے نیڑے نئیں جد پئی تو ایہہ آکھیں گا پئی ایہناں وچ مینوں کجھ خوشی نئیں اے ۔ ² ۲۔ ایس تھوں پہلاں پئی سورج تے چانن تے چن تے ستارے ہنیر ہو جاون تے بدل ورھ کے پچھاں نوں ٹر جاوں ۔ ³ ۳۔جس دن گھر دے رکھوالے تھر تھر کمبن لگن گے تے تگڑے آدمی کبے ہو جاون گے تے پیہن ہاریاں تھوڑیان ہون دے سببوں ڈھلیاں پے جاون گیاں تے باریاں وچوں تکن والیاں تے ہنیر پے جاوے گا ۔ ⁴ ۴۔تے گلی دے دونویں بوہے (پٹ) بند کر دتے جان گے جد چکی دی آواز ہولی ہو جاوے گی تے پنچھی دی آواز سن کے آدمی اٹھ کھڑے ہوون گے ۔تے گیت دیاں ساریاں دھیاں چپ وٹ لین گئیاں۔ ⁵ ۵۔اوہ اچیائی تھوں وہ ڈرن گے تے راہ وچ دہشت ہووے گی تے بادام دے بوٹے اتے پھل لگن گے تے ٹڈی وی بھاری ہوجاوے گی تے کبر دا چھلکا پھٹ جاوے گا خؤاہش مٹ جاوے گی کیوں جو آدی اپنے ہمیشہ دے گھر ٹر جاوے گا ۔تے سوگ کرن والے گلیاں وچ پھرن گے ۔ ⁶ ۶۔ ایس توں پہلاں چاندی دی رسی (ڈوری) کھولی جاوے تے سونے دی کٹوری توڑی جاوے تے گھڑولی نوں چشمے اتے بنھیا جاوے یا تلا دے کول چرخڑی ٹٹ جاوے ۔ ⁷ ۷۔تے مٹی مٹی وچ جا رلے گی جتھوں اوہ آئی سی ۔تے روحاوس خدا ول ٹر جاوے گی جس نے اوس نوں بخشیا سی ۔ ⁸ ۸۔باطل ای باطل اے وعظ ایہہ آکھدا اے پئی سب کجھ باطل اے ۔ ⁹ ۹۔ایس تھوں اڈکیو ں جو واعظ گیانی سی ایس لئی اوہنے اپنے لوکاں نوں گیان دی سکھیا دتی تے جا نچیا۔ تے کھوج لالا کے ہور بتھیریاں کہاوتاں دیاں نظماں بنائیاں ۔ ¹⁰ ۱۰۔ وعظ نے فائدہ دین والیاں گلاں نوں لبھن دی کوشش کیتی تے سچائی دیاں گلاں بڑی ایمانداری نال لکھیاں ۔ ¹¹ ۱۱۔ گیانیاں دیاں گلاں پینو وانگ ہن تے دیوار دے اوہناں کلیاں وانگ جنہاں اتے رسد لٹکائی جاندی اے ۔ایہہ اکو ہی ایالی دے بنائے ہوئے ہن ۔ ¹² ۱۲۔سواے میرے پتر ایہناں تھوں سمجھ دیاں گلاں سکھ کیو ں جو بوہتیاں کتاباں لکھن دا اخیر نئیں تے بوہتا پڑھنا بدن نوں تھکا دیندا اے ۔ ¹³ ۱۳۔ سوہن اسی ساری گلاں دا انت سن لے خداوند تھوں ڈرتے اوہد ے حکماں نوں من کیوں جو ایہہ ہر بندے لئی کافی اے۔ ¹⁴ ۱۴۔ کیوں جو خدا ہر کم نوں عدالت وچ لیاوے گا تاں جو بھانویں اوہ نیکی ہووے یا بریائی ہر اک ڈھکی ہوئی گل دا بدلہ دوے ۔