¹ ۱۔ اپنی روٹی پانی دے وچ سٹ دے کیوں جو چوکھے دیہاڑیاں پچھوں اوہ تینوں مل جاوے گی ۔ ² ۲۔ ستاں نوں سگوں اٹھاں نوں ونڈ دے کیوں جو توں نئیں جاندا دھرتی اتے کیہڑا قہر ٹٹن والا اے ۔ ³ ۳۔جد بدلاںوچ پانی بھر جاندا اے تے اوہ اوس پانی نوں دھرتی اتے ڈگا ندے نیں تے جیکر کوئی رکھ بھانویں دکھن وج ڈگے تے بھانویں اتر ول ڈگ جاوے تے اوہ رکھ جتھے وی ڈگا اے اوتھے ہی پیا رہوے گا ۔ ⁴ ۴۔جیہڑا ہوا اُتے نظر کردا اے اوہ کدی وی ناں بیجے گا تے جیہڑا بدلاں بارے سوچدا اے اوی کدے وی وانڈی نئیں کرے گا ۔ ⁵ ۵۔ جیویں تینوں نئیں پتہ پئی روح کیویں حاملہ دی ککھ وچ آ کے ہڈیاں اندر وڑجاندیاں نیں تیویں ای توں سب نوں قائم رکھن والے خدا دے کماں نوں سمجھ نئیں سکدا ۔ ⁶ ۶۔تڑکے تڑ کے کھیت وچ اپنے بی نوں بیج لے تے لوڈے ویلے تیک اپنا ہتھ ڈھلاناں کر کیوں جو تینوں نئیں پتہ پئی اوہناں وچوں کیہڑا بی پھل لیاوے گا ۔ایہہ یاں اوہ یاں دونویں ہی پھلن گے ۔ ⁷ ۷۔چانن تے چنگا لگدا اے تے سورج نوں ویکھن نال اکھیاں نوں خوشی ہوندی اے ۔ ⁸ ۸۔سو جیکر آدی بوہت ورھیاں تیک جیوندا رہوےاتے اوہناں وچ خوشی کرے تد وی اوہ ہنھیرے دے دناں دا چیتا رکھے کیوں جو اوہ دن بوہت ہون گے ۔سب کجھ جیہڑا آندا اے اور باطل اے ۔ ⁹ ۹۔ اے جوان سو توں اپنی جوانی وچ خوش رہ تے تیرا دل تیری جوانی دے دناں وچ خوش (مسرور) ہووے تے اپنے دل دیاں راہواں وچ تے اپنی اکھیاں دے ویکھن د ے انسار ٹر دا رہ پر تو جان لے پئی ایناں سب گلاں لئی خدا تیرا نیا کرے گا ۔ ¹⁰ ۱۰۔سو تو اپنے دل وچوں دکھ نوں دور کر تے اپنے جشے وچوں بریائی نوں کڈھ سٹ ۔کیوں جو بالک پناتے جوانی دونویں باطل نیں ۔