¹ ۱۔ موئیاں ہوئیاں مکھیاں عطار دے عطر دی چنگی گند نوں خراب کر دیندیاں نیں اینج بندے دی رتی کو ناسمجھی گیان تے مان نو مات کر دیندی اے ۔ ² ۲۔گیانی دا دل سجے پاسے ہوندا اے تے مورکھ دادل کھبے پاسے ہوندا اے ۔ ³ ۳۔ مورکھ جیہڑے راہ تے وی ٹردا اے اوہدی سمجھ مک جاندی اے تے اوہ ساریاں نوں آکھ دیندا اے پئی میں مورکھ ہاں۔ ⁴ ۴ ۔جے بادشاہ نوں تیرے اتے غصہ آوے تے توں اپنی تھاں نوں نہ چھڈ کیوں جو دھیرج بڑے پاپاں نوں روک دیندا اے ۔ ⁵ ۵۔سورج دے ہیٹھ میں اک ہور بریائی ڈٹھی وہ حاکم کولوں ہوون والی اک بھل اے۔ ⁶ ۶۔ مورکھاں نوں اچے تھاں بٹھا لیا جاندا اے اتے دھنی نیویں تھاں تے بیٹھدے نیں ۔ ⁷ ۷۔ میں ایہہ ڈٹھا پئی ٹہلی گھوڑیاں اتے چڑھدے نیں تے سردار ٹہلیاں وانگ دھرتی اتے پیریں ٹر دے نیں ۔ ⁸ ۸۔ جیہڑا ٹویا پٹدااے اوہ اوسدے وچ ڈگے گا تے جیہڑا کندھ نوں ڈھا ندا اے اوہنوں سپ لڑ ےگا ۔ ⁹ ۹۔جیہڑا پتھراں نوں کھسکاندا اے اوہنوں اوہناں پتھراں نال سٹ لگے گی ۔ ¹⁰ ۱۰ ۔جے لوہا کھنڈا ہووے تے اوہدی دھار تکھی نہ کیتی جاوے تے ودھیک زور لانا پیندا اے اتے پر لوڑ پوری کرن لئی گیان ودھیک گُنی اے ۔ ¹¹ ۱۱۔ جے منتری دے آن نوں پہلاں سپ لڑے تے منتری نوں کجھ لابھ نہ ہووے گا ۔ ¹² ۱۲۔گیانی دے مونہہ دیاں گلاں دل نوں چنگیاں لگدیاں نیں اتے مورکھ دے بل اوہناں نوں لنگھا (نگل) جاندے نیں۔ ¹³ ۱۳۔اوہدے مونہہ دیاں گلاں دا مڈھ مورکھ پنا اے تے اوہناں دا انت بھیڑا پاگل پنا اے ۔ ¹⁴ ۱۴۔مورکھ ڈھیر وڈھیر گلاں کردا اے اتے آدمی نوں نئیں پتہ پئی کیہہ ہوون والا اے تے ناں ای کوئی ایہہ دس سکدا اے پئی اوہدے پچھو کیہہ ہووے گا ۔ ¹⁵ ۱۵۔مورکھ دی محنت اوہنوں تکاوندی اے پئی اوہ شہر نوں جان دا راہ وی نئیں جاندا ۔ ¹⁶ ۱۶۔ اے دیس تیرے اُتے ہائے ہائے جد تیرا بادشاہ اجے نکی عمر دا ہووے تے تیرے سردار تڑکے کھاون ۔ ¹⁷ ۱۷۔اے دیس توں دھن ایں جد تیرا بادشاہ بھلا مانس ہووے (شریف) تے تیرے سردار نشے لئی نئیں سگوں زور لئی ویلے سر کھاندے نیں ۔ ¹⁸ ۱۸ ۔ایس دے سببوں کڑیاں ہوجاندے نیں تے ڈھلے ہتھاں نال چھت چوندی اے ۔ ¹⁹ ۱۹ ۔ دعوت (ضیافت) ہسن لئی سمجھی جاندی اے تے شراب جیوندیاں نوں خوشی دیندی اے اتے چاندی نال سارے مطلب پورے ہوندے نیں ۔ ²⁰ ۲۰۔توں بادشاہ دے پھٹکارن دا سوچ وی ناں تے ناں ای اپنے سون دیاں کوٹھڑیاں وچ دھن والیاں نوں پھٹکار ۔کیوں جو وا دا پنچھی آواز نوں لے کے اڈ جاوے گا تے پراں والا اوہ گل کھول دیوے گا ۔