1
۔ دائودؔ دیاں اخیری گلاں ایہہ نیں ؛ یسی دے پُتر دائعد دے مُنہ دیاں گلاں ؛ اوس بندے دا کلام جہنوں یعقوبؔ دے رب نے عزت بخشی ، اوہ بندہ جہنوں یعقوبؔ دے رب نے مسّح کیتا ، جیہڑا اسرائیل دا گویّا سی ۔
2
۔ خداوند دی روح نے میرے وسیلے کلام کیتا ۔ تے اوہدا کلام میری زبان تے سی ۔
3
۔ اسرائیل دے رب نے آکھیا ۔ اسرائیلؔ دی چٹان نت مینوں آکھیا ؛ جیدوں کوئی لوکاں تے سچیائی نال راج کردا اے ۔ جیدوں اوہ خدا دےڈر نال راج کردا اے ۔
4
۔ تےاوہ سویر دی روشنی دے وانگ ہووے گا ۔ جیدوں سورج نکلدا اے ۔ ایس سویر جیدے چہ بدل نئیں ہُندے مینہ دے بعد وی اوس چمک دے وانگ جیدے نال دھرتی دی گھاہ اُگدی اے
5
۔ کیہ میرا گھر خدا دے حضور چہ قائم نئیں ؟ کیہ اوہنے میرے نال دائمی عہد نئیں بنھیا ۔ جیدیاں ساریاں گلاں معین تے پاک نیں ۔ کیہ اوہ میری نجات نوں پُورا نئیں کرے گا ؟ تے میری خواہش پوری نئیں کرے گا ؟
6
۔ پر سارے بدکار بندے کنڈیاں وانگ اک پاسے سُٹ دتے جاندے نیں ۔ جنہاں نوں ہتھ نال اکٹھا نئیں کِتا جاندا ۔
7
۔ جہڑا وی کنڈیاں نوں چھولیندا اے ۔ اوہ لَوئے دے اوزار یاں نیزے دی چھَڑ نال کم لیندا اے۔ تے جتھے اوہ پئے ہُندے نیں اوتھے ای ساڑ دتے جاندے نیں ۔ دائود ؔ دے سورمے
8
۔ دائودؔ دے سُورمیاں دے نال ایہہ نیں ۔ یوشیؔب،بشیبت ؔ، تحکمونی ؔ جیہڑا تِن سپہ سالار اں دا سرادار سی ۔ اوہنے اپنا نیزہ اٹھ سو بندیان دے خلاف چُکیا تے اوہناں نُوں اک ای مقابلے قتل کردتا۔
9
۔ اوس توں باد الیعزرؔ بن دودے ؔ سی ۔ ایہہ اوہناں تِن سورمیاں چوں سی ۔ جیہڑے دائودؔ دے نال اوس ویلے سن ۔ جیدوں اوہناں نے ۔ اوہناں فلستیاں ؔ نوں جیہڑے لڑائی فسدمیمؔ چہ اکٹھے ہوئے سن ۔ طعنہ دتا جاندا سی تے اسرائیل ؔ دے بندے پچھے ہٹ گئے سن ۔
10
۔ پر اوہ اپنی تھاں تے ڈٹیا رئیا سی ۔ اوہنے فلستیاں ؔ نوں ایناں ماریا۔ پئی اوہدا ہتھ تھک گیا تے تلوار نال چِمٹ گیا اوس دن خداوند نے بڑی جِت دِتی ۔ تے اوہ اسرائیلؔ جیہڑے ہار گئے سن ۔ الیعزرؔ دے کول صرف مُردیاں دے کپڑے لائون اکٹھے ہو گئے ۔
11
۔ اوس توں بعد سمہؔ بن اجی ہراریؔ سی ۔ جیدوں فلستیاں ؔ نے اوس تھاں جتھے مسور نال بھریا کھیت سی ، صف بندی کیتی ۔ تے اسرائیلؔ دے فوجی اوہناں اگوں نس گئے ۔
12
۔ تے سمہؔ اوس پیلی دے وچ کا ر اپنی تھاں تے ڈٹیا رہئیا ۔ تے اوس تھاں دی رکھوالی رکھی ۔ تے فلستیاں نو ں مار سُٹیا ۔ اینج خداوند نے اک وڈی جِت دِتی۔
13
۔ فصل وڈھن دے موسم چہ تیہ سردراں چوں تِن عُدلامؔ دے غار تے دائود کول آئے ۔ جد کہ فلستیاں ؔ دا اک دستہ وادیِ رفائیمؔ چہ خیمہ زن سی ۔
14
۔ اوس ویلے دائودؔ قلعے چہ سی تے فلستیاں ؔ دی رکھوالی فوج بیت لحمؔ چہ سی ۔
15
۔ تے دائود نوں بوہت زیادہ ترے لگی ۔ اوہنے آکھیا کاش پئی کوئی بندہ بیت لحمؔ دے پھاٹک دے کول والے کھوہ توں پانی لیا کے پیاوے ۔
16
۔ ایس لئی اوہناں تِناں سورمیاں نے فلستیاں ؔ دیاں صفاں چیر کے بیت لحمؔ دے کول والے کھوُہ توں پانی بھریا تے اوہنوں دائودؔ دے کول لے ائے ۔ پر اوہنے پین توں انکار کیتا ۔ تے اوہنوں خداوند دے حضور روڑ کے
17
۔ اکھن لگا ۔پئی اے خداوند ! میں اینو ں پیاں ؟ میرے لوکو! ایہہ کدی ناں ہووے گا ۔ کیہ ایہہ اوہنا ں بندیاں دا خون نئیں ۔ جیہڑے اپنی جان نوں مشکل وچ پا کے گئے ؟ ایس لئی دائود ؔ نے اوہنوں پینا ناں چاہیئا ۔ اوہناں تن سورمیاں نے اینج دے کئی کم کیتے سن ۔
18
۔ تے ضرویاہؔ دے پُتر یوُآب ؔ دا بھرا ابیشےؔ، اوہناں تیناں چوں افضل سی ۔ اوہنے اپنا نیزہ تِن سو بندیاں دے خلاف چُکیا ۔ تے اوہناں نوں قتل کر دتا ۔ ایس لئی اوہ وی اوہناں تِناں دے وانگ مشہور ہو گیا ۔
19
۔ اوہ اوہناں چوں عزت دار ہوون دے سببوں توُں اوہناں د ی سرحد بن گیا ۔ پر اوہ اوہناں پہلیاں سورمیاں چہ گنیا نئیں جاندا ۔
20
۔بنایاہ ؔ بن یہویدعؔ قبضیل ؔ دے اک سورما دا پُتر سی ،جینے کئی اہم کم کتے سن ۔ اوہنے موآبؔ دے دو زبردست بندیاں نوں مار سُٹیا ۔ اِک دیہاڑے جد برف پئے رئی سی ۔ اہنے اک کھڈے وچ اُتر کے شیر ببر نوں مار یا۔
21
۔ تے اوہنے اِک لمبے تڑنگے مصریؔ نوں مار سُٹیا ، جد کے اوس مصریؔ دے ہتھ چہ نیزہ سی ۔ بنایاہؔ اک سوٹا لے کے اوہدے وَل ودھیا ۔ اوہنے اوس مصری ؔ دے ہتھوں نیزہ کھو لیا ۔ اوہدے اوسے نیزے نال اوہنوں مارسُٹیا ۔
22
۔ بنایاہؔ بن یہویدعؔ نے اینج دے ہور وی بڑے کم کیتے ۔ اوہ وی اوہناں تن سورمیاں وانگ مشہور سی ۔
23
۔ اوہ تیہہ سورمیاں چہ سب توں بُہتا عزت والا سمجھیا جاندا سی ، پر اوہ پہلے تن سورمیاں دے برابر ناں ہو پایا ۔ تے دائود ؔ نے اوہنوں اپنے رکھوالے دستے دا سردار بنا دِتا ۔
24
۔ تیہ سورمے ایناں چوں سن؛ یوآبؔ دا بھرا عساہیلؔ ، الحنان ؔ بیت لحم ؔ دے دودوؔ دا پُتر ،
25
۔ سمہ ؔ حروی ، القہؔ حرودی
26
۔خلص فلطی ، تقوعہ توں عیرا بِن عقیس ؔ
27
۔ عنتوتؔ توں ابی عزر ۔ مبونی حُو ساتی
28
۔ ضلمون اخوی ، مہری نطوفاتی
29
۔ حلب ؔبن بعنہؔ نطوفاتیؔ ، بن یمین ؔ دے جبعی توں اِتی بن رِیبی
30
۔ بِنایاہؔ فرعاتونی، جعسؔ دی گھاٹیاں دا ہِدی ،
31
۔ ابی علبون ؔ عرباتی، برحُومی عزماوت۔
32
۔ سعلبونی الیؔحیبہ بنی یسیِن یُونتنؔ۔
3533
۔ بِن سمّہؔ ہراری، اخی ام ؔ بن سراہراریؔ،
34
۔ الیفلطؔ بن احسبی معکاتی ، الی عام ؔ بن اخیتُفلؔ جِلونی ،
36
۔ ضوباؔ ہ توں اِجال بِب ناتنؔ ، باجریؔ دا بیٹا۔
37
۔ صلق ؔعمونی ، نحریؔ بیروتی ، یو آبؔ بِن ضرویاہؔ دا سلح بردار،
38
۔ عیرا اِتریؔ، جریب ؔ اِتری ،
39
۔ تے اوریاہؔ حِتی۔ایہہ سارے سیَنتی سن ۔