1
-تے اِک دِن اینج ہویا پئی یوناتانؔ بِن ساؤل نیں اوس جوان نُوں جیہڑا اوہدا سلاح بردار سی ،آکھیا۔آؤاسیں فلسطینیاں ؔ دا چوکیدارا کرن والی فوج اُتے جیہڑی اوس پار اےچڑھ جائیےتے اوہنے اپنے پیو نُوں نئیں دسیا۔
2
-تے ساؤل جابعؔ دی حد اُتے مجرونؔ وچ اِک انار دے اُکھ دے ہیٹھاں ڈیرا لایا سی۔تے اوہدے نال قریباََ چھ سو بندے سَن۔
3
-تے احی یاہ ؔ بِن احی طوبؔ ایکا بود بِن فیخاسؔ بِن عالیؔ دا پُتر شیلوؔ وچ افود پایاں ہویا ں رَب دا کاہن سی۔تے لوکی نئیں جاندے سن پئی یوناتان ؔ چلا گیا۔
4
-تے اوہناںلنگھن والیاں راہواں دے وچکار جنہاں نُوں یوناتانؔ نیں ارداہ کیتاپئی فلسطینیاں ؔ دے پہرے داراں اُتے جائے۔ایس پاسے اِک نوکیلی چٹان تے اوس پاسے وی اِک نوکیلی چٹان سی۔اِک دا ناں بوصیصؔ تے دوجی دا ناں سانہؔ سی۔
5
-اِک نوک شمال وَل مکماش دے سامنے اُٹھی ہوئی سی۔تے دوجی دکھن وچ جابعؔ دے سامنے۔
6
-تد یوناتان ؔ نیں اپنے سلاح بردار جوان نُوں آکھیاآؤ اسیں اوہناں نامختوناں دے چوکیداراں تے جائیے۔شائد رَب ساڈے لئی کام کرے۔کیوں وج رَب لئی اوکھا نئیں پئی اوہ شمار وچ بہتیاں یاں تھوڑیاں توں رہائی دے۔
7
-تے اہدے سلاح بردار نیں اوہنوں آکھیا۔جو کجھ تیرے دِل وچ اے سو کر ۔ تے اَگے چل۔تے ویکھ جیویں تُوں چاہندا ایں میں تیرے نال ہاں۔
8
-یوناتان ؔ نیں آکھیا پئی اسیں ایناں لوکاں دے کول اوس پاسے جاواں گے۔تے اپنے آپ نُوں اوہناں تے ظاہر کراں گے۔
9
-جے اوہ سانوں آکھن پئی رُکو جدوں تیک اسیں تہاڈے کول آئیے۔تے اسیں اپنی تھاں تے رُکے رہواں گے ۔تے اوہناں دے کول نئیں جاواں گے۔
10
-تے جے اوہناں نیں آکھیا پئی ساڈے کول آجاؤ تے اسیں جاواں گے۔کیوں جو رَب ساڈے خُدا نیں اوہناں نُوں ساڈے ہتھاں وچ کر دِتا ۔تے ایہی ساڈے لئی نشان ہووے گا۔
11
- تد اوہناں نیں اپنے آپ نُوں فلسطینیاں ؔ دے چوکیدراں تے ظاہر کیتا تے فلسطینیاں ؔ نیں آکھیا ویکھو ! عبرانیؔ اوہناں موریاں وچوں جتھے اوہ لُکے سَنباہر نکل آئےنیں۔
12
-تے چوکی دے بندیاں نیں یوناتانؔ تے اوہدے سلاح بردارجوان نُوں آکھیا ۔دونویں ساڈے کول آؤ تے اسیں تہانوں اِک شے وکھاواں گے۔تد یوناتانؔ نیں اپنے سلاح بردار نُوں آکھیا میرے پیچھاں لگا آ۔کیوں جو رَب نیں اوہنآں نُؤں اسرائیل دے ہتھ وچ کر دِتا اے۔
13
-تے یوناتان ؔ اپنے ہتھ تے اپنے پیراں توں اُتے چڑھیا۔تے اوہدا سلاح بردار اوہدے پیچھے سی۔تے اوہ یوناتانؔ دے سامنے ڈِگے تے اوہدا سلاح بردار اوہدے پیچھے قتل کردا سی۔
14
-تے ایہہ پیلی خون ریزی سی جیہڑی یوناتان تے اوہدے سلاح بردار نیں قریباََ ویہہ بندیاں دی تخمیناََ ادھی ایکڑ زمین وچ سی۔
15
-تد چھاؤنی تے میدان تے سارے لوکاں اُتے خوف چھایاتے چوکیدار تے لُٹیرے وی کنبھے تے دھرتی لرزی تے اینج ہویا جیویں پئی رَب دے حضور توں خوف نازل ہویا اے۔
16
-تے ساؤل دے چوکیداراں نیں جیہڑے بنیامینؔ دے جابعؔ وچ سَن نظر کیتی تے ویکھیا پئی اوہ جتھہ نیکھڑدا جاندا تے پریشان ہوندا جاندا اے۔
17
-تد ساؤل نیں اوہناں لوکاں نُوں جیہڑے اوہدے نال رہندے سَن آکھیا۔سُو لَوو تے ویکھو پئی ساڈے وچوں کون ایتھے نئیں اے۔تے اوہناں نیں سُو لئی تے ویکھو یوناتانؔ تے اوہدا سلاح بردار اوتھے نئیں سَن۔
18
-تد ساؤل نیں احی یاہؔ نُوں آکھیا رَب دا افود ایتھے لیا۔کیوں جو اوس ویلے رَب دا افود بنی اسرائیل ؔ دے نال سی۔
19
-تے ساؤل نیں کاہن دے نال گل نہ مُکائی سی پئی فلسطینیاں ؔ دی چھاؤنی وچ جیہڑا رولا سی او ودھ دا جانداسی تے بوہیا ہو گیا۔تے ساؤل نیں کاہن نُوں آکھیا اپنا ہتھ ہٹا۔
20
-تے ساؤل تے سارے لوکی جیہڑے اوہدے نال سَن اِک تن ہوکے لڑائی دے میدان وچ اُترے تے ویکھو اِک تلوار اپنے یار اُتے پئی سیتے بوہت ڈاھڈی گڑبڑی سی۔
21
- تے اوہ عبرانیؔ جیہڑے پیلاں فلسطینیاں ؔ دے نال سَن۔تے آسیوں پاسیوں اوہناں دے نال ہو کے چھاؤنی وچ آئے سَن۔اسرائیلیاں ؔ دے نال جیہڑا ساؤل تے یوناتان دے نال سی۔مِل گئے ۔
22
-تے اسرائیل دے سارے بندیاں نیں جیہڑا افرائم ؔ دے پہاڑ اُتے لُکے سَن،سُنیا پئی فلسطینیاں ؔ کولو ں ہار گئے تے اوہ وی اوہناں دے نال لڑائی وچ رل گئے۔
23
-تے رَب نیں اوس دِن اسرائیلؔ نُوں رہائی دِتی تے لڑائی بیت آؤن تیک پہنچی۔
24
-تے لوکی جیہڑے ساؤل وَل آئے تقریباََدس ہزار بنے۔پر جس ویلے لڑائی سارے افرائم دے پہاڑ وچ کھلری ۔ساؤل نیں اوس دِن اِک وڈی غلطی کیتی پئی ساؤل نیں لوکاں نُوں قسم دے کے آکھیا۔لعنتی ہواوہ جیہڑا اَج شام تیک کھانا چکھے جد تیک پئی میں اپنے دُشمناں تَو ں بدلہ ناں لے لَواں۔سو کُل دیس وچ کسی نیں روٹی ناں کھادی ۔
25
-تے سارے لوکی اِک جنگل وچ اپڑے تے اوتھے زمین اُتے شہد سی۔
26
-تے لوکی جنگل دے اندر وڑے تے ویکھو اوتھے شہد وگدا سی پر کسے دی جرات نئیں سیپئی اپنے منہ وَل ہتھ لما کر کیوں جو لوکی قسم تَوں ڈر دے سَن۔
27
-پر یوناتانؔ نیں جس ویلے اوہدے پیو نیں لوکاں نُوں سَوں دِتی ،نئیں سُنیا سی۔ایس لئی اوہنے اپنی سوٹی دی نوک نال جیہڑی اوہدے ہتھ وچ سی شہد دے چھتے نُوں کھروچیا تے اپنا ہتھ اپنے منہ تیک لے گیا تے اوہدیاں اکھاں وچ لَو پئی۔
28
-تے لوکاں وچوں اِک بندے نیں اوہدے نال کلام کیتا تے آکھیا پئی تیرے پیو نیں لوکاں نُوں قسم دِتی تے آکھیا پئی لعنتی ہووے اوہ جیہڑا اَج دے دِن کھانا چکھے۔تے لوکی تھک گئے سَن۔
29
-یوناتانؔ نیں آکھیا میرے پیو نیں دیس نُوں دُکھ دِتا ۔میں ایس شہد وچوں ذرا جیہا چکھیا تے میریاں اکھاں وچ کیسی لَو آئی ۔
30
-تے کِڈا چنگا ہوندا جے اَج دے دِ ن لوکی اپنے ویریاں دی لُوٹ وچوں جیہڑی اوہناں نُوں ملی،کھاندے ۔تے کی اوس ویلے فلسطینیاں ؔ دا بوہت زیادہ لہو ناں ہوند ی؟
31
-تے اوہناں نیں اوس دِن فلسطینیاں نُوں مکماشؔ تَوں لے کے ایالونؔ تیک ماریا۔تے لوکی بوہت ای تھک گئے۔
32
-تے لوکی لُوٹ تے ڈِگے تے بھیڈا ں تے ڈھگے تے بچھڑے پھڑے تے زمین تے اوہناں نُوں ذبح کیتا تے لہو سنھے کھا گئے۔
33
-تے ساؤل نُوں خبر دِتی گئی تے اوہنوں آکھیا گیا پئی لوکاں نیں رَب دے سامنے گناہ کیتا پئی اوہناں نیں لہو سنھے کھادا۔تد ساؤل نیں آکھیا تُسی خطا کیتی سو اَج تُسی اِک وڈا روڑہ میرے کول ریڑھ کے لیاؤ۔
34
-فیر ساؤل نیں اکھیا تُسی لوکاں وچ ایدھر اودھر جاؤ تے تے آکھو پئی ہر اِک بندہ میرے کول اپنا ڈھگا تے اپنی بھیڈ لیاوے۔تے اوہدے اُتے ذبح کرے تے کھائے تے لہو سنھے کھا کے رَب دا گنہگار نہ ہووے۔تد لوکا وچوں ہر اِک اوس رات نُوں اپنے ڈھگے اوہدے کول لیائے۔تے اوتھے ذبح کیتے۔
35
-تے ساؤل نیں رَب لئی اِک مذبح بنایاتے اے پہلا مذبح سی جیہڑا اوہنے رَب لئی بنایا۔
36
-تے ساؤل نیں آکھیا ۔آؤ اسیں رات نُؤں فلسطینیاںؔ دا پیھچا کرئیےتے سویر دی لَو تیک اوہناں نُوں لُٹیئےتے اوہناں وچوں اِک بندے نُون ویں ناں چھڈئیے۔تے اوہناں نیں آکھیا جو تیری نظر وچ چنگا اے او کر۔تد کاہن بولیا۔آؤ۔ایتھے اسیں رَب دے اَگے حاضر ہویئے۔
37
-تے ساؤل نیں رَب نُوں پوچھیا کی میں فلسطینیاں ؔ دے پیچھے ہیٹھاں اُتراں؟کی تُوں اوہناں نُوں اسرائیل دے ہتھ کر دیویں گا؟ پر اوہنے اوس دِن اوہنوں کجھ جواب ناں دِتا ۔
38
-تد ساؤل نیں آکھیا اے تُسی جیہڑے لوکاں دے سردار او! سارے ایتھے آؤ تے کھوج کروتے ویکھوپئی اَج کِنے گناہ کیتا اے؟
39
-زندہ رَب دی سَوں جس نیں اسرائیل نُوں چھُڈایا جے میرے پُتر یوناتانؔ نی کیتا تے اوہ ضرور ماریا جاوے گا۔پر لوکاں وچوں کسے نیں اوہنوں جواب نئیں دِتا۔
40
-تد اوس نیں سارے بنی اسرائیل نُوں آکھیا پئی تُسی اِک پاسے ہو جاو تے میں تے میرا پُتر یوناتان دوجے پاسےتے لوکاں نیں آکھیا جو کجھ تیری نظر وچ چنگا اے تُوں کر۔
41
-تے ساؤل نیں رَب کولوں دُعامنگی پئی اے اسرائیل دے رَب تُوں اَج اپنے خادم نُوں جواب کیوں نئیں دِتا تے رَب اسرائیل ؔ دے خُدا جے قصور میرا یاں میرے پُتر دا اے تے اُریمؔ ظاہر کر۔تے جے تیری قوم اسرائیل ؔ قصور وار اےتے تُمیم ظاہر کر ۔تد یوناتان ؔ تے ساؤل پھڑے گئے تے لوکی بچ گئے ۔
42
-تد ساؤل نیں آکھیا پئی میرے تے میرے پُتر یوناتان ؔ دے وچکار قُرعہ پاؤ تے یوناتان ؔ پھڑیا گیا۔
43
-تد ساؤل نیں یوناتانؔ نُوں آکھیا مینوں دس پئی تُؤں کی کیتا اے؟تے یوناتانؔ نیں اوہنوں دسیا تے آکھیا پئی میں اوس سوٹی دی نوک نال جیہڑی میرے ہتھ وچ سی ذرا شہد چکھیا۔سو ویکھ میں مرن لئی تیار آں۔
44
-ساؤل نیں آکھیا رَب اینج ای کرے تے ایس تَوں وی ودھ کرے کیوں جو اے یوناتانؔ ! تینوں ضرور مرنا پَوے گا۔
45
-تد لوکاں نیں ساؤل نُوں آکھیا کی یوناتانؔ مر جاوے گا جنہے اینج دی وڈی رہائی اسرائیلؔ نُوں دِتی ؟اُکا ای نئیں زندہ رَب دی سَوں پئی اوہدے سِر دا اِک وی وال دھرتی اُتے نئیں ڈِگے گاکیوں جو اوہنے اَج رَب دے نال کام کیتا سو لوکاں نیں یوناتان نُوں بچایاتے اوہ نئیں ماریا گیا۔
46
-تے ساؤل فلسطینیاں ؔ وَلوں مُڑیا تے فلسطینی ؔ اپنی تھاں پرت پئے۔
47
-تے ساؤل نیں اسرائیل اُتے اپنی سلطنت قیم کیتی تے اپنے سارے ویریاں تَوں جیہڑے اوہدے آسے پاسے سَن۔موآبیاں نال تے بنی عمونؔ نال تے ادومیاں ؔ نال تے صوبہ دے بادشاہ نال تے فلسطینیاں ؔلڑائی کیتی۔تے جیتھے کیتے اوہ پھیریا غالب آیا۔
48
-تے اوہنے دلیری وکھائی ۔تے عمالیقیاں ؔ نُوں ماریا تے اسرائیل نُوں اوہناں لُٹیریاں دے ہتھوں چھُڈایا۔
49
-تے ساؤل دے اے پُتر سَن۔ یوناتانؔ تے یشولی ؔ تے ملکی شوعؔ۔تے اوہدیاں دو دھیاں دے ناں ایہہ سَن ،پلیٹھی دا ناں میرب ؔ تےنِکی دا ناں میکلؔ سی۔
50
-تے ساؤل دی ووہٹی دا ناں احی نوعمؔ بنتِ احی ماعصؔ سی۔
51
-تے ساؤل دا پیو قیشؔ تے ابنیر ؔ دا پیو نیر ابی ایلؔ دے پُتر سَن۔
52
-تے ساؤل دے سارے دیہاریان وچ فلسطینیاں ؔ نال ڈاھڈی لڑائی رَئی۔تے ساؤل جدوں کسی زور آور یا ں بہادر بندے نُوں ویکھدا تے اوہنوں اپنے کول رکھ لیندا سی۔