1
-ساؤل۔۔۔ ورھیاں دا سی جدوں بادشاہ بنیا تے اوہنے ۔۔۔ورھے تیک اسرائیل اُتے سلطنت کیتی۔
2
-تے ساؤل نیں اپنے لئی اسرائیل وچوں تِن ہزار بندے چُنے۔مِکماشؔ تے کوہ ِبیتایلؔ وچ دو ہزار اوہدے نال سن۔تے بنیامینؔ دے جابعؔ وچ یوناتانؔ دے نال اِک ہزار تے باقی لوکاں نُوں اوہنے گھلیا پئی ہر اِک وَل جائے۔
3
-تے یاناتانؔ نیں جابعؔ وچ فلسطینیاںؔ دے چوکیداراں نُوں ماریا۔تے فلسطینیاں ؔ نیں سُنیاتے آکھیاپئی عبرانیاں ؔ نیں باغی پن وکھایاتے ساؤل نیں سارے دیس وچ نرسنگا پھونکوایا۔
4
-تے کُل اسرائیل نیں وی سُنیا تے آکھیا پئی ساؤل نیں فلسطینیاںؔ دے چوکیداراں نُوں ماریا۔تے فلسطینی اسرائیل کولوں کرودھ رکھدے نیں۔سو لوکی ساؤل دے پیچھے جلجالؔ وچ جمع ہوئے۔
5
-تے فلسطینی ؔ وی اسرائیل نال جنگ کرن لئی اکٹھے ہوئے ،تِن ہزار سَن تے چھ ہزار سوار تے لوکی ایس بہتات نال جیویں پئی سمندر دے کنڈیاں دی ریت۔سو اوہ چڑھے تے بیت آونؔ دے چڑھدیاںوَلوں مِکماسؔ وچ ڈیرے لائے۔
6
-تے جدوں اسرائیل دے بندیاں نین ویکھیا پئی اسیں تنگی وچ آں کیوں جو لوک گھبرا گئے سن۔تے اوہ ڈغاراں تے کھوواں تے کہفوواں تے کھڈیاں تے گڑھیاں وچ جا لُکے۔
7
-تے عبرانیاں ؔ وچوں کجھ اُردن دے پار جادؔ تے جلعادؔ دے دیس نُوں چلے گئے۔تے ساؤل ہالے تیک جلجالؔ وچ رُکیا ہویا سی۔تے سارے لوکی جیہڑے اوہدے پیرو سَن کانبھ رہے سَن۔
8
-تے اوہ اوتھے سَت دِن سیموئیل دے مقرر ویلے تیک رُکیا تے سیموئیل جلجالؔ وچ ناں آیا۔تے ساؤل دے کولوں لوکی پریشان ہوئے ۔
9
-تد ساؤل نے آکھیاپئی سوختنی قربانی تے سالمتی دے ذبیحے میرے کول لیاؤ تے اوہنے سوختنی قربانی چڑھائی۔
10
-جدوں اوہ سوختنی قربانی چڑھا کے ویلا ہویاتے ویکھو سیموئیل اپڑیا۔تے ساؤل اوہنوں ملن تے سلام کرن لئی باہر نکلیا۔
11
-تے سیموئیل نیں اوہنوں آکھیا۔تُوں کی کیتا؟ساؤل نیں آکھیا میں ویکھیا پئی لوکی میرے توں پریشان ہوندے جارہے نیں تے تُوں مقررہ دِناں وچ نئیں آیا۔تے فلسطینی ؔمِکماشؔ وچ اکٹھے ہو گئے ۔
12
-تے میں آکھیا پئی ہُن فلسطینی ؔ جلجالؔ وچ میرے اُتے چڑھ آؤن گے تے میں ہالے تیک رَب دے حضور ترلا نئیں کیتاتے میں مجبور ہوکے سوختنی قربانی چڑھائی۔
13
-سیموئیل نیں ساؤل نُوں آکھیا تُوں بے وقوفی دا کام کیتا پئی تُوں رَب اپنے خُدا دا حُکم جس دا اوہنے تینوں فرمان دِتا ،نئیں منیا۔جے تُوں اینج ناں کر دا تے ایس ویلے رَب تیری سلطنت اسرائیل اُتے ہمیشاں تیک قیم کر دیندا۔
14
-پر ہُن تیری سلطنت ہمیشاں نہ رہوے گی کیوں جو رَب اِک بندے نُوں جیہڑا اوہدے دِل دے نیڑے وے ۔ چُن لے گا تے اوہنوں حُکم دے گا پئی اپنے لوکاں دا رہنما ہووے۔کیوں جو رَب نیں جو تینوں حُکم دِتا تُوں اوہ نئیں کیتا۔
15
-تے سیموئیل ؔ اُٹھیا تے جلجالؔ نَوں بنیامینؔ دے جابع نُوں چڑھ گیا تے ساؤل نیں اوہناں لوکاں جیہڑے اوہدے نال سَن گِنیاتے اوہ چھ سو بندے سَن۔
16
-تے ساؤل تے اوہدا پُتر یوناتانؔ تے لوکاں وچوں جیہڑے اوہناں دے نال سَن بنیامینؔ دے جابع ؔ وچ سَن تے فلسطینی ؔ مکماشؔوچ خیمے لائے سَن۔
17
-تے فلسطینیاں ؔ دے خیمیاں وچوں لُٹیریاں دے تِن جتھے نکلے اوہناں وچوں اِک شوعالؔ دی دھرتی عفرہ ؔ دی راہیں گیا۔
18
-تے دوجا جتھہ بیت حورونؔ دے راہیں پیا۔تے تیجا جتھہ اوس جبعہؔ دی راہیں پیا جیہڑی وادی صبوعیم ؔ تے جگنل وَل اے۔
19
-تے اسرائیل دے سارے دیس وچ کوئی لوہار نئیں سی۔کیوں فلسطینیاں ؔ نیں پیلاں تَوں ای تدبیر کیتی سی۔تاں جو عبرانیؔ لوک اپنے لئی تلواراں تےنیزے تے ناں بنوا لین۔
20
-سو کُل اسرائیل فلسطینیاںؔ دے کول ہیٹھا ں اُتر دےسَن۔ تاں وج اپنا پھال تے اپنا بھالا تے اپن اکلہاڑا تے اپنی کدالی تیز کرائیں۔
21
-پر کدالیاں تے پھالیاں تے تِن شاخہ کنڈیاں تے کلہاڑیاں تے پینَوں دے تیز کرن لئی اوہناں دے کول رہندیاں سَن۔
22
-تے جدوں لڑن دا ویلا آیا۔اوہناں لوکاں دے ہتھ وچ جیہڑے ساؤل تےیوناتانؔ دے نال سَن تلوار تے نیزہ نئیں سی۔پر ساؤل تے اوہدے پُتر یو ناتانؔ دے کول سی۔
23
-تے فلسطینیاںؔ دا طلایہمِکماشؔ دی راہیں باہر نکلیا۔