1
-تے سیموئیل نیں تیل دی کُپی لئی تے اوہدے سِر اُتے اُنڈیلی ۔تے اوہنوں چُمیا۔تےاوہنوں آکھیا ۔پئی ایہدے نال رَب نیں تینوں مسح کر کے اپنی قوم اسرائیل دا رہنما مِتھیا۔تُوں ای رَب دی قوم دی حفاظت کریں گا۔تُوں ای اوہناں دے آسے پاسے دے دُشمناں توں اوہناں نُوں چھُڈائیں گا۔تے تیرے لئی ایس گل دا پئی رَب نیں تینوں مسح کر کے اپنی میراث دا رہنمامِتھیا ۔نشان ایہہ ہووے گا۔
2
-اَج جدوں تُوں میتھوں جُدا ہوویں گا۔تے بنیامینؔ دی حددے وچکار صِلصح ؔ وچ راحیلؔ دی قبر دے کول تینوں دو بندے مِلن گے۔تے تینوں آکھن گے ۔پئی اوہ کھوتِیاں جنہاں نُوں تُوں لبھن لئی تُوں گیا سی،مِل گئیاں نیں۔تے تیرے پیو نیں کھوتِیاں دی فکر چھڈی ۔تے تہاڈی دونواں دی فکر وچ اے۔تے آکھدا اے پئی میں اپنے پُتر لئی کی کراں۔
3
-تے جدوں تُوں اوتھوں اَگے ودھیں گا۔تے دبورہؔ دے بلوط تیک اپڑے گا۔تواوتھے تینوں تِن بندے مِلن گے۔جیہڑے بیت ایل ؔ وچ خدا دے حضور جاندے ہون گے ۔اوہناں وچوں اِک دے کول بکری دے تِن بچے تے دوجے کول تِن روٹیاں تے تیجے کول مے دا مشکیزہ ہووےگا۔
4
-تے اوہ تینوں سلام کرن گے۔تے تینوں دور وٹیاں دین گے۔تُوں اوہناں دے ہتھوں لے لَویں۔
5
-فیر تُوں جِبعہؔ رَب تے آئے گا۔جیتھے فلسطینیاںؔ دی چوکی اے۔تے اوتھوں تیرے شہر وچ وڑن دے ویلے تینوں نبیاں دا اِک جتھہ مِلے گا۔جیہڑا اُچی تھاں تَوں ہیٹھا اُتر دا ہووے گا۔تے اوہدے اَگے سارنگیاں ۔خنجریاں ۔بانسریاں تے بربطاں ہون گِیاں۔تے اوہ نبوت کر دے ہون گے۔
6
-تد روح رَب دی روح دا تیرے اُتےظاہرہووے گی۔تے تُوںوی اوہناں دے نال نبوت کریں گا۔تے تُوں دوجا بندہ بن جاویں گا۔
7
-تے جدوں ایہہ نشانیاں تیرے اُتے واقع ہون تے جو کجھ تیرے سامنے آئے ،تُوں کر۔کیوں جورَب تیرے نال اے۔
8
-تے تُوں میتھوں پیلاں جلجالؔ نُوں اُتر جانا تے باد چوں میں تیرے کول آواں گا۔تاں جو سوختنی قربانیاں چڑھاواں۔تے سلامتی دےذبیحے ذبح کراں ۔تے تُوں سَت دِن تیک اوتھے رُکنا۔جدوں تیک پئی میں تیرے کول آکے تینوں ناں دساں پئی تُوں کی کرنا اے۔
9
-تے اینج ہویا پئی جدوں اوہنے سیموئیل دے کولوں گھلن لئی پیٹھ پھیری ۔رَب نیں اوہدا دِل بدل دِتا ۔تے اوسے دِن او سب نشانیاں واقع ہوئیاں ۔
10
-تے اوہ جبعہؔ وَل آیا۔تے ویکھو نبیاں دا اِک جتھہ اوہنوں ملیا۔تد رَب دی روح اوہدے اُتے نازل ہوئی ۔تے اوہ اوہناں دے نال نبوت کرن لگا۔
11
-جدوں اوہناںسبھاں نیں جیہڑے اوہنوں پیلاں توں جاندے سَن ایہہ ویکھیا ۔پئی اوہ نبیاں دے نال نبوت کر رہیا اے۔تے اِک نیں دوجے نُوں آکھیا۔پئی قیشؔ دے پُتر نُوں ایہہ کی ہو گیا اے۔کی ساؤل وی نبیاں وچوں اے؟
12
-تے اوتھوں اِک بندے نیں آکھیا ۔بھلا۔اوہناں دا پیو کون اے؟ایس لئی ایہہ مِثل بن گئی۔کی ساؤل وی نبیاں وچوں اے؟
13
-تے جدوں اوہ نبوت ختم کر چُکیا تے اُچی تھاں وچ آیا۔
14
-تد ساؤل دے چاچے نیں اوہنوں تے اوہدے غلام نُوں آکھیا ۔تُسی کِتھے گئے سی؟اوہناں نیں آکھیا پئی کھوتِیاں دی کھوج چہ تے جدوں اوہ سانوں ناں ملیاں ۔تے اسیں سیموئیل دے کول آئے۔
15
-ساؤل دا چاچا بولیا۔مینوں دسو پئی سیموئیل نیں تہانوں کی آکھیا؟
16
-ساؤل نیں اپنے چاچے نُوں آکھیا اوہنے سانوں دسیا پئی کھوتِیاں مل گئیاں ۔پر سلطنت دی گل جیہڑی سیموئیل نیں اوہنوں آکھی سی اوہنوں نئیں دسی۔
17
-فیر سیموئیل نیں لوکاں نُوں مِصفہؔ وچ رَب دے حضور بلایا۔
18
-تے بنی اسرائیل نُوں آکھیا پئی رَب اسرائیل دے خُدا نیں اینج دسیا اے۔میں ای آں جس نیں اسرائیل نُوں مصر وچوں کڈیا۔تے تہانوں مصریاں دے ہتھاں تَوں تے سَلطنتاں دے ہتھوں جیہڑیاں تہانوں تنگ کردیاں سَن۔چھُڈایا۔
19
-تے تُسی اَج دے دِن اپنے رَب نُوں جس تہانوں ساریاں بلاواں تَوں تے مصیبتاں توں چھُڈایا ،چھڈ دِتا۔تے تُسی آکھیا۔نئیں ! ساڈے اُتے اِک بادشاہ مقرر کر۔سو ایس ویلے تُسی اپنے قبیلیاں تے ٹبراں دے حساب نال رَب دے سامنے حاضر ہووؤ۔
20
-فیر سیموئیل اسرائیل ؔ دے کُل قبیلیاں دے اَگے لایا ۔تے بنیامینؔ دے قبیلے اُتےقُرعہ پایا۔
21
-فیر اوہ بنیامین ؔ دے قبیلے نُوں اوہدے ٹبر دے حساب نال اَگے لیایا۔تے مطریؔ دے ٹبر اُتے قُرعہ پایا۔فیر ساؤل بِن قیش ؔ تے پایا۔تد اوہناں نیں اوہنوں لبھیا۔پر اوہ نہ ملیا۔ -تے اوہناں نیں رَب نُوں فیر پوچھیا۔پئی کی اوہ بندہ ایتھے آئے گا؟تے رَب نیں آکھیا ۔ویکھو اوہ اسباب دے وچکار لُکیا ہویا اے۔
22
-تے اوہناں نیں رَب نُوں فیر پوچھیا۔پئی کی اوہ بندہ ایتھے آئے گا؟تے رَب نیں آکھیا ۔ویکھو اوہ اسباب دے وچکار لُکیا ہویا اے۔
23
-تد اوہ دوڑے تے اوہنوں اوتھوں پھڑ لیائے۔تے اوہ لوکاں دے وچکار کھڑا ہویا۔تے ویکھو اوہ اپنے موہڈے تَوں لے کےاُتے تیک سب لوکاں تَوں قد لما سی۔
24
-تد سیموئیل نیں سارے لوکاں نُوں آکھیا ۔کی تُسی ویکھدے اوہ پئی جنہوں رَب نیں چُنیا۔اوہدے وانگ سارے لوکاں وچوں کوئی نئیں ؟تد سب لوکی للکارے تے بولے۔بادشاہ زندہ رہوے۔
25
- فیر سیموئیل نیں لوکاں نُوں سلطنت دے طریقے دسے۔تے اوہناں نُوں کتاب وچ لکھیا۔تے اوہنوں رَب دے سامنے رکھیاتے سیموئیل نیں کُل لوکاں نُوں یعنی ہر اِک نُوں اپنے گھر وچ گھلیا۔
26
- تے ساؤل وی جبعہؔ وچ اپنے گھر نُوں گیا۔تے اوہدے نال اوہناں دا اِک لشکر گیا ۔جنہاں دے دِلاں نُوں رَب نیں چھویا۔
27
- پر بعض خبیث بندے آکھن لگے۔پئی ایہہ سانوں کینج رہائی دیوے گا؟تے اوہدی حقارت کیتی تے ہدیئے ناں لیائے۔پر اوہ چُپ رہیا ۔گویا پئی اوس نیں سُنیا ای نئیں۔