¹ ۱۔ ایہدے بعد سلیمان بادشاہ نے صِیّون یعنی داود دے شہروں خُدا دے عہد دے صندُوق نُوں لیان لئی اِسرائیل دے سارے وڈّیرے تے قبیلیاں دے کُل سردارتے اِسرائیل دے آبائی ٹَبراں دے وڈّے یروشلیم وِچّ اپنے حضور سدے۔ ² ۲۔ سو ایتانیم دے مہینے وِچّ جہیڑا ستواں مہینہ اے عید دے موقع تے کُل اسرائیل دے لوک اکٹھے ہو کے سلیمان بادشاہ کول آئے ۔ ³ ۳۔ تے جد اسرائیل دے کُل وڈّیرے اَپڑ گئے تے کاہناں صندُوق چُکیا ۔ ⁴ ۴۔ تے لاویّاں دی مدد نال اوہ خُداوند دا صندُ وق سَنہے اَکٹھ دا تنبُو تے اوہدے وِچّ داسارا سامان چُک کے لے آئے ۔ ⁵ ۵۔ سلیمان بادشاہ تے اسرائیل دی ساری جماعت نے جیہڑی اوہدے حُضور اکٹھی ہو گئی سی ، صندُوق دے اَگے ایہنے چوکھے بھیڈاں بکریاں تے ٹھگے حلال کِیتے پئی اوہناں نُوں گننا یاں حِسّاب کرنا وَسّ وِچّ نئیں سی۔ ⁶ ۶۔ تے فیر کاہن خُدادے عہد دا صندُوق ہیکل دے وِچّلے تھاں یعنی سبھ توں وَدھ کے پاک تھاں تے کروبیاں دیّاں بانہواں دے اُکّا تھلے لے آئے۔ ⁷ ۷۔ تے اوہناں اپنیاں بانہواں صُندوق دی تھاں دے اُتے پھیلائیاں ہوئیاں سَن تے اوس صندُوق تے اوہنوں چُک والیاں بَلیاں تے چھاں کر دے سَن۔ ⁸ ۸۔ تے ایہہ بَلیاں ایڈھیاں لمیاں سَن پئی اوہناں دے سِرے وِچلّے مَقدَس دے سامنے سبھ توں پاک تھاں توں وی وکھالی دیندے سَن۔ پَر سبھ توں پاک تھاں توں نیئں سَن دِسدے۔ تے اوہ آج وی اوتھے ہی نیں۔ ⁹ ۹۔ تے اوس صندوق وِچّ پتھر دِّیاں دو تختیاں دے علاوہ ہور کُجھ نیئں سی جیہڑیاں مُوسیٰ نے حُورِب وِچّ ایہدے وِچّ رکھ دِتّیاں سَن۔ ایہہ اوہ ویلا سی جد بنی اسرائیل مصر دیس وِچّوں نَکل آئے سَن تے خُداوند نے اوہناں نال عہد کیِتا سی۔ ¹⁰ ۱۰۔ جد کاہن سبھ توں پاک تھا ں چَوں باہر نِکل آئے تے رَبّ دا گھَر بدلی نال بھر یا گیا۔ ¹¹ ۱۱۔ تے اوس بدلی دے بھاروں کاہن اپنی سیوا پوری کرن لئی اوتھے نہ کھلو سکے کیوں جو رَبّ د ا گھر اوہدے جلال نال بھریا ہویا سی۔ ¹² ۱۲۔ تد سلیمان نے آکھیا : خُداوند نے فرمایا سی پئی اوہ گُوڑھے بدل وِچّ رہوےگا۔ ¹³ ۱۳۔ میں نے سچ مُچ تیرے لئے اِک شان والا گھَر تیار کیتا اےیعنی تیرے سَدا رہن لئی تیرے لئی اِک تھاں بنایا اے۔ ¹⁴ ۱۴۔ جد اَسرائیل دی کُل جماعت اوتھے کھلوتی سی تے بادشاہ نے اوہناں ول منہ کر کے اوہناں نوں برکت دِتّی۔ ¹⁵ ۱۵۔ تے فیر آکھیا: خُداوند اسرائیل دے رَبّ دی وڈّیائی ہووے جِنہے اپنا اوہ وعدہ جیہڑا اوہنے اپنے مونہوں میرے پئو دادے نال کیتا سی، اپنی ہتھی پُورا کردِتّا اے۔ کیوں جو اوہنے آکھیا پئی ¹⁶ ۱۶۔ جِدن دا میں اپنی اُمت اسرائیل نُوں مصروں کڈھ کے لے آیا واں میں اِسرائیل دے کسے قبیلے وِچّوں کِسے شہر نُوں نئیں چُنیا جِتھے میرا گَھر بنَے تاں جو اوتھے میرا ناں ہووے ۔ پَر میں اپنی اُمت اسرائیل تے راج کرن لئی داود نُوں چُنیا ایں۔ ¹⁷ ۱۷۔ رَبّ اپنے خُداوند لئی گھر بنان دا چاہ میرے پئو داود دے دِل وِچ ّ سی ۔ ¹⁸ ۱۸۔ پَر خُداوند نے میرے پئو داود نُوں آکھیا : کیوں جو ایہہ گل تیرے دِل وِچّ سی پئی میرے ناں لئی اِک گھَر بناویں تے اپنے دِل وِچّ ایہہ گَل ٹھان کے تُوں چنگا کیتا۔ ¹⁹ ۱۹۔ تاویں اوہ گھَر بنان والا بندہ تُوں نئیں سگھوں تیرے پُتر اے جیہڑا تیرا اپنا ماس تے اپنی رَت اے۔ اوہ ہو ہی اوہ بندہ اے جیہڑا میرے ناں لئی گَھر بناوے گا۔ ²⁰ ۲۰۔ خُدا نے اپنے وعدے دا پاس رکھیا جیہڑا اوہنے کیتا سی۔ میں اپنے پئو داود دی کُرسی تے بیٹھا ہاں تے ہُن میں اِسرائیل دے تخت تے بیٹھا ہاں جِویں رَبّ نے وعدہ کیتا سی۔ تے میں خُداوند اسرائیل دے رَبّ دے ناں لئی گھَر بنایا۔ ²¹ ۲۱۔ میں اوس صندُوق لئی جہدے وِچّ خُدا دا اوہ عہد اے جیہڑا اوہنے ساڈھے پئو دادے نال اوہدوں کیِتا جد وں اوہ اوہناں نُوںمِصر دیس وِچّوں کڈھ لیایا، اِک تھاں دِتّی۔ ²² ۲۲۔ فیر سلیمان نے اسرائیل دی کُل جماعت دے سامنے خُدا دے مذبحے اَگے کھلو کے اپنے ہتھ آسمان وَل چُک ²³ ۲۳۔ تے آکھیا: اے خُداوند اسرائیل دے ربّ، تیرے جیہا نہ تے اُتے اسماناں وِچّ تے نہ تھلے دھرتی تے کو ئی رَبّ اے۔ تُوں جہیڑا اپنے پریت دے عہد نوں اپنے اوہناں بندیاں نال قائم رکھنا ایں جیہڑے سارے دِل نال تیری راہ تے ٹُر دے نیں۔ ²⁴ ۲۴۔ تُو اپنے سیوک ، میرے پئو داود نال اپنا وعدہ نبھایا اے۔ اپنے مونہوں وعدہ کیتا اے تے اپنیں ہتھیں اوہنوں توڑ اَپڑایا اے جِویں اَج دے دِن اے۔ ^{25 26} ۲۲۔ فیر سلیمان نے اسرائیل دی کُل جماعت دے سامنے خُدا دے مذبحے اَگے کھلو کے اپنے ہتھ آسمان وَل چُک ۲۳۔ تے آکھیا: اے خُداوند اسرائیل دے ربّ، تیرے جیہا نہ تے اُتے اسماناں وِچّ تے نہ تھلے دھرتی تے کو ئی رَبّ اے۔ تُوں جہیڑا اپنے پریت دے عہد نوں اپنے اوہناں بندیاں نال قائم رکھنا ایں جیہڑے سارے دِل نال تیری راہ تے ٹُر دے نیں۔ ۲۴۔ تُو اپنے سیوک ، میرے پئو داود نال اپنا وعدہ نبھایا اے۔ اپنے مونہوں وعدہ کیتا اے تے اپنیں ہتھیں اوہنوں توڑ اَپڑایا اے جِویں اَج دے دِن اے۔ ²⁷ ۲۷۔ پَر کی رَبّ سچ مُچ دھرتی تے رہوے گا؟ تُوں تے اَسمان سگھوں اَسماناں دے اَسمان وِچّ وی سما نئیں سکدا تے فیر تیرا ایس گھَر وِچّ سمانا جنہوں میں بنایا اے ہور وی اوکھا اے! ²⁸ ۲۸۔ تاں وی خُداوند میرے خُدا ، اپنے سیوک دی دعا سُن تے رحم لئے اوہدی فریاد وَل دھیان کرتے اپنے سیوک دی ایس دُعا تے فریاد نُوں سُن لے جیہڑی اوہ تیرے اَگے کر رہیا اے۔ ²⁹ ۲۹۔ دِنیں راتیں ایس گھَر تے تیری نِگاہ رہوے! تُوں ایس گھَر بارے ایہہ فرمایا سی پئی میں اپناں ناں اوتھے وسّواں گا۔ تُوں ایس دُعا نُوں سُن جیہڑی تیرا سیوک ایس تھاں دے وَل منہ کر کے تیرے توں منگدا اے۔ ³⁰ ۳۰۔ جد تیرا سیوک تے تیری اُمت اِسرائیل دے لوک ایس تھاں وَل منہ کر کے تیرے توں فریاد کرن تے سُن لویں ۔ تُوں اَسمان توں دی جیہڑا تیرے رہن دی تھاں اے، سُن لَویں تے سُن کے معاف کر دے ویں۔ ³¹ ۳۱۔ تے جَد کوئی اپنے گوانڈھی دا پاپ کرے تے اوہنوں سونہہ چُکن لئی آکھیا جائے تے اوہ آوے تے ایس ہیکل وِچّ تیرے مذبح اَگے سونہہ چُکے۔ ³² ۳۲۔ تے تُوں آسمان توں سُن کے عمل کریں تے اپنے بندیاں دا نیا ں کریں تے مُجرم تے فتویٰ لا کے اوہدےنُوں اوسے دے سر لاویں تے سچے نوں بے دوسا ٹھہرا کے اوہنوں اَجر دیویں تاں جو اوہدی بے گُناہی ثابت ہو جائے۔ ³³ ۳۳۔ جد تیری اُمّت اِسرائیل تیرا گُناہ کرن دے سببوں اپنے کسے ویری کولوں ہار جاوے تےفیر تیرے کول آوےتے ایس ہیکل وِچّ تیتھوں دُعا کرے تے فریاد کردیاں ہویاں تیرا ناں چپے۔ ³⁴ ۳۴۔ تے تُوں اَسمان توں سُن لئیں تے اپنی اُمت اسرائیل دا گُناہ بخش دیویں تے اوہناں نُوں اوس دیس وِچّ جیہڑا تُوں اوہناں دے باپ دادے نُوں دِتّا، واپس لے آویں۔ ³⁵ ۳۵۔ تے جد تیرے لوکاں دے تیرے خلاف گُناہ دے سببوں اَسمان بند ہو جاوےتے مینہ نہ وَسّے تے جِد اوہ ایس تھاں وَل منہ کر کے دُعا کرن تے تیرا نام چپن تے جَد تُوں اوہناں نوں دُکھ دیویں تے اوہ اپنے گُناہ توں مُڑ جان۔ ³⁶ ۳۶۔ تے تُوں آسمان توں سُن لئیں تے اپنے بندیاں یعنی اپنی اُمت بنی اسرائیل دا گُناہ معاف کر دیویں تے اوہناں نُوں حیاتی گُزارن دی چنگی راہ سِکھاویں تے ایس دیس تے جیہڑا تُوں اپنی قوم نُوں میراث وِچ دِتّا اے، مینہ برسا نویں۔ ³⁷ ۳۷۔ تے جدوں دیس نوں قحط یا وبّا آ پھڑے یا پِت یا اُلّی یا ٹڈّی دَل یا جھینگراں دے سببوں تباہی پھیل جاوے یا کوئی ویری اوہناں دے کسے شہر نُوں گھیر لوے، کیہو جئی وی بیماری یا آفت آجائے ۔ ³⁸ ۳۸۔ تے جد تیری قوم اسرائیل وِچوں کوئی اپنے دُکھ پِیڑ دے سببوں ایس ہیکل وَل ہتھ چُک کے دُعا تے فریاد کرے۔ ³⁹ ۳۹۔ تے تُوں اَسمان توں جہدےتوں رہینااے، سُن لئی تے کیوں جو تُوں بندے دے دِل نوں جاننا ایں ایس لئی اینج چریون پئی ہر بندے نُوں اوہدے کرماں دے مطابق بدلہ دیویں۔ ⁴⁰ ۴۰۔ تاں جوں جد اوہ ایس دیس وِچّ جو تُوں ساڈے پئو دادے نُوں دِتا، جیوندے رہن، تیرا ڈر منن۔ ⁴¹ ۴۱۔ تے اوہ پردیسی جیہڑ ے تیری قوم بنی اسرائیل وِچّوں نیئں پَر تیرے ناں دا چرچا سُن کے کِسے دُور دے دیس وچِوں آون ۔ ⁴² ۴۲۔ کیوں جوں لوگ تیرے وڈّیرے ناں تے ڈاڈّے ہتھ تے پھیلی ہوئی بانہہ بارے سُنن گے تے جد اوہ آوے تے ایس ہیکل وَل رُخ کرکے دُعا کرے ⁴³ ۴۳۔ تد تُوں اپنی آسمانی گھر وِچوں سُن لئیں تے جو کُجھ وی اوہ پردیسی تیتھوں چاہوے ، اوہدی مُراد پُوری کریں تاں جو دھرتی دیاں کُل قوماں تیرے ناں نوں جانن تے تری اپنی اُمت اسرائیل وانگ تیرا ڈر منن تے جان لین پئی ایہہ گھر جیہڑا میں بنایا اےتیرے ناں نال جُڑیا ہویا اے۔ ⁴⁴ ۴۴۔ تے جد تیرے لوک اپنے ویریِاں دے خِلاف لڑ لئے جِتھے تُوں اوہناں نُوں گھلیں، جان تے جداوس شہر وَل جیہڑا تُوں چُنیااےتے اوس گھر وَل جیہڑامیں تیرے ناں لئے بنایا اے، منہ کر کے خُداوند توں منگن ⁴⁵ ۴۵۔ تد تُوں آسمان توں اوہناں دی دُعا تے فریاد سُن لئیں تے اوہناں دی حمایت کریں۔ ⁴⁶ ۴۶۔ تے جد او تیرا گُناہ کرن ، کیوں جو کوئی اجیہا بندہ نئیں جیہڑا گُناہ نہ کردا ہوئے ، تے تُوں اوہنا ں نال رِنجھ ہو جاویں تے اوہناں نُوں دُشمن دے حوالے کر دیویں تے اوہ اوہناں نوں بندھی بنا دُور یا نیڑے اپنے دیس وِچّ لے جاوے۔ ⁴⁷ ۴۷۔ تے جے اوس ملک وِچّ جتھے اوہناں نُوں بندی بَنا کے رکھیا ہویا اے، اوہناں دا مَن بدل جاوے تے اوہ اپنوں جِتیاں ہویاں دے دیس وِچّ توبہ کرن تے تیرے اَگے فریاد کرن تے آکھن پئی اساں پاپ کِیتا اے، اساں بدی کیتی تے شرارت نال کَم لیا اے۔ ⁴⁸ ۴۸۔ تد جے اوہ اپنے ویریاں دے دیس وِچّ جنہاں اوہناں نُوں بندھی بَنایا اےتے اپنے سارے دِل تے اپنی ساری جان نال تیرے وَل پرتَن تے اوس اوس دیس وَل جیہڑا تُوں اوہناں دے پئو دادے نُوں دِتا اے تے اوس شہر وَل جنہوں تُوں چُن لیا اےتے اوس گھر وَل جیہڑا میں تیر ے ناں لئی بنایا اے، منہ کرکے تیر ے توں دُعا کرن ۔ ⁴⁹ ۴۹۔ تے تُوں اَسمان تُوں جیہڑا تیرے آرام دی تھاں اے، اوہناں دی دُعا تے فیریاد سُن لئیں تے اوہناں دی حمایت کریں۔ ⁵⁰ ۵۰۔ تے اپنےلوکا ں نُوں جنہاں تیرا پاپ کِیتا اےمعاف کر دیویں تے اوہناں دیِاں کُل خطاواں جیہڑیاں اوہناں توں تیرے خِلاف ہویاں ، معاف کردیویں تے اوہناں نوں ہرا دین والیاں نُوں اوہناں تے ترس کھان دی ترغیب دیویں۔ ⁵¹ ۵۱۔ کیوں جو اوہ تیرے لوک تے تیری میراث نیں جنہاں نُوں تُوں مصروں یعنی لوہے دی بھٹی وِچّوں کڈھ لیایا ۔ ⁵² ۵۲۔ سو تیریاں آنکھیاں تیرے بندے دی فریاد تے تیری اُمت اسرائیل دی مِنّت وَل لگیاں رہن تاں جو جد کدی اوہ تیرے کولوں فریاد کرن، تُوں اوہناں دی سُنیں۔ ⁵³ ۵۳۔ کیوں جو تُوں اوہناں نوں جگ دِیاں کُل قوماں وِچّو ں چُن لیا اےتاں جو اوہ تیری میراث ہون جِویں پئی اے قادرِ مطلق خُداوند تُوں اپنے بندے مُوسیٰ دی راہیں فرمایا اے جد تُوں ساڈے پئو دادے مصروں کڈھ لیا یا۔ ⁵⁴ ۵۴۔ جدسلیمان خُداوند کولوں ایہہ کُل دُعاواں تے مِنتاں کر بیٹھا تے اوہ خُداوند دے مذبحے اَگوں ، جِتھے اوہ اپنے ہتھ اَسمان وَل پھیلا کے گوڈیاں بھار سی ،اُٹھ کھلوتا۔ ⁵⁵ ۵۵۔ تے کھلو کے اِسرائیل دی ساری جماعت نُوں اُچی آواز وِچّ ایہہ آکھ کے برکت دِتّی: ⁵⁶ ۵۶۔ خُدا دی حمد تے وڈّیائی ہووے جنہیں اپنی اُمت اِسرائیل نُوں امن تے آرام بخشیا اے جینج اوہنے وعدہ کیِتا سی تے کُل وعدے جیہڑے اوہنے اپنے بندے مُوسیٰ دی رائیں کیتے سَن سبھ دے سبھ پُورے ہو گئے۔ ⁵⁷ ۵۷۔ خُداوند ساڈا خُدا ساڈے نال رہوے جوِیں اوہ ساڈے پئو دادے دے نال رہیا۔ اوہ نہ کدی سانوں چھڈے ، نہ اپنے توں پرا ں کرے۔ ⁵⁸ ۵۸۔ ساڈے دِلاں نوں تیار کرے پئی اسی اوہدیاں کُل راہاواں تے ٹُریئے تے اُوہناں حُکماں ، فرماناں تے آئین نوں منئیے جیہڑے اوہنے ساڈّے پئو دادے نُوں دِتے سَن۔ ⁵⁹ ۵۹۔ کاش میریاں اے گلاں جیہڑیاں میں خُداوند سامنے اپنی فریاد وِچ رکھیاں نیں، دِنیں تے راتیں رب ساڈے خُداوند نیڑے رہن تاں جو اوہ ہر دہاڑے لوڑ دے مُطابق اپنے بندے تے اپنی اُمت اسرائیل دی حمایت کرے۔ ⁶⁰ ۶۰۔ تاں جو جگ دِیّاں کُل قوماں جان لین پئی خُداوند ہی رب اے۔ اوہدے باہج ہور کوئی نیئں۔ ⁶¹ ۶۱۔ پر اوہدے فرماناں دے مُطابق جِین تے اوہدے حُکم منن لئی تہاڈے دِل پَکا سدا خُداوند ساڈے خُدا دے تابع رہن جِویں ایس ویلے نیں۔ ⁶² ۶۲۔ تد بادشاہ تے کُل بنی اسرائیل نے خُدادے حضور قُربانیاں چڑھایاں ۔ ⁶³ ۶۳۔ تے سلیمان نے خُدا دے اَگے سلامتی دِیاں قُربانیاں چڑھائیاں۔ جنہاں وِچّ بائی ہزار ڈھگےتے اِک لکھ وی ہزار بھیڈاں بکریاں سَن۔ اینج بادشاہ تے کُل اسرائیلیاں نے رَب دے گھر دی مُخصوصیت کِیتی۔ ⁶⁴ ۶۴۔ اوسے دِن بادشاہ نے خُدا دے گھر دے اگلے پاسے دے وِچکارلے حِصّے دی تقدیس کیتی تے اوتھے سوختنی قُربانیاں ، اَن دی قُربانیاں تے سلامتی دے زبیحاں دی چربی دیاں قُربانیاں چڑھائیاں کیوں جو خُداوند دے اَگے پَتل دا مذبح ایڈھا نِکا سی پئی اوہدے تے سوختنی قُربانیاں، اَن دیاں قُربانیاں تے سلامتی دیاں قُربانیاں دی چربی چڑھان جوگی تھاں کوئی نئیں سی۔ ⁶⁵ ۶۵۔ ایس طرح سلیمان نے تے اوہدے نال کُل بنی اسرائیل نے جیہڑے حمات دے بُوہے توں لے کے مصر دی وادی تک لوکاں دے اِک وڈے اَکٹھ دی صُورت وِچّ سَن، اوس ویلے اوہناں عید مَنائی۔ اوہناں ایہہ عید خُداوند اَگے سَت دِن تیک تے سَت دِن ہور یعنی کُل چوداں دِن منائی۔ ⁶⁶ ۶۶۔ تے اَگلے دِن اوہنے لوکاں نوں وِدیاں کر دِتا ۔ اوہناں بادشاہ نُوں مبارک دِتی تے اوہ اوس ساری نیکی لئی جیہڑی خُداوند نے اپنے بندے تے اپنی اُمت اسرائیل تے کیِتی، اپنے دَلاں وِچّ بڑے خُوش باش تے شاد ہو کے اپنے گھراں نُوں ٹُر گئے۔