¹ ۱۔ کھنڈاون آݪو تے چڑھ آیو ہے۔پچھے قلعے ری حفاظت کر مارگ رو خیال کر ہوشیاری جھال ان تکڑو تھی۔ ² ۲۔حقیقت میں ایشور یعقوب ری رونق ری طرح اسرائیل ری رونق بحال کریخ جے کݙے مارڹ آݪا اواں ناماریو ان اواں رے در را قیفہ توڑ ݙنا۔ ³ ۳۔اواں رے بہادراں رے ڈھالا لاتے ہے۔اوے را جنگی منکھ کرامتی چوگا ہے۔اوے رے جاوڹ رے ݙن امتاں رے رتھ ری طاقت ختم ہوئی ری۔ان چلاوڹ آݪا دیوانا ہوا را۔ ⁴ ۴۔گھوڑا ٻیگھی میں ترتیب خاں بھجئی۔او شہر رے چوکاں میں برابر خاں بھجئی او جووڹ میں ݙالاڳئی ان بجلی آݪی کار چمکتی۔ ⁵ ۵۔چوگیورا منکھ آوئی او بھجتا کھرائی اور تیزی خاں چوٻاراں تے چڑھئی کنارو تیار کریو جاوئی۔ ⁶ ۶۔ ہزاں را دروازہ کھل جاوئی را محل میں یہی بڑئی رو۔ ⁷ ۷۔لگائی جھلیج تے غلام بڹ ائی جاوئی۔اوے ٻانہے۔گیریاں آݪی کار چیکتی ہوئی روتی ہوئی ان چھائی پٹیتی ہوئی۔ ⁸ ۸۔نینوہ اوے حوض آݪی کرہے۔جکے خاں پاٹی بہہ جاوئے۔او کہی کے (روکو) پڹ کوئی مڑتے جوتو کونی۔ ⁹ ۹۔چاندی لوٹو کیا جو خزانے میں کوئی کمی کونی۔بھلے خاں بھلے چیزاں ہے۔ ¹⁰ ۱۰۔وہ خالی رڹ پٹ ہے اواں را من پگھݪ گیا را ان گوݙا ٹکرائی وا۔خارا رے کڑیا میں ݙوکھن ہے ان اواں خارا را مھانڈا پیݪہ ہے۔ ¹¹ ۱۱۔شیراں را گھر کتھ ہے شیراں رے ٻاݪاں را جھڈ کتھ ہے۔جے جݙے شیر پاہر جاوتو ہتو تو شیرنی ٻاݪاں رے بھیݪی رہتی۔ان کوئی اواں نا یہیݪتو کونی ہتو۔ ¹² ۱۲۔شیر آپرے ٻاݪاں رے خارو شکار کہ تو ہتو۔ان آپرے شیرنیاں رے خارو گلو گھٹتو ہتو۔او آپر گھراں نا شکارا خاں ان گھراں نا چیر پوڑاخاں بھرتو ہتو۔ ¹³ ۱۳۔ جو ہوں تاجے خلاف آوئی۔(فوجاں رے ایشور رو کہیوڹ ہے) ہوں تھارے رتھاں نا خاڑان دھوو کر ݙیخ۔تلوار تاجے ٻاݪاں نا کھاجاخے ری۔ہوں تاجو شکار دھرتی خاں ختم کر ݙیخ رو۔ان تاجی شیرنیاں ری آواز بݪی خڹ ائی کونی ݙے۔