باب۸
1
۱۔ جݙے یسوع پہاڑ(ٹکر) خاں اُتریو، موٹو ماݨخاں رو ٹوݪواُویرے لاریوں ھتو۔
2
۲۔ آݨ جوؤ ہیک کوڑھی آیو یسوع رے اگیا جُھک (نوگڑیو) آݨ کہیو، مالک جیکݙے توں چاہویں تو مناں آچھو کرخگھیں۔
3
۳۔ یسوع مسیح ہاتھ بدھا رو اُوے ناں ہاتھ لگایو آݨ کہیو،ً ھوں چاہویں ، کہ توں بھلاں تھی جا، جلدی ہی (بیگوہی) اُوآپرے کوڑھ خاں اچھوتھی گیو۔
4
4۔ یسوع اُوے ناں کہیو،ً ائیے رے بارے میں کہی ماݨخ ناں نی کہئے۔ آپرو مارگ جھال آݨ آپرے آپ ناں بھگت (سنت) ناں جواݪ آݨ چہڑاوا چہڑا جاں کہ موسی' سنت حُکم ݙنھوہے ائیے رے خاروں کے اُواں رے خاروں شاہدی ھوئے۔
5
۵۔جݙے یسوع کفرنحوم میں بیݪو تو ہیک خوبیدار اُوے کوڈھیاں آیو۔
6
۶۔مالک مانجو نوکر فالج رو ماریو ڑیوگھر میں خوتو پیو ہے ݙاڈھی ݙوکھن میں ہے۔
7
۷۔ یسوع اُوے ناں کہیو، ھوں آئیخ آݨ اُوئے ناں بھلاں کریئخ۔
8
۸۔ خوبیدار جواب ݙنھو آݨ کہیو،ً مالک ھوں ائیے لائق کونی کہ تو مانجے گھر ری چھت رے ھہٹھیاں آویں۔ چھڑو کہہ ہی ݙی، تو بھی مانجو نوکر بھلاں تھی خے رو۔
9
۹۔ کیاں کے ھوں ہی اختیاررے ھٹیھیاں ھاں۔ آݨ خپائی بھی مانجے ھیٹھیاں ھے۔ ھوں اُواں میں ہیکے ناں ہی کہاں کہ جا، تو اُو جاویرو، آݨ ٻجے ناں کہاں کہ آ تو اُوآوی رو، آݨ ھوں آپ رے نوکر خاں کہاں ائیاں کر تو کرئی رو۔
10
۱۰۔جݙے یسوع ائیے خوݨیو تو اُو ݙاڈھو حیران تھیو، آݨ جکواُورے لاروں آتا تا اُواں ناں کہیو،ً ھوں تھاناں خچی کہیں کے میں اسرائیل میں اھیݪو وسواش کتھے کونی ݙٹھو،(جویو)
11
۱۱۔ ھوں تھاناں کہیں گھݨاں اوگھݨ آݨ آتھوݨ خاں آخے آݨ ایشور ری راجائی میں ابراہام،اضحاق آݨ یقعوب رے بھیݪا بچݪخے۔
12
۱۲۔ پر راجائی را ݙکرا گُگھ اندھارے میں ناکھیا جاخے جتھے روؤݨ آݨ ݙانتا رو پیخݨ ھوخے۔
13
۱۳۔یسوع خوبیدار خاں کہیو،ً ہمیں جا، جہڑو تاجو وسواش ھے اُواں ہی تاجے خاروں ویے۔ آݨ اُوے رو نوکراُوہی گھڑی بیماری خاں چھوٹ کارو پا گیو۔
14
۱۴۔جݙے یسوع پطرس رے گھر میں آیو، تو اُوے پطرس ری خاخو ناں ًتاٍ میں (بخار) پیوݪی جوئی۔
15
۱۵۔ یسوع اُورے ہاتھ ناں ہاتھ لگایو آݨ اُوے رو ًتاٍ جاتو رہیو۔
16
۱۶۔ جݙے آتھݨ (شام) تھی تو ماݨخ گھݨاں بھونتاں آݪاں ماݨخاں ناں یسوع کوڈھیاں لایا، اُوے ہیکے ہی شٻدھ خاں آتماواں ناں ( بھونتاں) کاڈ بھجایا، آݨ خاراں ماݨخاں ناں جکو بیمار ھتا بھلاں کریا۔
17
۱۷۔ ایئی خاروں اُو خاراں کجھ پورو تھیو جکو یسعیاہ سنت ری طرف خاں کہیو گیو ھتو،ً کہ اُوے آپ مھاری بیماری آݨ ݙوکھاں ناںآپ رے ماتھےلے لھنا۔
18
۱۸۔جݙے یسوع ماݨخاں رے ٹوݪےناں آپرے ٻاہریوں جویا تو گلیل رے خمندر رے ٻجوڑے کندھے رے پار جاؤݨ رو کہیو۔
19
۱۹۔ پچھے ہیک فقیہ اُوے کوڈھیا آیو آݨ کہیو،ً اے استاد جتھے بھی جائخ ھوں تاجے لاروں جائخ (بہیخ)۔ تاجے باتاں ناں منئخ۔
20
۲۰۔ یسوع اُوے خاں کہیو۔ لونکڑیاں رے تو کھݙاں وئی، آݨ آکاشی پکھیاں را تو ڄاݪیا، پر (ابن آدم) ایشور رے ݙیکرے رے خاروں تو ماتھو لُکاؤݨ ری جگہ کونی۔
21
۲۱۔ہیکے ٻجے چیلے اُوے ناں کہیو، مالک مناں موکل ݙی، کہ پہلی ھوں آپرے ٻاپ ناں ٻورآؤں۔
22
۲۲۔پر یسوع اُوے ناں کہیو، مانجے لاروں آ آݨ موؤڑاں ناں اُواں را آپرا موؤڑا ٻورݨ ݙیو۔
23
۲۳۔جݙے یسوع ہیکی ٻیݪی میں چڑھیو، تو اُوے را چیلاں بھی اُوے رے لاریوں ٻیڑی میں چڑھیا۔
24
۲۴۔ آݨ جوؤ سمندر میں ہیک ݙاڈھی جانکھ آئی آݨ چھولیاں ٻیڑی ناں بݪا لھنو، پریسوع خوتو پیو تو۔
25
۲۵۔ چیلاں اُوے رے کوڈھیا آرا اُوے ناں اٹھاݨیو آݨ کہیو، اے مالک مھاناں بچا مھیں مریا جاویں!
26
۲۶۔یسوع اُواں ناں کہیو، تھیں کیاں ٻہی؟ اے تھوڑے بھروخے آݪاں؟ پچھے اُواٹھیو جانکھ ناں دیݪکو ݙھنوآݨ جانکھ رُکی ری،
27
۲۷۔اے ماݨئخ ݙاڈھا حران تھیا آݨ کہیݨ لاگا،ً اے کہݪے قیخم رو ماݨخ ھے۔ کہ بیئرو آݨ سمندر بھی ائیے رو حُکم منئ۔
28
۲۸۔ جݙے یسوع (اُوے پار)ٻجے پاخے گدرِؔینِیاں رے ملک میں آیو تو آ ماݨخجکو بھونتاں رے قبضے میں ھتا اُوے ناں ملیا،(خہیٹیا) اُو قبراں خاں باہر آتا پیا آݨ ݙاڈھا ٻہیاݪݨ آݪا آݨ نقصان کرݨ آݪا ھتا آݨ ائیے رے خاروں کوئی بھی مارگ اوتھ خاں کونی ٹرپ تو ھتو۔
29
۲۹۔ آݨ جوؤ کہ اُو ݙاڈھے زور خاں چیخاں کرݨ لاگا، آݨ کہݨ لاگا اے ایشور را ݙیکرا مھاور تیں خاں کی واختو، کی توں مھاناں مقرر کریوڑے وقت خاں پہلی ݙکھاؤݨ آیو ہے
30
۳۰۔آݨ اُتھے خوہراں رو ہیک دھݨ چرتو پیوجکو اُواں خاں گھݨو پروکونی ھتو۔
31
۳۱۔آݨ بھونت یسوع خاں منت کرݨ لاگا آݨ کہݨ لاگا جیکݙھں توں مھاںاں کاڈھیخ تو مھاناں ائیاں خوہراں رے دھݨ جاؤݨ ݙے۔ (گھات را)
32
۳۲۔ یسوع اُواں ناں کہیو، جاؤ ! نخر جاؤ،ً اُو بھونت خوہراں میں گیا آݨ جوؤ خارا دھݨ خودھا پہاڑ خاں بھج را سمندر میں کھریا آݨ پاݨی میں ٻُݙ گیا
33
۳۳۔ اُو ماݨخ جکو خوہر چراتا ھتا بھج گیا۔ آݨ جݙے اُو شہر میں گیا تو اُواں خارو کجھ ݙخل چھوڑیو۔ خاص کر اُواں ماݨخاں رے بارے میں جکو بھونتاں رے ھاتھاں میں ھتا۔
34
۳۴۔ آݨ جوؤخارو شہر یسوع ناں خیݨݨ رے خاروں آ نخریو۔ جݙے اُواں اُوے ناں جویو توً اویری منت کرئی کہ اُو اُواں رے علاقے خاں جاوے رو۔