1
۱۔ فریسی آݨ صدوقی اُوے کوڈھی آ را اُوے ناں آزماؤݨ رے خاروں اُوے ناں کہیو، کہ مھاناں آکاش خاں کوئی نخاں ݙخل۔
2
۲۔ پݨ اُوے اُواں ناں بیݪتی ݙھنی جݙے آتھݨ (شام)تھئی تو تھیں کہی کہ موسم بھلو ہے کیانکہ آکاش راتو(لال) ہے
3
۳۔ خاکݪو رو تھیں کہی کہ موسم کھراٻ ہے کیانکہ آکاش راتو آݨ دندھلو ھے تھیں آکاش ری ݙخیجݨ آݪی حالت تو ݙخل خگھی پر وقت رے نخان ناں بیان کونی کر خگھتا
4
۴۔ شطانی آݨ بدکار منکھ ہیک نخان لابھئی پݨ اُواں ناں کونی نخان ݙھنو جاوے، یوناہ خاں ٹاݪ بݪے پربھویسوع اُواں ناں چھوڑ تے بہیوؤگیو۔
5
۵۔ جݙے ٻیجے پاخے پُگا تو ٻاٹی بھیݪی لیوݨ بھلیا ھتارا۔
6
۶۔پربھویسوع اُواں ناں کہیو، دھیان کریا کہ فریسی آݨ صدوقیاں رے کھٹاݨ خاں بچیا رہیا۔
7
۷۔چیلاں ہیکے ٻیجے ناں کہیو کہ اِے ائیے رے خاروں کہی وہ کیانکہ آپاں ٻاٹی کونی لایا۔
8
۸۔پربھویسوع ائیے باتاں ری خٻر ھتی! اُوے کہیو، بخواخ کرݨ آݪاں تھیں کیاں ہیکے ٻیجے خاں مشورو کرئیں واہ کی اِے ائیے رے خاروں کہ تھاں کوڈھی ٻاٹی کونی؟
9
۹۔ کی تھیں حالی تک کونی خمجھیا، تھاناں پانچ ہزار منکھاں رے خاروں پانچ ٻاٹے یاد کونی، آݨ نی اِے کہ کیترا ٹوکرا بھیݪا کریا ھتا؟
10
۱۰۔ یا خات ٻاٹے چار ہزار منکھاں رے خاروں ، تھاں کیترا ٹوکرا اکھݨیا ھتا؟
11
۱۱۔ اِے تھیں کیکر کونی خمجھتا کہ ھوں تھاناں ٻاٹی رے بارے میں کونی کہیتو؟۔ دھیان ݙدکہ فریسیاں آݨ صدوقیاں رے کھٹاݨ (خمیر) خاں ہوشیار رہیا۔
12
۱۲۔پچھے اُو خمجھ گیا کہ اُو اُواں ناں ٻٹی ری کھٹاݨ خاں ہوشیار رہیݨ رے خروں کونی پݨ فریسیاں آݨ صدوقیاں ری تعلیم خاں ہوشیار رہیݨ رے خاروں کہی وہ۔
13
۱۳۔ جݙے پربھویسوع قیصریہ فلپی رے حخے میں بڑیو تو اُوے آپ رے چیلاں خاں پوچھیو کہ منکھ کی کہی کہ ابِن آدم کِݨ ھے؟
14
۱۴۔اُواں کہیو، کوئی یوحنا پویترشنان ݙیوݨ آݪو، کوئی ایلیاہ کوئی سنتاں میں خاں کوئی ہیک۔
15
۱۵۔اُوے اُواں ناں کہیو، پر تھیں کی کہی کہ ھوں کݨ ھاںن؟
16
۱۶۔ شمعون بݪتی ݙہنی کہ تومسیح ہیں، جیوتے ایشور رو ݙیکرو،
17
۱۷۔ پربھویسوع اُواں ناں بݪتی ݙھنی آݨ کہیو، دھن ہے توں شمعون بریوناہ، تیں تے اِے بات مانجے گوشت آݨ لُوہی خاں کونی پݨ مانجے پتا ظاہر کی ہے جکو آکاش میں ہے۔
18
۱۸۔ ھوں تھاناں کہیں وہ کہ توں پطرس ہے ہی جبل (چٹان)تے آپری منڈݪی (کلیساء) بݨائیخ ۔ آݨ اُو نرگ(جہنم) میں کونی جاوے۔
19
۱۹۔ ھوں تناں آکاش ری باشاہی رے کونچے ݙئی جکواِتھے دھرتی تے ٻاندھ خو وہ آکاش تے بھی ٻاندھ خوآݨ جکو کاہی تھے دھرتی تے کھولوچھوڑخو اُو آکاش تے بھی کھولیوجاخے
20
۲۰۔ پچھے پربھویسوع چیلاں ناں حُکم ݙھنو کہ کہیں ناں نی کہیا کہ یسوع مسیح ہوں ھاں۔
21
۲۱۔ اُو وقت رے پچھے پربھویسوع آپرے چیلاں ݙخلیو کے اَئیے ضروری ہے کہ اُو یروشیلم جاؤئے بوڈھیاں آݨ سردارکاہناں آݨ فقیہاں ری طرف خاں گھݨو ݙوکھ خے، ماریو جاؤے آݨ تیجے ݙیھن مؤوڑاں میں خاں جی اُوٹھے۔
22
۲۲۔پچھے پطرس اُواں ناں ہیکے پاخے لے گیو، آݨ اُوے ناں بُروبھلو کہݨ لاگو اِئیے ایشور نی کرے وے ، اِئیے تیں تے ہرگز نی آوے۔
23
۲۳۔ پربھویسوع مݪ رو پطرس ناں کہیواِے شیطان توں میں خاں اݪگو جا کہ توں مانجے خاروں تھوڑوکھاوݨ رو کارݨ بݨیو کیانکہ تناں ایشور خاں بدیک منکھاں ری باتاں روفکر ہے
24
۲۴۔پچھے پربھویسوع آپرے چیلاں ناں کہیو جیکݙھں مانجے لاریوں آوݨ چاوی، (اُوے رےخاروں ضرور ھے) آپرے آپ خاں انکار کرے، آپری خوݪی کھݨو آݨ مانجے لاریوں بہو۔
25
۲۵۔جکو کوئی آپری حیاتی ناں بچاوݨ چاوہی اُو اُوے ناں گماخے، آݨ جکو کوئی اُوے ناں کماخے اُو اُوے ناں پالیخے۔
26
۲۶۔ ائیے رو کی فائیدو ہے کہ انخان خاری دنیا حاصل کرے پر آپری جان ناں گماوئے، ہیک انخان آپری جان رے کارݨ میں کی ݙے خگھیں۔
27
۲۷۔ پݨ اِبن آدم آپرے ٻاپ ری راجائی (جلال) میں آپرے فرشتاں رے بھیݪو آخے۔
28
۲۸۔ھوں تھاناں خیچ کہیں کہ تھاں میں خاں کہنک منکھ (ماݨیخ) جکو اِتھے اُبھا ھے۔ جکو اِبن آدم ری راجائی میں آوݨ خاں پہلی مرݨ رو مزو کونی چکھے۔