باب۱۴
1
۱۔ تقریباً اُوے ٹائم ہیرودیس (گورنر) پربھویسوع رے بارے میں خٻر خݨئ ۔
2
۲۔ اُوے آپ رے نوکراں ناں کہیو اَے یوحنا پوتیر سینان ݙیؤݨ آݪو ہے۔ جکو مؤوڑاں خاں جیتوہووہے؟ ائیے خاروں اُوے میں اِے شختی (طاقت) اُوے میں کام کرای۔
3
۳۔ہیرودیس آپ رے بھائی فلپس ری لوگائی ہیرودیس ری وجہ خاں سنت یوحنا پویتر سینان ݙاݨ آݪے ناں جھلایواُوے ناں ٻھندھوایو آݨ قید خانے میں رکھایو۔
4
۴۔کنیاں کے سنت یوحنا اُواں ناں کہیو ہتو ائیے ناں آپ ری لُوگائی بݨاں راکھے تھارے خارو جائز کونی ۔
5
۵۔ہیرودیس اُوے ناں مرواہ (قتل) ݙیؤت پݨ اُو گھݨے ماݨخاں میں ابھو ہتو کیناں کے گھںاں منکھ اُوے ناں سنت منتا ہوتا۔
6
۶۔ جݙے ہیرودیس رو جنم ݙھین آیو تو ہیرودیس ری ݙیکری خارے منکھاں رے میݪ میں (محفل) اُو ناچ ری اُوے ناں راضی کیو۔
7
۷۔ اُوے بدلے میں ہیرودیس خانخ (قسم) اوکھݨ رو وعدو کیو کے جکو تو مانگیخ ہوں تنا ݙیخ۔
8
۸۔ اُوے آپ ری ماتا (ماں) ری خکھاوت خاں اُو آُوے کوڈھی آئی کے مناں سنت یوحنا پویتر سنان ݙیوݨ آݪے رو خیر تھاݪی میں ݙھنو جاوے۔
9
۹۔ بادشاہ اُوے ری منت ݙاڈھو پریشان ہووہ پݨ اُوے منکھاں رے خامے خانخ (قسم) رے کرے اُوے حُکم ناں منݨو پیو کے ائیاں ہی کیو جاوے۔
10
۱۰۔ اُوے خنݙیخو ݙینھو کے قید خانے (جیل) میں سنت یوحنا رو خیر اتارݙھنو جاوے۔
11
۱۱۔بیݪے اُوے رو خیر تھاݪی میں گھات رو اوے چھوکری کوڈھی لایا، اُوے آپ ری ماتا (ماں) رے حوالے کیو۔
12
۱۲۔ بیݪے اُوے را چیلا آیا اُوے ری میت (لاش) لی آݨ اُوے ناں مٹی حوالے کی، اُوے خاں پچھے اُو پربھویسوع کوڈھی آیا آݨ اُوتے ناں خٻر ݙے۔
13
۱۳۔ جݙے پربھویسوع اَے خݨیو اُو اُوتھے خاں ٻیݪی ماتھے ہیکھلی آݨ سنسان جگہ تے گیو ، گھݨے منکھاں اِے خوݨیو تو شہراں پینݙے(پیدل) اُوے رے لارو گیا۔
14
۱۴۔ پربھویسوع اُواں خاں پہلی اُوتھے آیو آݨ اُوتھے گھݨو منکھاں رو جیتھو جویو، اُوےناں اُواں ماتھے ترخ آیو پربھویسوع اُواں رے بیماراں ناں خاجا کیا۔
15
15۔ جݙے شام ہوئی تو چیلا اُوے کوڈھی آیا اُوے ناں کیہو اَے خنخان جگہ ہے ݙھین پہلے ہی ڈھل گیو رو منکھاں ناں جاوݨ ݙے کیانکہ اُو گاں میں جارا آپ رو اپ خاروں خادھو مول لے خگیے۔
16
۱۶۔ پݨ پربھویسوع اُواں ناں کہیو ائیاں ناں جاوݨ نی ݙو تھیں ہی ائیاں ناں کھاوݨ رے خاروں کہنک ݙو۔
17
۱۷۔اُواں پربھویسوع ناں کہیو مہاں کوڈھی صرف پانچ ٻاٹے آݨ ٻے مچھے ہے ۔
18
۱۸۔ پربھویسوع اُواں ناں کہیو۔
19
۱۹۔پچھے پربھویسوع ٻاٹے تے ٻے مچھے لیے آُوے آکاش تے جویو۔ آݨ برکت ݙہنی ٻاٹیاں را ٹوٹا کر چیلاں ناں ݙھنا چیلاں آُوے ٻاٹے (امنت) منکھاں ناں ݙھنیے۔
20
۲۰۔ اُواں خاراں ٻاٹی کھادی آݨ ڈھاپ گیا آݨ ٻاٹی رے بچیوڑے ٹکراں خاں بارے ٹوکرا بھرج گیا۔
21
۲۱۔ جکاں ٻاٹی کھادی اُو لُوگائیاں آݨ ٻاݪاں خاں ٹاݪ پانچ ہزار منکھ ٻاٹی کھاؤݨ آݪا ہتا۔
22
۲۲۔ بیگو ہی اُوےچیلاں ناں ٻیݪی ماتھے چڑایا ائیے رے خاروں کے ٻیجوڑے پاخے جاوے، کہ اُوے منکھ جیتھے امت (بھیڑ) ناں باہیر کرے، جݙے اُوے جیتھے (بھیڑ) ناں باہیر کری۔
23
۲۳۔تو ہکھلوپراتھنا رے خاروں ٹکر(پہاڑ) تے گیو جݙے اںڈھے (شام) رو ٹائم ہویو تو اُو اتھے ہکھیلو ہی ہتو۔
24
۲۴۔ پݨ ٻیݪی اُوے گھڑی ڈھنڈ (جھیل) رے بیچ میں ہوتی آݨ ٻیݪی چھولیاں میں آئی کیانکہ اُو ہوا رے مُخالِف ہوتی۔
25
۲۵۔رات رے چوتھے پہار پربھویسوع سمندر رے پاݨی ماتھے بہتو اُواں کوڈھی آیو۔
26
۲۶۔ جݙےچیلاں پربھویسوع ناں پاݨی ماتھے بہتو ݙِٹھو، اُو ٻہیا را آݨ کہیو، اَے بھونت ہے،، آݨ ٻیح (ڈر)خاں رڑے کرݨ لاگا۔
27
۲۷۔ پربھویسوع جَھٹ میں اُوئاں ناں کہیو ہُوں ہاں ٻہیو نی،،۔
28
۲۸۔ پطرس پربھویسوع ناں بݪتی ݙھنی آݨ کہیو، اَے ایشور جے توں ہیں تو مناں حُکم ݙے تو ہوں پاݨی تے بیھ رو تیں کوڈھی آواں۔
29
۲۹۔پربھویسوع کہیو " آ " آݨ پطرس ٻیݪی خاں بہار آیو آݨ پوبھویسوع نی جاوݨ رے خاروں پاݨی تے بوہو۔
30
۳۰۔ پطرس جݙے ہَوا ݙٹھی تو ٻہیݨ لاگو آݨ جݙے ٻوݙݨ لاگو تو پربھویسوع ناں رڑکر کہیو، اَے ایشور مناں بچا۔
31
۳۱۔ پربھویسوع جَھٹ میں اُوے ناں جھالیو آݨ کہیو اَے گھٹ وشواس آݪا تیں شک کیا کیوّ۔
32
۳۲۔پچھے جݙے پطرس آݨ پربھویسوع ٻیݪی میں آیا تو ہوا بند ہوگی۔
33
۳۳۔ پچھے ٻیݪی میں ٻیٹھوڑاں چیلاں پربھویسوع ناں سجدو کیو آݨ کہیو، خچی میں تُوں ایشور رو ݙیکرو ہیں۔
34
۳۴۔پچھے اُو پار گنیسرت رے علاقے میں آیا۔
35
۳۵۔جݙے اُوتھے رے منکھاں پربھویسوع ناں اُوݪکھیو تو اُوئاں اُوے علاقے رے منکھاں ناں کھٻر ݙھنی، آݨ خاراں جکو بیمار ہتا پربھویسوع کوڈھی لے آیا۔
36
۳۶۔ اُوئاں پربھویسوع ناں منت کی کہ اگر اُو اُوے رے گابھاں ناں ہی ہاتھ لگاخے را تو بھی ٹھیک ہُو جاخے را۔ آݨ جتاں منکھاں اُوے ناں ہاتھ لگایو خارا بھلاں ہُویا۔