باب۱۳
1
۱۔اُوے ݙیھن پربھویسوع گھرخاں ٻاہرگیو ھاں سمندر رے نیݪیو جا ٻیٹھو۔
2
۲۔ ہیک موٹو ھُجوم یسوع رے ٻہاروں بھیݪوپچھے اُو ہیکی ٻیڑی میں جا ٻیٹھو جݙے خارا منکھ سمندر رے کنارے تے اُوبھیج گیا۔
3
۳۔ جݙے پربھویسوع گھݨے باتاں اُواں ناں مخالاں میں خوڑاوݨ لاگو۔ اُوے کہیو،جوؤ ہیک راہکی باؤݨ آݪو ٻیج باؤݨ لاگو۔
4
۴۔جݙے اُوے ٻیج بایو، کنیک بیج مارگ تے کھریو آݨ پکھیاں آئےاُوے ناں چوگ لیو۔
5
۵۔ کینک ٻیج پھتریلی زمین تے کھریو جیکاں ناں مٹی گھݨی نی میلی آݨ اُوبیگو اُگ گیو۔ مٹی گھݨی کونی ہوتی۔
6
۶۔ جݙے خورج نخیریو تو جݙ نئی ہوؤڑݨ رے کرے خڑگیو۔ آݨ خُک گیو۔
7
۷۔ کینک کنڈیراں آݪی دھرتی میں جا کھریو۔ کنڈیراں بدھیا آݨ اُواں ناں دٻا چھوڑیا۔
8
۸۔کینک ٻیج بھلی دھرتی ماتھے کھریو خُو، خاٹھ، آݨ تریخ بھانگا پھݪ لاگو۔
9
۹۔ جیکاں را کان ھے اُو خُݨ لے۔
10
۱۰۔ چیلاں آیا آݨ پربھویسوع ناں کہیو،کہ گرو جی تھیں منکھاں ناں مخالاں میں باتاں کیا کرئی؟
11
۱۱۔پربھو یسوع اُواں ناں جواب ݙھنو، تھاناں آکاش ری راجائی ری بھیداں ری خمجھ ݙنی گی ھے۔
12
۱۲۔ کیانکہ جکیے کوڈھی ھے اُواں ناں گھݨو ݙینو جاخے۔ پݨ جکیے کوڈھی کونی۔ اُوے خاں اُوھو بھی لینھوجاخے جکو اُواں کوڈھی ھے
13
۱۳۔ ائیے رے کرے ھوں ائیاں خاں ، مخالاں میں باتاں کرئیں، کیانکہ اُو خوݨتا ھوا حقیقت میں کونی خمجھتا۔
14
۱۴۔ اُؤاں رے بارے میں یسعیاہ سنت ری اِگ کھتی پوری ھوئی ھے۔ جکے میں لکھیوݪو ھے کہ خوݨتا ھوا تھیں خوݨخو پݨ خمجھ کونی خگھو۔ جوتا ھوا جوخو پݨ کونی جُو خگھو۔
15
15 کیانکہ ائیاں منکھاں رے من تے چرٻی چڑھݪی ری آݨ خݨ کونی خگھتا۔ آݨ اُواں آپرے آنکھیں بند کر ݙھنے رے کہ جُو نی خگھے۔ جاں آپرے کاناں خاں خوݨ نی خگھے، جاں آپرے من خاں خمجھ نی خگھے، کیانکہ اُو ایمان لاوے آݨ ھوں ائیاں ناں شفئا ݙاں۔ (بھلاں کراں)
16
۱۶۔ پݨ بھلو ھے آنکھیں تھارے جکو جؤئے ھاں تھارا کان خوݨئی
17
۱۷۔ کیانکہ ھوں تھاناں خچی کہیں پیو کے گھݨا سنتا آݨ بھلے منکھاں ناں خواش ھوتی کہ جکو تھیں جوئی پیا، پݨ اُو جؤئے پݨ نی ݙٹھا، آݨ جکو باتاں تھیں خݨیں پیا خݨیو پݨ نی خݨیے۔
18
۱۸۔ پچھے ہیک راہیک ری مخال خݨو جکو ٻیج باوتو ہتو۔
19
۱۹۔ جݙے کوئی ایشور ری راجائی رے بارے میں خوݨیئی آݨ اُوے ناں خمجھتو کونی تو سطان آوئی آݨ اُوے رے من میں جکو ٻیج اگوڑو ھوئی اُوھو چوری کر لے جاوئی اَے اُوھو ٻیج ھے جکو مارگ رے ماتھے بایوگیو ھتو۔
20
۲۰۔ ایئاں ھے جکو شٻدہ خوݨئیی آݨ بیگو اُوے ناں خوشی خاں قبول کرئی۔
21
۲۱۔ پݨ اُوے میں جڑکونی لاگوڑی ھوتی اَے رے کرے تھوڑی دیر تک قائم رھی جݙے شٻدہ ری وجہ خاں ڈُکھ آݨ تکلیفاں آوئی تو اُو قائم کونی رھتو۔ آݨ بیگو بھٹک جاوئی رو۔
22
۲۲۔جکو کنڈیراں میں ٻیج اُگایو گیو ھتو اے اُوے جکوشٻد خوݨیں پݨ جگت ری فکر مال آݨ دولت رو ݙکھ شٻد رو گݪو گھݨی رو آݨ اُو پھݪ کونی لاوتو۔
23
۲۳۔ جکو بلھی دھرتی تے اُگایو گیو ھتو اَے اُو ھے جکوشٻد خوݨئی آݨ خمجھی۔ اُو پھݪ لاوئی آݨ جݙے پک جاوئی اُو ٻیج کوئی خُو گوݨاں کوئی خاٹھ گھوݨاں کوئی تریخ گوݨاں
24
۲۴۔ یسوع ہیک ٻیجی مخال خوݨائی کہ ایشور ری راجائی اُوے ماݨخ آݪی کر ھے جکے آپ ری فخل میں بھݪو ٻیج اُگایو۔
25
۲۵۔ پݨ جکے گھڑی منکھ اُونگھ میں ہوتا اُواں رو دخمݨ آیو کݨک میں جھگلی ٻوٹی بھی اُگا گیو۔
26
۲۶۔ جݙے پان (پتیاں) نخریا، آݨ خٹا جھلیا تو جھنگی گھاوی ݙخیجو۔
27
۲۷۔ مالک را نوکر آیا اُوے ناں خٻر ݙھنی، مالک کی تیں دھرتی میں بھلو ٻیج کونی بایو؟ اے زمین میں کھارا ٻیج (کڑوا ٻیج) کݨہاں خاں آیا؟
28
۲۸۔ اُوے اُواں ناں کہیو، کہئں دخݨ ائیاں کریو ہے۔ نوکراں اُوے ناں کہیو کی تو چاویں کہ مھیں کھارو ٻیج اُوے میں خاں کاڈھاں را؟۔
29
۲۹۔دھرتی رے مالک کہیوناں، ائیاں نی ہوئے کہ تھیں کھارے ٻیجاں رے بھیݪی کݨک (گندم) وی پٹوری
30
۳۰۔ ائیاں ناں فخل ری باڈھی تک بدھݨ ݙو، فخل ری باڈھی آݪی بݪا باڈھݨ آݪاں نا کہیخ کہ پہلی کھارا ٻیج بھیݪا کرو آݨ اُواں ناں خاڑݨ رے خاروں ٻاندھو آݨ کݨک ناں مانجے گودام میں بھیݪی کرو۔
31
۳۱۔ پچھے پربھویسوع اُواں ناں ہیک ٻجی مخال خݨائی، اُوے کہیو، ایشور ری راجائی خریّم رے ٻیج جہڑی ہے جکے ناں منکھ لیوآݨ آپرے دھرتی میں با ݙھنو۔
32
۳۲۔بے شک اَے ٻیج ٻجے خاراں ٻیجاں خاں چھوٹو ہے پݨ جݙے اَے بدھئی رو تو باغ رے ٻیجاں چھوٹاں ٻݨاں خاں گھݨو موٹو ہوئی رو آݨ اَے ہیک بݨ بݨئ رو کہ پکھی ائیے رے ݙاݪیاں ماتھے رہے (ٻیخ) خَگھے۔
33
33 پچھےپربھویسوع اُواں ناں ہیک ٻیجی مخال خُݨائی، آکاش ری راجائی اُوے کھٹاݨ جہڑی ہے، جکے ناں ہیکی لُگائی لیو آݨ اُوے را تین ڈھک آٹے میں بچاڑ ݙِنا۔ جتی تائی اُو خارو آٹو گھٹونی بݨ گیو۔
34
۳۴۔ اَے خارے باتاں پربھویسوع گھݨاں منکھاں ناں (ٹوڑےخاں) مخالاں میں خݨا تو ہُتو۔ آݨ مخالاں خاں خوا اُواں ناں کہیے کونی کہتو ہُتو۔
35
۳۵۔ اَے اُو کجھ ہُتو، جکو سنت ری معرفت کہیو گیو ہُتو، اُوپُورو ہُوئے۔ جݙے اِئیے کہیو، ہُوں مخالاں میں آپرو مہاݙو کھولیخ۔ ھُوں اُو باتاں خݨائیخ جکو خنخار ری شروعات خاں ہی لکھیوڑے ہے۔
36
۳۶۔پچھے پربھویسوع جتھے ٹوݪے (بھیڑ) ناں چھوڑ رو گھر میں گیو اُوے را چیلا آیا آݨ کہیو، فخل رے کھارے ٻیج ری مخال مہاناں خمجھا۔
37
۳۷۔پربھویسوع اُواں ناں بݪتی میں کہیو جکو بھلو ٻیج باوی اُو( آدم زاد) آدم جایوہے۔
38
۳۸۔فخل دنیا (جگت) (کائنات) ہے بھلوٻیج ایشور ری راجائی را ݙیکرا ہے کھارو ٻیج برائی را ݙیکرا ہے۔
39
۳۹۔ بݪے دخمݨ بایا اُو شطان ہے بڈھائی (کٹائی) جگت (دنیا) رو آخر ہے۔ بݪے باڈھݨ آݪا فریشتہ ہے
40
۴۰۔ ائیے خارا کھرا ٻیج بھیݪا کیا جاوی بݪے باخݙے میں ناکھیا جاوی، ایو جگت رے آخر میں ہےخے۔
41
۴۱۔(آدم زاد) آدم جایو آپ رے فریشتاں ناں باہیر کرخے جکو اُوے ری راجائی مہناں خاں تھوݙھا کھاوݨ آݨ پاپاں آݪے چیزاں ناں بھیݪا کرخے۔
42
۴۲۔ اُو اُواں ناں باخݙے ری بھٹی میں گاتخے جتھے روّݨ آݨ ݙانتاں رو پیخݨو ہوخے۔
43
۴۳۔ آݨ خالکھ منکھ ایشور ری راجائی میں خرج آݪی کر چمکخے، جکے را کان ہووئے اُو خݨے۔
44
۴۴۔ ایشور ری راجائی پھخل میں لکیوڑے دھن (خزانہ) آݪی کر ہے۔ جکو ہیکےمنکھ ناں ڈھیو (میلو) آݨ اُوے اُوے ناں لُوکا ݙھنو ائیے خوشی میں جاوی اُو آݨ جکو کوئی اُوے کوڈھی ہووئی بیچ آݨ اُو پھخل مول (خرید) لے وی۔
45
۴۵۔پچھے ایشور ری راجائی ہیکے بپاری آݪی کر ہے جکو قیمتی موتیاں ری تلاش میں وی۔
46
۴۶۔ جݙے اُو قیمتی موتی اُوے ناں لابھئی را تو اُو جاوی آݨ آپ رو خاروکجھ بیچ رو اُوے ناں مول لے وی۔
47
۴۷۔ آݨ ایشور ری راجائی ہیک جاݪ آݪی کر ہے جکو سمندر میں ناکھیو گیو ہے
48
۴۸۔ آݨ جکو ہرقسم رے مچھیاں ناں بھݪے کرئیے جݙے اَے بھریجیو تو مھاݨا جاݪ ناں گیخل کندے تے لے آیا، آݨ پچھے ٻیخ را آݨ بھلے مچھیاں ناں ݙبا میں جمع کیئے آݨ بیکار مچھیاں ناں ناخئی رے۔
49
۴۹۔ آݨ ائیاں ہی جگت (دنیا) رے آخر میں تھیخے۔
50
۵۰۔ خالکھاں ناں شطاناں خاں دھار کرخے آݨ اُو اُواں ناں باخݙے ری ٻݪتی بھٹی میں گھاتخے۔ جتھے روؤݨ آݨ ݙانتاں رو پیخݨ ھوخے۔
51
۵۱۔ کی تھیں اَے خارے چیزاں خمجھ گیا ھو؟ چیلاں اُوے ناں کہیو، "جی ھاوے"
52
۵۲۔پچھے پربھویسوع اُواں ناں کہیو، ائیے رے خاروں ہر فہقیی جکو آکاش ری راجائی را چیلا تھیا ہے اُوے ماݨخ آݪی کر ہے جکو ہیک گھر رو مالک ہے آݨ آپرے دھن (خزانے) خاں بھلے آݨ خراٻ (گندے) چیزاں کاڈھئی۔
53
۵۳۔ پچھے اُو گھڑی آئی جݙے پربھویسوع اُواں ناں خارے مخالاں خݨاے تو اُو اُوے جگہ خاں گیو۔
54
۵۴۔پچھے پربھویسوع آپرے علاقے میں آیو آݨ منکھاں ناں اُواں رے بھگتی گھر مھیں (اندر) پرچا ݙھنا اَے رے بارے میں اُو اُوے خاں اِبرت میں پڑیا آݨ کہوݨ لاگا ائیے میں عقل آݨ پرچہ کیتھ خاں آیا۔
55
۵۵۔ کی اَے ڈرکھاݨ رو ݙیکرو کونی ہے کی اُوے ری ماں مریم کونی آݨ کی اَے را بھائی یعقوب،یوسف، شمعون آݨ یہودہ کونی۔
56
۵۶۔ آݨ کی ائیے رے ٻہناں اُو خارا منکھ مھارے بیچ میں کونی، پچھے اَے خارو کجھ اِئیے میں کہݨاں خاں آیو۔
57
۵۷۔ اُو اِئیے رے کارݨ اُو تھوڑاں کارݨ (بحث) بݨیو پݨ پربھیسوع اُواں ناں کہیو ہیک سنت آپرے ݙیخ (وطن) آݨ گھر رے علاوہ کتھ بے عزت کونی ھوتو۔
58
۵۸۔آݨ اُوے اُواں ری بے یقنی رے کارݨ اُتھے گھݨاں پرچہ کونی کریا۔