باب۱۲
1
۱۔اُوے گھڑی ی پربھویسوع پویتر ݙینھن رو پھخل میں تھی رو لنگھیو۔ اُوے را چیلا ناں بوکھ لاگی، آݨ اُواں خٹا پٹ را کھاوݨ لاگا۔
2
۲۔ پݨ جݙے فریسیاں ائیاں ناں ݙیٹھو، اُواں پربھویسوع ناں کہیو، جو تاجا چیلا اُو کی کرئی پیا۔ جکو پویتر ݙینھن رو کرݨ ٹھیک کونی۔
3
۳۔ پݨ پربھویسوع اُواں ناں کہیو، کی تھاں کونی پڑھیو داؤد سنت کی کریو جݙے اُو آݨ اُوے بھݪا ماݨخ بُکھیا ھتا؟
4
۴۔ کی کراُو ایشور رے گھر میں گیو، ھاں منت ری ٻاٹے کھادھے، جکو اُوے ناں ٹھیک کونی ھتو، آݨ اُوے ماݨخاں ناں بھی جکو اُوے بھݪا ھتا، جکو چھڑو کاہناں ناں جائیز ھتی۔
5
۵۔ کی تھاں دھرم (شریعت) میں کونی پڑھیو کہ پویتر ݙنیھن اُو کاہن پویتر ݙنیھن ری بے عزتی کرئیں ۔آݨ بے قخور رھئی؟ٍ
6
۶۔پر ہوں تھاناں کہیں کہ اِتھے اُو ہے جکو ایشور رے گھر خاں بھی موٹو ہے۔
7
۷۔پرجیکݙھن تھیں اوݪکھنت کہ ایئرو مطلب کی ہے، ھوں کرپا (دیا) پسند کرئیں چڑھاوؤ(منتاں) کونی، تو پچھے بے قخور ناں قخوروارکونی کہنت۔
8
۸۔ کیانکہ پربھویسوع پویتر ݙنیھن رو بھی مالک ہے۔
9
۹۔ پچھے پربھویسوع اُوتھ خاں گیوتو رو۔ آݨ اُو اُواں رے بھگتی کرݨ آݪی جگھاواں تے گیو۔
10
۱۰۔ جوؤ اُتھے ہیک ماݨخ ھتو جیکرو ہیک ہاتھ خوکوڑو ھتو۔فریسیاں پربھویسوع خاں پوچھیو، کی پویترݙنھن رو بھلو کرݨ دھرم رے مطابق ہے؟ ائیے رے خاروں کہ اُو اُوے تے پاپ کرݨ رو ݙوہ ھݨ (لگا) خگھے۔
11
۱۱۔ پربھویسوع اُواں ناں کہیو، تھاں میں اھڑو کہیو ھے جکے کوڈھیاں ہیک رڈھ وہے آݨ او کھݙے میں کھرے ری کی اُوے ناں کھݙے خاں کونی کاڈھے؟
12
۱۲۔ تو ماݨخ رو شان (قدر) اُوے رڈھ خں کتری گھݨی ہے! ائیے رے خاروں بھلائی کرݨ جائیز ہے۔
13
۱۳۔ پچھے پربھویسوع اُوے ماݨخ ناں کہیو، آپرو ہاتھ کھولً اُوے کھولو آݨ اُو خفا ٻجڑے ہاتھ آݪی کر ٹھیک تھی گیو۔
14
۱۴۔ پچھے فریسی ٻاہر گیا آݨ یسوع تے ناحق باتاں ٹھاہے، اُو مارگ لابھتا پیا کی کر اُوے ناں موت تک پُجایوجاوے۔
15
۱۵۔جݙے پربھویسوع ناں اَے کھٻر پڑی، اُو اُوتھ خاں گیوتورو۔ گھݨاں ماݨخ اُوے رے لاریوں گیا آݨ اُوے اُواں ناں بھلاں کریا۔
16
۱۶۔اُوے اُواں ناں کہیو، ائیے بارے میں ٻجاں ناں نی کہیا۔
17
۱۷۔ ائیے رے خاروں کہ جکو سنت یسعیاہ کہیو ھتو اُو خچ ثابت تھیں۔
18
18۔ جوؤ مانجو نوکر جکے ناں میں چݨیو ھاں مانجے پیاورہے جکے خاں مانجو من راضی ہے، ھوں آپری آتماں اُوے میں گھاتیخ۔ آݨ اُو بنا وسواس منخاں میں انخافب رو اعلان کرخے۔
19
۱۹۔ اُونی جسم رو زور لگاوے آݨ نی اؤنچے رڑے کرے، آݨ نی ھی اُوے ری آواز مارگاں تے خݨی جاخے۔
20
۲۰۔اُو پھخیوڑاں سرکنڈاں ناں کونی توڑے، اُو دونھہ اُوٹھتا سَن ناں کونی ٻہجھاوے۔ جتی تائیں اُوے انصاف ری جیت نی وئے۔
21
۲۱۔ آݨ غیروسواسی اُوے رے ناں تے بھروخو راکھخے۔
22
۲۲۔ پچھے ہیک اندھو گونگو بھونت میں پھاتھوڑو پربھویسوع کوڈھی لایو گیو، پربھویسوع اُوے ناں بھلاں کریو۔ ائیے رے کارݨ میں اُو گونگو ٻولݨ لاگو۔
23
۲۳۔ خاری عوامً آݨ گُݨ میں پڑیً آݨ کہیو کی اَے ماݨخ داؤد رو ݙیکرو ھے؟
24
۲۴۔جݙے فریسیاں ائیے پرچے رے بارے میں خݨیو، اُواں کہیو کہ اَے منکھ بھونتاں رے راجہ بعلزبول خاں ٹاݪ کونی کاڈھ خگتو۔
25
۲۵۔ پݨ پربھویسوع اُواں ناں کہیو،ہرراجائی جکے میں پھوٹ پڑئی ری برباد کی جاخے۔
26
۲۶۔جے شطان ہی شطان ناں کاڈھے رو تو اُو خود ہی بھج جاخے، تے اُوے ری باچھائی کیکر قائم رہے خے۔
27
۲۷۔ جے ہوں بعلزبول ری مدد خاں بھنت کاڈھئی ویو جکو تاجے منݨ آݪاں ائیاں ناں کیکر کاڈھئی ویا۔ ائیے رے وجہ خاں اُو ہی تھارا گواہ ہو خے۔
28
۲۸۔ پݨ جے ایشور ری باچھائی تھاں رے آخے۔ آئی ری۔
29
۲۹۔آݨ کیکرکوئی طاقتور منکھ گھر میں بڑ رو تے ، اُوے ناں ٻاندھے بنا اُوے رے چیزاں ری چوری کر سگھتا۔ جݙے ہی اُوے رے گھر خاں چیزاں چوری کر خگھیں۔
30
۳۰۔ جکو میں بھیݪو کونی مانجو دخمݨ ھے، رے جکو میں بھیݪو جمع کونی کرتو اُو کھنڈارئی۔ (بکھری را)
31
۳۱۔ اعیے رے خاروں ہوں تھاں خاں اَے کہیئں منکھاں رو ہر پاپ تے کوڑ معاف کیا جاخے پݨ پویتر آتماں رے بر خلاف کوڑ کہڑو وی ہوخے معاف کونی کیو جاوے۔
32
۳۲۔ آݨ پربھویسوع رے خلاف کنیک کہے اُوے ناں معاف کیوجاخے۔ پݨ جکو پویترآتماں رے خلاف کنیک کہخے اُوے ناں معاف کیو جاوے۔ نی تو ائیے خنخار میں تے نی ہی اُوے خنخار میں جکو آوݨ آݪوھے۔
33
۳۳۔ ٹاوکوبݨ ٹاوکوپھݪ پیدا کرئیں آݨ گندو بݨ گندوپھݪ ݙائی، کیانکہ بݨ آپ رے پھݪ خاں اُوݪکھیو جاویں۔
34
۳۴۔اے بانخنیگ را ٻاڑاں تھیں گندہ ہورا ٹاوکے باتاں کیکر کہیے خگیں ویا۔ جکودل میں ہوی، اُوہی مانݙے خاں نخریں۔
35
۳۵۔ بھلو منکھ آپ رے دل ری بھلی دھرتی خاں بھلےچیزاں کاڈھی تے گندو منکھ آپ رے دل ری بری دھرتی خاں گندے چیزاں۔
36
۳۶۔پݨ ہوں تھاں خاں کہیئں پیو کہ عدالت رے ݙن ہر کہئ ناں آپ رے برے باتاں رو حخاب چھوڑوݨو پڑخے۔
37
۳۷۔ آݨ تھیں آپ رے باتاں خاں اُوݪکھیا جاؤخو۔ تے آپ ہی باتاں رے وخیلے خاں ناکھیا جاؤخو۔
38
۳۸۔ پچھے کنیک فقیاں تے فریسیاں پربھویسوع ناں جواب ݙنہو۔ مھیں تیں خاں کوئی نخاں جوؤݨ چاویں۔
39
۳۹۔پݨ پربھو یسوع جواب ݙنو تے کہیو۔ ہیک گندی تے زناکرݨ آݪی قوم نخاں مانگی۔ پݨ یوناہ سنت رے خوا کوئی نخان کونی ݙھنوجاوے۔
40
۴۰۔جیکر یوناہ تین ݙھن تے ےین راتے موٹی مچھی رے پیٹ میں رہیو ائیاں ہی پربھویسوع بھی تین ݙھن تین راتے دھرتی رے بہتریا رے خے۔
41
41 ۔عدالت رے ڈھن نینوہ را منکھ ائیے نخل رے منکھاں رے بھیݪا اُوبھجخے۔ آݨ اُواں ناں ݙوہاری نݨا خے۔ کیانکہ اُواں یوناہ رے پرچار تے توبہ کی تے جووہ یوناہ خاں بدھیک بھی اُتھے ھیک
42
42۔ ݙکھݨ ری رائی عدالت رے رواج ائیے نخل رے منکھاں رے بھیݪی ابھی آݨ ائیاں ناں ݙوہاری بݨاخے اُو دھرتی ری کونڈ خاں خوڑݨ رے خاروں آئی۔ آݨ اُوے سلمان رے عدل رے بارے میں خڑیو تے جووہ جکو اُتھے سلمان خاں بھی موٹو ھے۔
43
۴۳۔ جݙے ہیک ناپاک آتماں اُوے منکھ خاں نِکل ری پرھی گی آݨ خوکی جگاواں خاں لنگھہ کہ اُنگ کرے پݨ اُونگ کونی کرخگھی۔
44
۴۴۔جݙے اُو کہتی کہ ہوں آپ رے گھرے پاچھی جائیخ ، جُتھوں ہوں آئی ہاں۔ پاچھی آری اُوے گھر ناں صاف خوتھروپاوئیی۔
45
۴۵۔ پچھے اُو جاوی آݨ آپ رے بھیݪے خات ناپاک آتماں ٻجے لے آوی جکو ائیے خاں بھی گھݨی کندے آتماں ہووے آݨ اُو خارے آوی کہ اُتھے رہے اُوے منکھ ری حالت پہلی خاں بھی گھݨی خراٻ بݨاوی ری۔ ائیے گندی عوام خاں بھی ائیاں ہی کیو جاخے۔
46
۴۶۔ جݙے پربھویسوع کہنئں منکھاں کاں باتاں کرتوؤہ تو جوؤ ہیک منکھ آرو پربھویسوع ناں کہیو کہ تاجی ماتا آݨ بھائی ٻاہرابھا جووی وا کہ اُوے خاں باتاں کرے۔
47
۴۷۔کئیں اُوے ناں آرو کہیو، کہ تاجی ماتا آݨ بھائی ٻاہرابھا ہے آݨ تئیں خاں باتاں کرݨ چاویں۔
48
۴۸۔ پݨ پربھویسوع جواب میں اُواں ناں کہیو، کُݨ ہے مانجی ماتا؟ کُݨ ہے مانجو بھائی؟
49
۴۹۔پچھے پربھویسوع آپرے چیلاں نی ہاتھ بدھا رو کہیو، کہ جوؤ،، اَے مانجا ماتا آݨ اَے ہی مانجا بھائی۔
50
۵۰۔ کیانکہ جکو کوئی مانجے پتا ری مرضی ناں پورو کرئی جکو آکاش تے ہے اُؤ ہی منکھ مانجو بھائی آݨ ٻہن آݨ ماتا ہےً۔