باب۱۱
1
۱۔ تے ائیاں تھیو کہ جݙے پربھویسوع آپ رے ٻاراں چیلاں ناں خمجھا چیکو۔ پچھے اُو اتھ خاں ٻجے شہراں میں بھگتی ری پرچار کرݨ رے خروں بہو۔
2
۲۔ھہڑآں یوحنا جݙے قید کانے میں مسیح رے پرچاں رے بارے میں میں خݨیو، تو اُوے آپ رے چیلاں رے ہاتھ خاں ہیک خنݙے خو بہیر کیو۔
3
۳۔ آݨ اُوے ناں کہیو، کی توں ہی ہیں جکو آؤݨ آݪو ہوتو۔ یا مھیں کہئی ٻیجے رو مارگ جوواں ۔
4
۴۔ پربھویسوع اُواں ناں بڑتی ݙھنی تے کہیو، جاؤ آݨ یوحنا ناں خٻر ݙو، جکو تھیں جووی تے خݨوڑیں پیا۔
5
۵۔اندھا جووی پیا، لولاھا بہئی واہ، کوڑھی بھلاں کیا جاوی، ٻوڑا منکھ کاںاں خاں خوݨی پیا، مؤوڑا جیوتا کیا جاوی، آݨ لوڑ آڑاں رے لوڑاں پورے کیے جاؤی۔
6
۶۔تے دھن اُو ھے جکو منجے کارݨ خاں تھوڑو نی کھاوے۔
7
۷۔ جݙے اے منکھ آپ رے مارگ خاں بیوا جاتا، تو پربھویسوع یوحنا ری عام ناں کہݨ لاگو، تھیں بر (بیابان) میں کی جووؐ گیاتا۔ کی ہوا خاں ہلتوڑا کنڈیراں ناں۔
8
۸۔پݨ تھیں کی جووݨ گیاتا، ہیک منکھ بھلے خاں بھلا گابھا پہریوڑا؟ خچیلی جکو منکھ بھلے خاں بھلا گابھا پہرھی اُو باچھاواں رے محل میں رھی۔
9
۹۔ پݨ تھیں کی جووݨ گیاتا، کی ہیک سنت نہ؟ ہاں، ہوں تھاں خاں کہئی پیو، ہیک سنت خاں بھی وھدیک۔
10
۱۰۔ اے اُوے اُو ہی ہے جکے رے بارے میں لکھوڑو ہے جوؤ تھارے خاروں ہوں ہیک سنت بہیر کرئیں پیو۔ تھارے خاروں مارگ بݨاوخے۔
11
۱۱۔ ہوں تھاںاں خاں خچی کہیں پیو، جترا بھی لُوگائی خاں جنم لیواُواں میں خاں کوئٰی بھی ایڑو کونی جکو یوحنا پویترخنان ݙیؤݨ آݪے خاں ودیک ہووئے۔ پݨ آکاش ری راجائی میں جکو خاداں خاں چھوٹو ہے اُو موٹو کیو جاخے۔
12
۱۲۔ آݨ یوحنا پویترخنان ݙوؤݨ آݪے رے ݙھنیاں خاں انجاں تائی آکاش ری باچھائی تے بڑاند ہُوتی ری، ٻڑھاند کرݨ آݪاں منکھاں ݙاڈھائی خاں اُوے ری جگہ لاݨ لاگا۔
13
۱۳۔خارے سنتاں تے دھرمیاں ری یوحنا کودھی آگاہی (گواہی) (نبوت) ہوتی ری۔
14
۱۴۔آݨ تھیں چاویں تے من لو، ایلیاہ جکو آؤݨ آݪو ہوتو اُو اے ھی ہے ۔
15
۱۵۔ جکے را خوڑئݨ آݪا کان ہوے اُو خݨ لے وئے۔
16
۱۶۔ پݨ ہوں اُوے نخل ری توڑگوڑ کے خاں کراں؟ کی اے چھوکراں (ٻاڑاں) آݪی کرہے جکو گٹیاں میں ٻہٹھوڑا ہیکے ٻیجے خاں باتاں کرئیں۔
17
۱۷۔ آݨ کہئی پیا مھاں تھارے خاروں باخلی بجائی تے تھیں ناچیا کونی مھاں ماتم کیو تے تھاں رونا کونی۔
18
۱۸۔ کیانکہ یوحنا ٻاٹی کھاوݨ تے مے پیݨ کونی آیو، تے اُواں کہیو ائیے میں بھونت ہے۔
19
۱۹۔ پربھویسوع کھاوݨ آݨ پیݨ آݪاں میں ہے۔ آݨ اُوے کہئں کہ اُو کھاؤ تے سرابی ہے۔ چونگی لاݨ آݪاں تے پاپیاں رو ساتھی آݨ اُوے رے کاماں خاں حکمت جوئی جاویں۔
20
۲۰۔پچھے اُو اُواں شہراں تے ارمان کرݨ لاگو۔ جتھے اُوے موٹا پرچا کیا تا۔ کیانکہ اُوان توبہ کونی کئی۔
21
۲۱۔اَے خُرازِؔین تئیں تے افسوس (ارمان) اَے بَیت صَیدا! تیئں تے افسوس، جیکݙے اَے موٹا کام سدوم تے عمورہ میں کیا جاونیت تو اُو گھݨی دیر پہلی ماتھے میں راکھ گات ری توبہ کر لیونت۔
22
۲۲۔ آݨ پنچائت آݪے ݙنھی تئیں آݪی کر سدوم آݨ عمورہ گھݨو برداست رے قابل ہتا۔
23
۲۳۔اَے کفرنحوم کی توں سوچئیں کہ آکاش تائیں اُونچا کیا جاؤنت؟ نہ کیانکہ توں نوݪ جاؤنت؟ جیکݙے سدوم میں اَے موٹا کام ہوؤنت تو اُو آج تائیں اُوے قائم رانت۔
24
۲۴۔ پݨ ہوں تھاں خاں کہیں پیو، کہ پنچانت رے ݙھنی سدوم رو مُکھ تھارے مقابلے میں گھݨی آسانی پاونت۔
25
۲۵۔ اُوے گھڑی پربھو یسوع بڑتی ݙنی آݨ کہیو،ہوں تاجی بݙئی کرئیں پیو۔ (اَے پتا) آکاش تے دھرتی را ایسور کیانکہ تئیں اَے چیزاں عقل مند تے خمنجھداراں تے ظاہر کونی کیے۔ بلکہ اُواں تے ظاہر کیے جکو ٻاڑاں آݪی کراݨ خمنجھ تا کونی ہوتا۔
26
۲۶۔ہاں اَے پتا اَے تاجی نظر میں کیترو بھلو ہوتو۔
27
۲۷۔ منجے پتا ری ظرف خاں خارو کجھ میجے حوالے کیو گیو۔ تے کوئی بھی ݙیکرے ناں کونی اُوݪکھتو سوا ݙیکرے رے تے اُو اُوے تے جکیتے ݙیکرو اُوے ناں ظاہر کرݨ چاوہے۔
28
۲۸۔ اَے بھار خاں ٻوڈوڑا تھکاماندہ منکھاں خارا میں کنی آؤ، ہوں تھاناں آرام (خوکھ) ݙیخ۔
29
۲۹۔ مانجو بھار (جُؤا) اُوکھݨو تے میں خاں خوکھ لو، کیانکہ ہوں نماڑو تے دل رو مسکیں ہاں تے تھارے جاناں سکھتی پاخے
30
۳۰۔ مانجوبھار ہڑکو تے ، وچن کاؤݨیو ہے۔