باب ۱
1
۱۔یسُوع مسیح اِبنِ داؤؔد اِبنِ ابرؔہام ری پوتھی۔
2
۲۔ ابرؔہام خاں اضحاؔق پیدا تھیو آݨ اضحاؔق خاں یعقُوب پیدا ھویو آݨ یعقُوب خاں یہودؔا آݨ اُوے را بھائی ھویا۔
3
۳۔ یہوؔدا خاں فارؔص آݨ زارؔح تمؔر خاں پیدا ھویو۔ فارؔص خاں حصروؔن پیدا ھویو آݨ حصروؔن خاں راؔم پیدا ھویو۔
4
۴۔آݨ راؔم خاں عمّیندابؔ پیدا ھویو آݨ عمّیندابؔ خاں نحسون پیدا ھویو آݨ نحسون خاں سلمونؔ پیدا ھویو۔
5
۵۔ آݨ سلموؔن خاں بوعزرابؔ خاں پیدا ھویو آݨ بوعزؔ خاں عوبیدؔرُوت خاں پیدا ھویو آݨ عوبید خاں یسّؔی پیدا ھویو۔
6
۶۔ آݨ یسّؔی خاں داؤؔد بادشاہ پیدا ھویو۔ آݨ داؤؔد خاں سلیمؔان اُوے لوگائی خاں پیدا ھویو جکوپہلی اُوؔرِیّاہ ری لوگائی ھوتی۔
7
۷۔ آݨ سلیمؔان خاں رحُبعؔام پیدا ھویو آݨ رحُبعؔام خاں اِبیّاؔہ پیدا ھویو آݨ اِبیّاؔہ خاں آسؔا پیدا ھویو۔
8
۸۔آݨ آسؔا خاں یہوسفؔط پیدا ھویو آݨ یہوسفؔط خاں یُورؔام پیدا ھویو آݨ یُورؔام خاں عُزِّیاہ پیدا ھویو۔
9
۹۔ آݨ عُزِیّاؔہ خاں یُوتؔام پیدا ھویوآݨ یُوتؔام خاں آخؔز پیدا ھویو آݨ آخؔز خاں حِزقِؔیاہ پیدا ھویو۔
10
۱۰۔ آݨ حِزقِیؔاہ خاں مُنسؔی پیدا ھویو آݨ مُنسؔی خاں امُوؔن پَیدا ھویو آݨ امُوؔن خاں یُوسیاؔہ پَیدا ھویو۔
11
۱۱۔ آݨ گرفتار ھورو بابؔل جاوݨ رے زمانے میں یُوسیاؔہ خاں یکوُنؔیاہ آݨ اُوے را بھائی پَیدا ھویا۔
12
۱۲۔ آݨ گرفتار ھو را بابؔل جاوݨ خاں بعد یکوُنؔیاہ خاں سیالتؔی ایل پَیدا ھویو آݨ سیالتؔی ایل خاں زَرُبّابُلؔ پَیدا ھویو۔
13
۱۳۔ آݨ زَرُبّابُلؔ خاں اَبِہُوؔد پَیدا ھویو آݨ اَبِہُوؔد خاں اِلیؔاقِیم پَیدا ھویو آݨ اِلیؔاقِیم خاں عازوؔر پَیدا ھویو۔
14
۱۴۔ آݨ عازوؔر خاں صدؔوق پَیدا ھویو آݨ صدؔوق خاں اخیؔم پَیدا ھویو آݨ اخیؔم خاں الیِہُود پَیدا ھویو۔
15
۱۵۔ آݨ الیِہُود خاں الیعؔزر پَیدا ھویو آݨ الیعؔزر خاں متُاؔن پَیدا ھویو آݨ متُاؔن خاں یعقوبؔ پَیدا ھویو۔
16
۱۶۔ آݨ یعقوبؔ خاں یُوسفؔ پیدا ھویو۔ اِے اُوے مریم رو دھݨی ھتو جکے خاں پربھویسوع پَیدا ھویو جکو مسیح کہڑاوئی ہے۔
17
۱۷۔ خارے پہیڑے (پُشتاں) ابرؔہام خاں داؤؔد تک چوݙھے (14) پہیڑے ہووئے آݨ داؤؔد خاں لے رو گرفتار ھورا بابُلؔ جاوݨ تک چوݙھے (14) پہیڑے ہووئے۔
18
۱۸۔ہمیں یسوع مسیح رو جنم ائیاں ہویو کہ جݙے اُوے ری ماں مرؔیم ری منگݨی یُوسفؔ خاں تھی گی تو اُواں رے بھیݪو ہووݨ خاں پہلی اُو پویترآتما ری قدرت خاں گربوتی ہوگی۔
19
۱۹۔ جݙے اُوے رو دھݨی یُوسفؔ جکو راستباز ھتو آݨ اُوے ناں بدنام کرݨ کونی چاھتوھتو اُوے اُوے ناں چپکے خاں چھوڑ ݙیوݨ رو اِرادو کیو۔
20
۲۰۔اُو ائیے باتاں ناں خوچتو ہی پیو کہ ایشور رو فرشتو اُوے رے خپنیے میں آرو کہیو اَے یُوسفؔ اِبنِ داؤؔد! آپ ری لُوگائی مرؔیم ناں تیں کوڈھی لے آوݨ خاں نی بہی کیاں کے جکو اُوے رے پیٹ میں ہے اُو پویترآتما ری قدرت خاں ہے۔
21
۲۱۔ اُو رو ݙیکرو تھیخے آݨ توں اُوے رو ناں یِسُوؔع راکھے کیاں کے اُو ہی آپ رے منکھاں ناں اُواں رے پاپاں خاں مگتی ݙیخے۔
22
۲۲۔اِے خارو کجھ اِے رے خاروں ہویو کہ ایشور جکو سنت ری طرف خاں کہیو تو اُو پورو ہووے کہ۔
23
۲۳۔ جووہ ہیک کنواری گربوتی ہوخے آݨ ݙیکرو جݨخے آݨ اُوے رو ناں عِمانُواؔیل راکھخے جکے رو مطلب ہے ایشور مھاں بھیݪو ہے۔
24
۲۴۔جݙھے یُوسفؔ اُونگ خاں اُوٹھی رو اُواں ہی کیو جیکر ایشور رے فرشتے اُوے ناں حُکم ݙھنو تو آݨ آپ ری لُوگائی ناں آپ کوڈھی لے آیو۔
25
۲۵۔ آݨ اُوے ناں نی جاݨیو جتی تک اُوے رو ݙیکرو نی تھیو آݨ اُوے رو ناں یسوع راکھیو۔