1
۱۔آن ہمیں اِے کاہناں تھانرے پگاں رِے حکم ہے۔
2
۲۔فرجاں او ایِشور رے کہی کہ جیکڈھن تھاں نی خٹیو آن مانجے ناں رِی بڑائی ناں خوچ میں نی راکھخو تو ہوں تھاناں آن تھانرے نعمتاں ناں لَعنتی کر ڈئیخ بلکہ اَیئے رِے پگاں کہ تھاں اوُواں ناں خوچ میں کونی راکھیو۔ہوں لَعنتی کر چھوڑیئے آن۔
3
۳۔ جووو ہوں تھانرے ٻانھیں بیکاکر چھوڑیخ رِے آن تھانرے مہانڑے تے گندگی یعنی تھانراں چڑھاوا رِی گندگی ناکھیخ آن تھاں اوُوے بھیڑا ناخیا جاخو۔
4
۴۔آن تھیں اوڑکھخو را کہ میں تھاناں اِے حکم اِیئے رِے پگاں ڈنھو ہے کہ مانجو واعدو لاویاں بھیڑو ہمیشہ رہے۔فوجاں رُو ایِشور کہی پیو۔
5
۵۔ اِیئے بھیڑو مانجو عہد زندگی آن خلامتی رو خاتھ آن میں اوُوے زندگی آن خلامتی اِیئے رِے پگاں ڈتھی کہ او ٻیھوتا رہے۔کیانکے او میں خاں ٻیھا آن مانجے ناں رِے خارو طرختا رھیا۔
6
۶۔خچائی رِی شریعت اوُوے رِے مانھڑے میں ھتی۔آن اوُوے رِے چچا ماتھے ناراستی کونی ھتی۔او مانجے خعور خلامتی آن خچائی خاں بھیوتو رھیو۔آن او گھٹا ناں بچھڑائی رِے مارگ خاں پاچھولے آیو۔
7
۷۔کیانکے ضروری ہے کہ کاہن را چپ معرفت ناں کاٻو راکھے۔آن منکھ اوُوے رِے مانھڑے خاں شریعت را مسلا پوچھے۔کیانکے او فوجاں آݪے رِے رَسول ہے۔
8
۸۔پر تھاں مارگ خاں پھر گیا۔تھاں شریعت میں گھٹارِے خارو ٹھوکر رو باعث بڹ یا۔تھاں لاوی رِے وعدے ناں خراب کریو۔فوجاں رو ایِشور کہی پیو۔
9
۹۔پڹ میں تھاناں خجاں منِکھاں رِی نظر میں ذلیل آن گندو کریو کیانکے تھیئں مانجے مارگاں ماتھے کونی بوھا بلکہ تھاں شریعت رِے معاملا میں طرفداری کی۔
10
۱۰۔ کی مہاں خجارو ھیک ٻاپ کونی
کی ھیک ایِشور خجاں ناں پیدا کونی کریا۔پچھے کیاں مھیں آپرے بھائیاں خاں بےوفائی کر رِی آپرے ٻاپ ڈاڈا رِے وعدے رِی بےعزتی کریئں۔
11
۱۱۔یہوداہ بیوفائی کری۔اَسرایئل آن یروشیلم میں حرام کام ھتو۔یہوداہ ایِشور رِی پویترائی ناں جکو اوُوے ناں عزیز ھتی۔بے حرمت کریو۔آن ھیک عیزمزہب رِی ڈکری خاں بیھا کر رو لایو۔
12
۱۲۔ایِشور ایاں کرڹ آݪا خاں جیوتو آن جواب ڈیوڹ آݪے ناں آنےفوجاں رِے ایِشور رِے حضور قربانی ڈیڹ آݪا یعقوب رِے خیماں خاں کاڈھ چھوڑخے را۔
13
۱۳۔ پچھے تھانرے اَعمال رِے وجہ خاں ایِشور پرمیشور رِے مزہج ماتھے ماتم آن آنحوواں رِی وجہ خاں نی او تھانرے دان ناں جووے آن نی تھانرے ہاتھ ری نزد ناں خوشی خاں قعبول کرخے۔
14
۱۴۔ تو وی تھیئں کہوئی کہ وجہ کو ہے ۔وجہ اِے ہے کہ ایِشور پرمیشور تاجے آن تاجی جوانی رِی ُلگائی رِے بچ میں گواہ ہے تھیئں اوُوے خاں بیوفائی کو ہے۔جکیہ ھن او تاجی خنکتیائی آن تاجی نکاح آݪی لگائی ہے۔
15
۱۵۔آن کی اوُوے ھیک ئی ناں پیدا کونی کریو جڈے کے اوُوے کناں ٻجے وی روخاں ھتے پیئے۔پچھے کیاں ھیک ئی ناں پیدا کریو اِیئے رِے پگاں کہ ایِشور خاں ٻیھوڹ آݪی نخل پیدا تھیئے۔پڹ تھیئں آپری نفس خاں ہوشیار رھو۔آن کوئی آپری جوانی رِی لگائی خاں بےوفائی نی کرے۔
16
۱۶۔کیانکے ایشِور پرمیشور اَسرائیل رو ایِشور فرماوئے کہ ہوں طلاق خاں بیزار ہاں آن اوُوے خاں وی جکو آپری لگائی ماتھے ظلم کریئے۔فوجاں رو ایِشور کہی پیو۔
اِیئے رِے پگاں تھیئں آپرے لفنں خاں ہوشیار رہو تاکہ بےوفائی نی کرو۔
17
۱۷۔ تھاں آپرے باتاں خاں ایِشور پرمیشور ناں بیزار کر چھوڑیو رو تو وی تھیئں کہوئی کہ کہی بات میں مہاں اوُوے ناں بیزار کریو ہے۔اھڑی طرح کہوئی کہ ہر منکھ جکو بچھڑائی کریئے ایِشور پرمیشور رِی نظر میں نیک ہے۔آن او اوُوے خاں راضی ہے۔آن اِے انصاف رو ایِشور کتھے ہے۔