1
۱۔ اِن او ہفتے رے پہلکے ݙن خاکلو رِی خوُشبودار چیزاں جکاں نا لدے تیار کےی ہوتی قبر تے لے آتی۔
2
۲۔ان اوُاں پتھر نا قبر چاں پیرا تھییوڑو جویو۔
3
۳۔ان اُواں مہینا ایِشور یَسوع ری لاش نا کونی ڈیٹھو۔
4
۴۔ اَن ائیَاں ہویو کہ جݙے او حیران ہوتیں تو اوُاں ٻے منِکھاں نا ڈٹو جکاں را گہابھا چٹا پیریوڑا ہتا۔
5
۵۔جݙے او بس گیے ان اپروماتھو دھرتی تے جھکایو تو اوُاں ائیا نا کہیو کہ تھیں زندہ نا مردا میں کیاں جووں۔
6
۶۔ او ایتھ کونی پڹجی اٹھیو رو یاد کرو جݙے او ہنسور گلیل میں ہوتو تو اوُے تھاناں کی کہیو تو۔
7
۷۔اِے ضرور ہے کہ ابن آدم پاپیاں رِے ہاتھ میں جھلیجے خے۔ ان ماریو جاخے ان تین ڈن بعد جی اٹھخے۔
8
۸۔ جݙے اوُے اِے باتاں اوُے ناں یاد کرائے۔
9
۹۔اِن قبر خاں پاچھو آتے اوُاں گپارہ ان باقی خارا ناں ایے باتاں رِی خبر خڹائی۔
10
۱۰۔ایہو مریم مخدلینی ان حنہ ان یعقوب ری ماں مریم ہوتیں ان باقی لوگائی جکو اوُے رِے بھیݪے ہوتے اوُاں وی اَیئے باتاٻ خاراں نا کہیو۔
11
۱۱۔ پن اَے باتاں اوُاں نا کہئی آݪی گزاواگی۔ ان اوُاں ائیے رو یقین نی کرلو۔
12
۱۲۔پچھے پطرس اُٹھ تے قبر رِے باخے بچھو ان ٻیٹھو تھی تے کفن نا جویو ان ائیے واقع نا جو رو اپرے من میں خوچن لاگو ان بھو گیو۔
13
۱۳۔ ان جوو اوے ݙن اواُں میں خا ٻے عموآس ناں لیبک گاں آݪے پاخے جاونا وا جکو یرَوشیلم خاں ساتھ ضپل الگو ہو تو۔
14
۱۴۔ان ایئے خارِے باتاں رِے بارو جکو ظاہر ہوتے تھے آپس میں باتاں کرنا جاوتا۔
15
۱۵۔ اَن ائیاں ہویو کہ جݙے اور باتاں کرتا جاوتا ہوا تو یَسوع آپ اوُاں رِے نیڑو آ گیا۔
16
۱۶۔پن اوُاں رِے آنکھیں بند کریوڑے ہوتے تاکہ او نی جووے۔
17
۱۷۔ ان اوُے ائیاں نا کہیو اے کیڑے باتاں ہے جکو تھاں مارگ میں کرتا جائی وا اور پریشانی خاں ابیج رہیا۔
18
۱۸۔بڑے اوُاں میں خاں جکے رو ناں کلَپساس ہوتو اوے ناں جواب میں کہیو۔کہ کی تو ایک ہی یرَوشیلم رو مسافر ہے ان جھڑو اپے باتاں خا نا واقف ہے جکو اوُے ݙن ظاہر ہوتی ہوتی۔
19
۱۹۔ اوُے ائیاں نا کہیو کہ کے باتاٻ اوُاں اپے ناں کہیو کہ یَسوع ناصری رِے بارو جکو بنت منکھ ہوتو ان ایِشور ان خاری اُمت رِے نیڑو کام ان کلام میں قدرَت آݪو ہوتو۔
20
۲۰۔جکے نا موٹو بھگت ان مھارے موئیرڑا نا ماریو جھلا یو ان ماریو۔
21
۲۱۔ پڹ مھاناں اُمید ہوتی کہ ایو اَسرئیل نا چھڑا خے ان ایے باتاں خاں علاوہ ائیے بات ناآج تٻحوݙن ہویو رو۔
22
۲۲۔ ان مھاں میں خاں کئیک لوگایاں میران کرݙنو او خاکلوں رِی قرتے گیے۔
23
۲۳۔ان اوُے رِی لاش نا نی جو ری واپس آئے ان کہیو کہ مھیں فرشتاں ناݙئو جکو کیونا وہ کہ او زندہ ہویو رو۔
24
۲۴۔ان کئیک مھارے خگتی وی قسرتے جاتے جماں اواُں لوگایاں کہیو اواں جی حویو پڹ نی ݙئو۔
25
۲۵۔ پڹ اوُے اوُاں نا کہیو کہ اے بھوݪا ان سنا رے ناتاں نا منڹ میں سَت ایمان ارَاں۔
26
۲۶۔کی ضروری کونی ہوتو۔کہ مَسیح ایو ݙکھ اکھڹ ے ان ائیاں جی او اپرے جلال میں داخل ہوخے۔
27
۲۷۔اَن توریت موسٰی ان سارے ابنیا رے کتاباں رِے شروع خاں خیارے اگ کھتی میں جتسرے باتاں اوُے رِے حق میں لکھیو ڑے اوُے ناں خمجا خگے۔
28
۲۸۔ ائر میں او اوُے گاں رِے نیئرا یگ گیا جتے او جاوتا وا ان او اوُے رِے کردار خاں معلوم کریو کہ او آگے بدحصڹ جاوی۔
29
۲۹۔پڹ اوُاں اِے کہہ تے اوے نا مجبور کریو۔ مھارے بھیݪو ری۔کیانکہ انڈھے او ٹایم ہویو رو۔ان ݙن حتم ہویو رو۔ان او مہنا گیو۔تاکہ اوُے رِے بھیݪو رہو۔
30
۳۰۔ ان ائیاں ہویو کہ او اوُاں رِے بھیݪو ٻاٹی کھاوڹ لاگو۔تو اوے ٻاٹی توڑ رِی برکت بابنی۔ ان توڑ تے ݙوڹ لاگو۔
31
۳۱۔ائیے تے اوُاں رِے آنکھیں کھل گیے۔ان اوُاں ائیے نا جاڹ لیو ان او اوُاں رِی نظر خاں اوجھل ہوگیو۔
32
۳۲۔ان اُواں آپس میں کہیو کہ جکے ٹایم او مھاں خاں باتاں کرتا ان مھارے واسطے آگ کھتی را نید کھو یو وہ۔ تو مھارو دَل جوش خاں بھر کونی گیو تو۔
33
۳۳۔ ان اوُے گھڑی اُٹھ تے او یروشلیم نا واپس گیو۔ان اوُے گیا اے ان اوُاں رِے خنگھاں نہ بھیݪو کریو۔
34
۳۴۔ان او کہیو تا وا کہ ایِشور خچ مچ جی اٹھیو ان شمَعون ناوی نظر آیو۔
35
۳۵۔پچھے اوُاں خارو کج خڹا یو کہ راہ میں کی کی ہویو ان اوُاں کیکر اوُے ناں ٻاٹی توڑے پچانیو۔
36
۳۶۔ ان او اِے باتاٻ کرتا جی وا یسوع اوُاں رِے بیچ میں آ ابھجیو ان اوُاں نا کہیو تھاں رِی سَلامتی ہوتے۔
37
۳۷۔پڹ او گھر اگیا ان ٻی تے سجھو کہ کئی رُوح نا جوئی وا۔
38
۳۸۔ پڹ اوُے اوُاں نا کہیو تھیں کیاں ٻی وا ان تھارے دَل میں کیاں شک آئی وہ۔
39
۳۹۔مھیں آݪا ہاتھ ان مھیں پک جووہ کہ ہوں ہی ہاں مھَناں ہاتھ لگاتے جووہ کیانک رُوح رِے گوشت ان ہاڈکی کونی ہوتی جھاں مھیں میں جوٹی وا۔
40
۴۰۔ان اے کہہ او اپرا ہاتھ ان پگ بتایا۔
41
۴۱۔ جݙے اوُاں نا یقین نہیں آیا تو او خوچڹ لاگا۔ تو اوُے اوُاں کہیو کہ کی تھاں کڈے کشک کھاوڹ خارو ہے۔
42
۴۲۔جݙے اوُاں بھونجیوں رِی مچھل رو ٹکڑو اُوے نا ݙینو۔
43
۴۳۔اوُے پے اوُاں رِے خامے کھایو۔
44
۴۴۔ ان اواں نا کہیو کہ اے مھیں آلے او باتاں ہےجکو مھیں تھا ناں اوُے گھڑی کہیو ہوتو جݙے تھارے بھیݪو ہوتو۔ ان ضرور ہے کہ او خارو کچھپورو ہوخے جکو موسیٰ رِی توَریت ان مخالف انبیا ان مرامیر مجائے حق میں لکھیوڑا ہے۔
45
۴۵۔ اوُاں را دَماغ کھولیا تاکہ اگ گھتیا نا خجے۔
46
۴۶۔ان اُواں خاں کہیو کہ اِے لکھیوڑو کہ ایِشور ڑک کھڹنچے ان تیجے ݙن مووں ڑا میں جوتو تھی خے۔
47
۴۷۔ان یرَوشیلم خاں شروَع کررو خجے قوماں میں اوُے اے ناں خاں گناھواں رِی معافی رِے پگا توبہ رِی مَنادی کی جازے۔
48
۴۸۔ تھیں ائی باتاں را گواہ ہو۔
49
۴۹۔جوو مھیں اپرے پاپ رو وعدہ کریو ڑو تھاں ماتھیے ظاہر کریورو۔ جتیری تک تھاناں اونچا خاں رُوح القُدس اَصلی قوت رو لباس نی ڑے اپرے شہر میں ٻیٹھا رہیا۔
50
۵۰۔ پَچھے او اوُاں ناں ٻاہر بطنیاں ݙخا لے گیو۔اپرے ہاتھ اونچا کررا اوُاں نا برکت ݙینی۔
51
۵۱۔ان ائیاں تھیو کہ جݙے او اوُاں ناں برکت ݙتو پیو تو اوُاں ناں جدا تھی گیو ان آسمان ماتھے خڹیو گیو۔
52
۵۲۔ ان او اوُے نا سجدہ کررو ݙاݙی خوَشی خاں یرَوشیلم پاچھا بھوا گیا۔
53
۵۳۔ان بݪا ہر روز ہیکل میں ایِشور رِی بَھکتی کرتا رہیا۔