1
۱۔ پاچپھے اوُے اوُاں ناں ائے غرض خاں کہیو کہ ہر بھیݪا دعا کرتا رہہا آن ہمت نی ھارڹ و ضروری ہے اِیاں ھیک مخال خوڹ ائی۔
2
۲۔آن کہیو کہ کہی خیر میں ھیک قاضی ھتو۔ جیکونی اِیشور خاں ٻہتو آن نی منِکھاں رِی کیکس پروا کرتو ھتو۔
3
۳۔ آن اوُے خیر میں ھیک ریݙ ٻیر ھتی جکو اوُے رِے کوݙی آتی آن اوُے خاں اِے کہو کرتی ھتی کہ مانجھے مرعی خاں مانجھو انصاف کر۔
4
۴۔اوُے گھڹ ے ݙھاں تک کونی چایو پڹ بعد میں آپرے جی میں کہیو ہر گھڑی ھوں نی اِیشور خاں ٻہاں آن نی کہکیں مِنکھاں رِی پرواہ کریں۔
5
۵۔تووی ائیاں رِے خاروں اِے ریݙٻیر منھاں ختاوی ھوں اِیئے رو انصاف کرخیں ائیاں نی ھوئے کہ اِے گھڑی گھڑی منھاں آ رہی تنگ کرئے۔
6
۶۔ آن اِیشور کہیو کہ خیڹو کہ اِے بہ انصاف قَاضی کی کہیں۔
7
۷۔پڹ کی ایِشور آپرے برگزاں رو انصاف نی کرے جیکو رات ݙن اوُے خاں فرَیاد کریں واہ؟یا اوُاں رِے خارو دیر کریں واہ؟
8
۸۔ھوں تاں خاں کہیں وہ کہ او بیگو ایئاں رو انصاف کرخے پڹ جیݙے ابِن انسان آخے تو کی دَھرتی کے ایمان باقی ہوخے۔
9
۹۔ پاچھے اوگھڹاں رِے حَق میں جیکو تھیں نے بھروخو رکھتا ہتا کہ مھیں نیک ھا آن ٻیجے ناں ناچیز جاڹتا ہتااے مخل ݙنی کہ۔
10
۱۰۔ٻہہ منِکھ ہیکل میں دَعا کرڹ گیا ہیک فرَیسی آن ٻیجو معصول۔
11
۱۱۔ فرَیسی اوُبھیج رو آپرے َدل ایئاں دعا کرڹ لاگا کہ اِے ایِشور ہوں تاجو َشکر کریئیں کہ ہوں باقی منکھاں آݪی طرح جیکو لٹیرا ،ظالم، زنا کار ہاں یا اوُے چُونگی رِی آݪی کارکونی۔
12
۱۲۔ہوں 8 ݙیناں میں ٻہہ واری زوزو لاکھڹ آن آپری خاری آمدنی ری دہ یکی ݙیئں۔
13
۱۳۔پڹ اوُے جونگی آݪے پہرو اوبھیج رو اترو کونی چاہو کہ آکاخں رِے پاخے آنکھ کھڹے پڹ چھاتی پیٹ پیٹ رو کہتو ہتو اِے اِیشور مھیں پاپی تے رِحم کر۔
14
۱۴۔ہوں تاناں کہیں کہ اِے مِنکھ ٻیجوڑے خاں نیک ہوں رو آپرے گھررے گیو ایئاں رِے کرے کہ جو کوئی آپرے آپ ناں موٹو بڹاخیں او چھوٹو کیو جاخے۔
15
۱۵۔ آن او چھوٹے ٻاݪاں ناں وی اوُے کوݙھی لاوڹ لاگا ایئے رِے کرے کہ او اویئاں ناں وی ھاتھ لاگاوے چَیلاں ہو رو اوُاں ناں جھڑکیاں۔
16
۱۶۔پڹ یَسوع اوُاں ناں کوݙی ھیلو کررو کیو کہ ٻاݪاں ناں مھیں کوݙی آوڹ ایئاں ناں منعاں نی کرو اِے رِے کرے کہ اِیشور رِی رَاجائی ایہڑا ری ہے۔
17
۱۷۔ھوں تاں خاں خیچی کہیں کہ جیکو کوئی ایِشور رِی رَاجاہی ناں ٻاݪ آݪی کار قبوُل نی کرے۔او اوُے مھیں کݙوی داخل کونی ھووے۔
18
۱۸۔آن کہیی خبردار اوُے خاں پوچھیو اِے نیک اَستادہ ھوں کی کریں کہ خیدا رِی زندگی رو وارث بڹ اں۔
19
۱۹۔ یَسوع اوُے ناں کہیو کہ ثوں مھاناں نیک کہیں کوئی نیک کہیں وہ کوئی نیک کونی پڹ ھیک یعنی اِیشور۔
20
۲۰۔توں حکمھاں ناں تو جاڹ یں کہ زنا نی کر۔خون نی کر۔چَوری نی کر۔کوڑی گواہی نی ݙے۔آپرے پتا آن ماں رِی عزت کر۔
21
۲۱۔اوُے کہیو کہ ایئاں جیخے باتاں تے تو ہوں جھوٹے ہووتے خاں عمل کرتو آوی وہ۔
22
۲۲۔یَسوع اے خڹ اوُے خاں کہیں بیج ݙے آن کھیرٻاں ناں ݙے تو تاناں آکاش تے دھن مالخے آن آرو مھاجے لارے ہوں۔
23
۲۳۔او رِے بات خڹ رو پرَیشان ہووہ اے رِے کرے کہ او موٹو دولت آݪو ہتو۔
24
۲۴۔ یَسوع اوُے ناں پریشان جوہ رو کہیو کہ دھن لاکھڹ آݪاں رو ایِشور رِی بادَشاہی مھیں آوڹ کیڑی طرح مشکل ہے۔
25
۲۵۔اے رِے کرے کہ اوُنٹ رو سوئی رو ناکہ مھیں داخل ہووے۔
26
۲۶۔خیڹڹاں آݪاں ناں کہیو تو بھیݪا کوڹ نجات پاخگیں۔
27
۲۷۔او اوُاں نا کہیو جو کوئی مِنکھ رِے نیڑو ڈگھیو ہے ایِشور رِے نیڑو ڈکھیو کونی۔
28
۲۸۔ پیچے َپطرس کہیو کہ جووہ مھاں تو خیجو کچھ چھوڑ ݙڹو ہاں آن تاجے لارے ہوواہ را۔
29
۲۹۔اوُے اوُاں نے کہیو ہوں تھاں خاں سچ کہیں وہ کہ ایڑ کوئی کونی جیکے گھر یا لوگائی یا بھائیاں یا ماں ٻاپ یا اولاد ناں ایِشور رِی رَاجائی ہی خاتر چھوڑ ݙنوہے۔
30
۳۰۔جیکو اوُے زمانے میں گھڹے زیادہ نی پاوے آن آوڹ آݪے عالم میں خیدا رِی زندگی ہے۔
31
۳۱۔ آن اوُے اوُاں ٻاراں ناں دار لے جارو ایئاں خاں کہیو کہ جووہ مھیں یرَوشلیم نی جاوتا واہ۔آن خیجے کچھ ابِن انسان رِے حَق مھیں انَبیا رِی معَرفت لکھیو گیا ہے پورو ہو خاخے۔
32
۳۲۔اِے رِے کرے کہ غیرقوموں رِے حوالہ کیو جاوے آن مِنکھ اوُے رو مزاق میں اڑُایں آن اوُے رِی مزمت کریں آن اوُے تے تھوکے۔
33
۳۳۔آن کوڑا مار را قَتل کرے آن اوتیجے ݙن جی اتھخے۔
34
۳۴۔ پڹ اوُاں مھیں خاں کوئی بات کونی خمجی آن اِے کلام اوُاں مھیں خاں چھیو رہو ان ایئاں باتاں رو مطلب اوُاں رِی خمجھ میں کونی آیو۔
35
۳۵۔ پہاچے ایئاں ہووہ کہ جیݙے اویریحو رِے نہیڑا آیا تو ہیک اندھو مارگ رِے کنڈے ٻیٹھوڑو بھیک مانگ رہیو ہتو۔
36
۳۶۔اوُے ٹھوݪے ناں لاگھتے خڹیو آن پوچھیو کہ کی ہو رہیو ہے۔
37
۳۷۔اوُے ناں کہیو گیو کہ یَسوع ناصری جا رہیو ہے۔
38
۳۸۔ اوُے ہیلو کررو کہیو اے ایِشور داود را ݙیکرا مھان تے رَحم کر۔
39
۳۹۔جو آگھا جاتا وا او اواں نا دڑکو دان لاگا کہ او چپ رے پر او بیجھح چیلاون لاگا اے ابن داوا میں تے رحم کر۔
40
۴۰۔ تو یَسوع او ُبھیج رو حکم ݙنو کہ اوُے ناں مھیں کوڈی لے آو جیݙے او نیڑو آیو تو اوُے اوُے خاں پوچھیو۔
41
۴۱۔تو کی چاواہ کہ ہوں تاجے خاروں کی کرہا؟ اوُے ناں کہیو اِے ایِشور یہ کہ ہوں جواوہ۔
42
۴۲۔ یَسوع اوُے نان کہیو تو جووڹ لاگے تاجے اَیمان تاناں بچالیوہے۔
43
۴۳۔آن او اوہی گھڑی جووڹ لاگو آن ایِشور رِی بݙائی کرتو ہو اوُے رِے لارے ہو گیو آن خیجا مِنکھاں جووہ رو ایِشور رِی حَمد کی۔