¹ ۱۔آن ایشور پرمیشور رو پویتر شاشتر ٻجی دفعا یوناہ تے نازل تھیو آن اووے کہیو کہ۔ ² ۲۔کہ اٹھی اووے موٹے شہر نینوا نے جا آن اووے ناں اووے بات خاں خونچیت کرڈے جکے رو ہوں تنا حکم ڈئین پیو۔ ³ ۳۔پچھے یوناہ ایشور رے کہڹ رے مطابق اٹھی رو نینواہ ڈخا گیو۔نینواہ ھیک گھٹو موٹو شہر ھتو۔اووے ری مافری تینا ڈناں روھتو۔ ⁴ ۴۔آن یوناہ شہر میں داخل تھو رو ھیکے ڈیھن رو پینڈو کرڹ لاگو آن او خڈیخو ڈیوتے ہوئے کہیو ھتو کہ چاڑیح ڈنا خاں پچھے نینواہ تباہ تھی جاخے رو۔ ⁵ ۵۔آن نینوا را راہڹ آرا پرمیشور تے وشواش لایا آن زورے روا علان کرتے خارا خارا کی خیاڹ ا کی بھوݪا ٹاٹ نا ادݙیو۔ ⁶ ۶۔آن اے بات نینوا رے موٹیڑے نا وی نگ گی۔تو او تحت خا اٹھ رو پویتر گابھا اتار ݙینا آن ٹاٹ او ݙتے راکھ میں ٻیخ گیو۔ ⁷ ۷۔آن فرمان جاری کریو کہ راجہ آن پیخا خبھا ݪڹ آݪا رے حکم خانینوا میں اے اعلان ہوو۔کہ کوئی منکھ جیزا ورا یا ݙگی ݙگو یا بھیڈ ٻکری نی کی چکھے نی کی کھاوتے آن نی پاڹ ی پیے۔ ⁸ ۸۔ائیے خاں علاوا منکھ آن جناور ٹاٹ اوڈھ ری آن ایشور رے آگے رو وے آن ہر کوئی آپرے برے کاماں خاں توبا کرے۔ ⁹ ۹۔متاں ایشور آپ رو ارادو بدلے آن پچھتاوے آن آپ ری گھنی ریخ خاں ٹݪے رو آن مھانی مرجے۔ ¹⁰ ۱۰۔جڈے ایشور اواں ری اے حالت ݙٹھی کہ او آپری بری روشاں خاں توبہ کری تو ایشور ائیے عزاب خاں پچھتایو جکو اوے اواں تے کرنو ہتو آن اوے کونی کریو۔