1
۱۔ پچھے یسوع زیتون رے پہاڑتے گیو۔
2
۲۔اَن خاکݪو خبیݪ بݪے ہیکل میں آیو ۔ اَن خارا منکھ اُوئے کڈھے آیا۔ اَن اُو ٻیخ اَن اُوئاں نا تعلیم ݙاݨ لاگو۔
3
۳۔پچھے فقی اَن فریسی ہیک لُگائی نا لے آیا۔ جکے نا زنا میں جھالی ہَتی، اَن اُوئے نا اَدھ میں ابھجاݨ تے۔
4
۴۔ اُوئے نا کہیو اے استاد ایہ لُگائی زنا کرتی جھلیجی ہے۔
5
۵۔موسٰی تو مھاناں شریعت میں حکم ݙنو ہے کہ ایہڑیاں نا پتھر مار مار اَن مار ݙیوݨو ہے۔ پݨ تُوں کی کہیں؟
6
۶۔اُوئاں ایہ اُوئے رو آزموتو لیوݨ رے خارو کہیو ہَتو۔ تاکہ اُوئے تے الزام لگا خگے۔ پݨ یسوع دھرتی تے آپری انگݪی خاں لِکھݨ لاگ گیو۔
7
۷۔ آن جݙے اُو اُوئے خاں پوچھتا جی رہیا۔ تو اُوئے خِدھو تھی اَن کہیو ۔ کہ جکو تھاں خارا میں بے گناہ ہے او پہلکو پتھر مارے۔
8
۸۔آن بھݪے دھرتی تے لکھݨ لاگ گیو۔
9
۹۔ آن اُو ایہ خُݨ تے بوڈھاں خاں لے خارا ہیک ہیک کر تے اُتھ خاں بوہا گیا۔ اَن یسوع ہیکھلو رہ گیو۔ اَن لُگائی ادھ میں ابھئی رئی۔
10
۱۰۔پچھے یسوع خدھو تھی اَن اُوئے نا کہیو اے لُگائی اُو کتھ گیا۔ کی کہیں سزا کونی ݙنی۔
11
۱۱۔اُوئے کہیو کہ اے پرمیشور کہیں کونی۔ اَن یسوع کہیو کہ ہوں وی تنے سزا کونی ݙتو جا ری۔ بݪے گناہ نی کرے۔
12
۱۲۔ یسوع بݪے اُوئاں خاں بات کر اَن کہیو، دنیا رو نور ہوں ہا جکو مھاری منخے او اندھارے میں کونی رہے۔ بلکہ نور لابھخے۔
13
۱۳۔پچھے فریسیاں اُوئے نا کہیو تُو آپ رے بارے میں آپ جی گواہی ݙئی وو۔ تھاری گواہی کونی قبول ہووئے۔
14
۱۴۔ یسوع بݪتی میں اُوئاں نا کہیو جے ہوں آپرے بارے میں آپ گواہی ݙا تو مھاری گواہی قبول ہے۔ کیانکہ مناں ٹھاہ ہے کہ ہوں کِتھ خاں آیو ہا۔ اَن کِتھ جاوئی۔ پݨ تھاناں کونی ٹھاہ کہ ہوں کِتھ خاں آوئی اَن کِتھ جاوئی۔
15
۱۵۔تھاں جسم رے مطابق فیصلو کرئی۔ اَن ہوں کئی رو فیصلوں کونی کرتو۔
16
۱۶۔آن جے ہوں فیصلو کراں وی تو مھارو فیصلو ٹھیک ہے۔ کیانکہ ہوں ہیکھلو کونی بلکہ ہوں وی ہا اَن ٻاپ وی ہے۔ جکے مناں میلیو ہے۔
17
۱۷۔تھاری شریعت میں ایہ لِکھیوڑو ہے۔ کہ ٻے منکھاں ری گواہی قابلِ قبول ہے۔
18
۱۸۔ہیک تو ہوں آپ آپرے بارے میں گواہی ݙائی اَن ہیک ٻاپ جکے مھناں میلیو ہے۔ مھاری گواہی ݙئی۔
19
۱۹۔ پچھے اُوئاں اُوئے نا کہیو تھارو ٻاپ کِتھ ہے۔ یسوع اُوئاں نا بݪتی ݙنی تھاں نی تو مناں اوݪکھئی اَن نی جی مھارے ٻاپ نا۔ جے تھاں مناں اوݪکھنت تو مھارے ٻاپ نا وی اُوݪکھنت۔
20
۲۰۔اُوئے ایہ باتاں ہیکل میں تعلیم ݙیوتے غیر قوماں میں کہیے اَن کہیں اُوئے نا جھالیو کونی۔ کیانکہ اُوئے ری گھڑی اجݨ کونی آئی ہَتی۔
21
۲۱۔ اُوئے بھݪے اُوئاں نا کہیو ہوں جاوئی وو۔ اَن تھاں مناں لابھخو۔ اَن آپرے گناہ میں مَرخو۔ جتھ ہوں جاوئی تھاں کونی آ خگتا۔
22
۲۲۔پچھے یہودیاں کہیو۔ کی او آپرے آپ نا مارخے رو جکو کہی کہ جتھ ہوں جاوئی تھاں کونی آ خگتا۔
23
۲۳۔ اُوئے اُوئاں نا کہیو تھاں نیچا را ہو۔ ہوں اُنچا رو ہا۔ تھاں ایئے دنیا را ہو ہوں ایئے دنیا رو کونی۔
24
۲۴۔اِیئے رے خارو مھیں تھاں نا کہیو کہ تھاں آپرے گناہ میں مَرخو۔ کیانکہ جے تھاں ایمان کونی لیاخو تُو ہوں وی او ہا کہ تو تھاں آپرے گناہ میں مَرخو۔
25
۲۵۔ پچھے اُوئاں اُوئے نا کہیو تو تُوں کُݨ ہے؟ یسوع اُوئاں نا بݪتی ݙنی ہوں تھاں خاں بات کرئی جی کیا وو۔
26
۲۶۔مناں تھارے بارے میں گھݨو کجھ کہݨو اَن فیصلو کرنو ہے۔ پݨ جکے مناں میلیو ہے خچو ہے۔ اَن اُو باتاں جکو اُوئے خاں خُݨیے ہا ہوں دنیا نا کہیں۔
27
۲۷۔او نی خمجھے کہ ایہ مھاناں ٻاپ ری وجہ خاں کہئی وو۔
28
۲۸۔آن یسوع کہیو جݙے تھاں ابن آدم نا اُونچا کرخو۔ پچھے تھاناں ٹھاہ پڑخے کہ ہوں او جی ہا۔ اَن ہوں آپ خاں کئی کونی کرتو۔ پݨ جاں ٻاپ مناں خیکھایو ہے اُوئاں جی ایہ باتاں کہیں۔
29
۲۹۔آن جکے مناں میلیو ہے او مھیں بھیݪو ہے۔ آن اوئے مھناں ہیکھلو کونی چھوڑیو۔ کیانکہ ہوں او جی کام کرئیں جکو اُوئے نا پاخ آوئی۔
30
۳۰۔جݙے او ایہ باتاں کہتو ہَتو۔ تو گھݨائی اوئے تے ایمان لے آیا۔
31
۳۱۔پچھے یسوع اُوئاں یہودیاں نا جکو اُوئے تے ایمان لے آیا ہَتا۔کہیو جے تھاں مھاری بات تے قائم رہیا۔ تو تھاں مھارا چیلاں بݨخو را۔
32
۳۲۔اَن خچائی نا اُوݪکھخو آن خچائی تھاناں آزاد کرخے ری۔
33
۳۳۔اُوئے نا ایہ بݪتی ݙنی گی کہ مھاں تو ابراہیم ری نخل خاں ہا۔ آن کݙے وی کہیئی را غلام کونی رہیا۔ تو تُوں کیکر کہیں کہ مھاں آزاد کیا جاخاں؟
34
۳۴۔ یسوع اُوئاں نا بݪتی ݙنی ہوں تھاناں خچی خچی کہیں کہ جکو وی گناہ کرخے او گناہ رو غلام ہے۔
35
۳۵۔آن غلام خدائی گھر میں کونی رہتو۔ پݨ ݙیکرو خدائی گھرے رہئی۔
36
۳۶۔آن جݙے ݙیکرو تھاناں آزاد کرخے تو تھاں خچی میں آزاد ہوخو۔
37
۳۷۔ مناں ٹھاہ ہے کہ تھاں ابراہیم ری نسل خاں ہو۔ پݨ تھاں مناں مارݨ رے لارے ہو۔ کیانکہ تھارے من میں مھارے کلام ری جگہ کونی۔
38
۳۸۔مھیں جکو کچھ آپرے ٻاپ خاں جویو۔ او جی کہیں، اَن تھاں جکو آپرے ٻاپ خاں خُݨی او جی کرئی وا۔
39
۳۹۔ اُوئاں بݪتی میں اُوئے نا کہیو مھارو ٻاپ تو ابراہیم ہے۔ یسوع اُوئاں نا کہیو ، جے تھاں ابراہیم را ݙیکرا ہو۔ تو ابراہیم آݪا کام کرو۔
40
۴۰۔ پݨ تھاں مھیں جیڑھے منکھ نا مارݨو چاہوئی۔ جکے تھاناں او جی خچی بات بتائی جکو ایشور خاں خُݨی۔ ابراہیم تو ائیاں کونی کریو ہَتو۔
41
۴۱۔تھاں آپرے ٻاپ را کام کرئی۔ پچھے اُوئاں اُوئے نا کہیو۔ مھاں حرام خاں پیدا کونی ہویا۔ مھارو ٻاپ ہیک ہے یعنی ایشور۔
42
۴۲۔ یسوع اُوئاں نا کہیو جے ایشور تھارو ٻاپ ہوونت۔ تو تھاں مھیں خاں پریم راکھنت۔ کیانکہ ہوں ایشور میں خاں نکݪیو ہا اَن آیو ہا۔ کیانکہ ہوں آپ خاں کونی آیوبلکہ اُوئے جی مناں میلیو ہے۔
43
۴۳۔تھاں مھارے باتاں کیا کونی خمجھتا؟ ایئے رے خارو کہ تھاں مھارو کلام خُݨ کونی خگتا۔
44
۴۴۔تھاں آپرے ٻاپ شیطان خاں ہو اَن آپرے ٻاپ رے خواہشاں نا پورو کرݨ چاہوئی۔ او تو شروع خاں خونی ہَتو۔ اَن خچائی تے کونی ابھیجو۔ کیانکہ اُوئے میں خچائی کونی ۔ جݙے اُو کُوڑ ٻولئی تو آپ خاں جی ٻولئی۔ کیانکہ اُو کُوڑو بلکہ کُوڑاں رو وی ٻاپ ہے۔
45
۴۵۔ پݨ تھاں ایئے رے خارو جی مھارو یقین کونی کرتا کہ ہوں خچ کہیں۔
46
۴۶۔تھاں میں خاں کُݨ مھیں میں گناہ ثابت کر خگئی؟ جے ہوں تھاں نا خچ کہیں۔ تو تھاں مھاری بات کیاں خچ کونی خمجھ خگتا۔
47
۴۷۔جکو ایشور خاں ہے او ایشور رے باتاں خُݨئی۔ تھاں ایئے رے خارو کونی خُݨتا کیانکہ تھاں ایشور خاں کونی۔
48
۴۸۔ یہودیاں بݪتی ݙنی کہ کی مھاں ٹھیک کونی کہتا کہ تُو سامری ہے اَن تھیں میں بد روح ہے؟
49
۴۹۔یسوع بݪتی ݙنی کہ مھیں میں کوئی بد روح کونی۔ پݨ ہوں آپرے ٻاپ ری عزت کرئیں۔ اَن تھاں مھاری بے عزتی کرئی۔
50
۵۰۔ ہوں آپ ری عزت کونی چاہتو۔ ہیک ہے جکو چاہوئی اَن فیصلو کرئی۔
51
۵۱۔ہوں تھاناں خچی خچی کہیں کہ جے کوئی مھارے کلام تے عمل کرے تو او ہمیشہ تک موت نا کونی جووئے۔
52
۵۲۔پچھے یہودیاں اُوئے نا کہیو ہمے مھاناں ٹھا لاگی ری کی تھیں میں بدروح ہے۔ ابراہیم اَن نبی مَریا را اَن تو کہیں کہ جے کوئی مھارے کلام تے عمل کرے تو او کݙے وی مَر کونی خگتو۔
53
۵۳۔کی تُوں مھارے ٻاپ ابراہیم خاں وی موٹو ہے؟ او مَر گیو اَن بنی وی مَر گیا۔ توں آپرے آپ نا کی کہیں؟
54
۵۴۔ یسوع اُوئاں نا بݪتی ݙنی جے ہوں آپری بݙائی کراں تو کئی کونی۔ پݨ مھاری بݙائی مھارا ٻاپ کرئی۔ جکے نا تھاں کہیں کہ مھارو ایشور ہے۔
55
۵۵۔تھاں اُوئے نا کونی اوݪکھیو۔ پݨ ہوں اُوئے نا اوݪکھئی۔ آن جے ہوں کہاں کہ ہوں اُوئے نا کونی اوݪکھتو تو ہوں تھاں آݪی کار کُوڑو ہویئخ۔ ہاوئے ہوں اُوے نا اوݪکھئی آن اُوئے رے کلام تے عمل کرتو رہئیں۔
56
۵۶۔تھارو باپ ابراہیم مھارو ݙن جووݨ رے خارو گھݨو راجی ہَتو۔ آن اُوئے جویو اَن گھݨو راجی ہویو۔
57
۵۷۔پچھے یہودیاں اُوئے نا کہیو کہ تھاری عمریا تو ہجے پچاخ برخ ری وی کونی اَن کی تھیں ابراہیم نا جویو ہے۔
58
۵۸۔ یسوع اُوئاں نا کہیو ہوں تھاناں خچی خچی کہیں ہوں ابراہیم خاں وی پہل ہَتو۔
59
۵۹۔پچھے اُوئاں پتھر اُکھݨیا کہ اُوئے نا ماراں۔ پݨ یسوع لُک اَن ہیکل خاں نکݪ گیو۔