¹ ۱۔ایے مانجھے پیاراں ایِشور مھیں آپرے ماں باپ رِے فرمابردَار رہو ایئے رِے کرے کہ اَے واجب ہے۔ ² ۲۔توں آپرے ٻاپ رِی آن آپری ماں رِی عزت کر۔اِے کہیو حکم ہےجیکے رِے بھیݪو وعدہ بھی ہے۔ ³ ۳۔اِے رِے کرے کہ تھا جو بھݪو ھوئے آن تھاجی عمر دھرتی تے موٹی ھووئے۔ ⁴ ۴۔ آن اِے اوَلاد آݪو تھائیں آپرے ٻاݪاں ناں زیغیس نی ݙلاو پڹ ایِشور رِی تعلیم آن تربیت ھیں ائیاں رِی پروَرش کرو۔ ⁵ ۵۔ اِے غلامو تھیں ائیاں را جیکو جم رِی حیثیت خاں تھارا مالک ھے آپرے دَل رِی صفائی خاں ٻیتا آن گھپتا ھوا ایڑ فرمابرار ھوہ جیکر کے مسَیح رہ۔ ⁶ ۶۔آن منِکھاں نہ رَاضی کرڹ آݪاں آݪی کار ݙکھاو رے خاروں نی پڹ مسَیح رِے غلدماں آݪی کار دَل خاں ایِشور رِی مرَضی تے بہیتا ھووا۔ ⁷ ۷۔آن جی خاں خدمت کرتا ھواہ اَیاں کہ ایِشور رِی ھے نی کہ مِنکھاں رِی۔ ⁸ ۸۔کیونکہ تھیں جاڹ یں کہ جیکوئی بھلو کام کریں کی غلام کی آزاد ایِشور پرسیتو خاں اَئیاں ہی ٻاخے ۔ ⁹ ۹۔ آن اَے مالکاں تھیں وِی ڈھمکاوڹ یو چھوڑ رو ائیاں خاں اسیڑ ہی خلوک کرو کیانکہ تھیں جاڹ یں کہ اوئیاں رو آن تھاناں رو مالک آخماں تے ھے آن او رِے حضور مھیں کیٹی رِی وی طرف دار کونی ھوتی۔ ¹⁰ ۱۰۔غرض ایِشور مھیں آن اوُے رِی قدَرت رِی قوت مھاں زورآور ھوتا جاو ۔ ¹¹ ۱۱۔صَلاح ایِشور خاں آراستہ ھوئے اِے رِے کرے کہ تھائیں شَیطان رِے مقابلے مھیں قائم رھے خکو۔ ¹² ۱۲۔ کیانکہ مھاری جنگ لوہی آن جسد خاں کونی پڹ رَیاستوں خاں حکومتاں خاں اَئیے تاریکی رِی دنیا رِے حاکماں خاں آن شرات کرڹ آݪی روخوں خاں۔ ¹³ ۱۳۔اِے رِے خاروں کہ صَلاح ااِیشور خاں لو ائَیاں رِے کرے کہ برے دن مھیں مقابلو کر خکو آن خینجے باتاں رِی تکمیل کر رِی قائم رِے خکو۔ ¹⁴ ۱۴۔پڹ سچائی خاں آپری کمرکس رِی آن صَلاقت رو بکتر پہراں رو۔ ¹⁵ ۱۵۔آن پگیاں مھیں صَلح رِی اَنجیل رِی تیاری را حوتا پہراں را۔ ¹⁶ ۱۶۔آن خیجاں رِے علاوہ ایمان رِی اوہ سپر کھڹ لو جیکے خاں تھائیں اوہ سریر رِے خیجے باݪتے تیراں ناں ٻجھاخگو۔ ¹⁷ ۱۷۔ آن نجات رُو خود آن رُوح رِی تلوار جیکو ایِشور رو کلدم ہے لےلو۔ ¹⁸ ۱۸۔آن ہر بھیݪا آن ہر طرح خاں رُوح مھیں دَعا آن مَنت کرتا رہو۔آن اِئے غرض خاں کوشش رِے بھیݪا جاگتا رہو۔آن مقَدسوں رِے خاروں دعا کی کرو۔ ¹⁹ ۱۹۔ آن ماَنجھے خاروں وِی ائے رِے کرے کہ ٻوݪڹ رِی بھیݪا مھاناں کلدم کرڹ رِی توَفیق ھووے جیکے خاں ھوں اَنجیل رِی منادی کرڹ رِی دلیری خاں ظاہر کر خگیاں۔ ²⁰ ۲۰۔جیکے رِے خاروں ھوں زنجیراں خاں ٻاڈوڑو چیلو ھاں آن ائے خاں بے دھڑک بیان کراں جیکر کہ مھاناں بیان کراڹ گھپیے۔ ²¹ ۲۱۔ آن اَئیاں رِے کرے کہ تھاں وی مانجھے احوال نا جاڹ یو کہ ھوں کی کرائی طوککس جیکو پیارو بھائی ہے آن اِیشور رو ایماندار خادم ہے۔تھاناں خیجی باتاں ݙخیلیخس۔ ²² ۲۲۔جیکے ناں ھوں تھانا رِے کوݙھی اَئیاں رِے خاروں ٻیݪین کہ تھیں مھارے اَحوال ناں جاڹ و آن اوے تھارے دَلوں ناں تسلی ڈے۔ ²³ ۲۳۔ بھائیوں ناں خلدقی حاصل ھوئے آن ایِشور پتا آن پرمشور یسَوع مَسیح رِی طرف خاں ایمان رِے بھیݪومحبت حاصل ھوئے۔ ²⁴ ۲۴۔اوئیاں خیجاں تے فضل ھووتو رہے جیکو مھارے ایِشور یَسوع مسَیح خاں بے پناہ گھڹ ی خاری محبت راکھیں۔