¹ Ngapano umungeli wachisano waliliziye ipenga lyakwe. Naweni ulutanda ukufuma kwiyulu luno lwaponile munsi. Ulutanda lwapilwe ifungulo lyapa mulyango wizyolonjela. ² Wiyuzile umulyango wizyolonjela, swinya nichunsi chafumile ukuya mupela ukufuma pamulyango ukuyanana nicnhunsi ichakufuma mwilungu ikulu. Ilanzi swinya nimpepo vyapilusilwe imfinzi yachunsi chakufuma pamulyango. ³ Kunzi kwa chunsi impanzi zyafumile munsi, swinya zyapilwe amaka ayakuyanana nge amakalayila munsi. ⁴ Zyanenilwe kuno zyonone isote munsi pamwi chonsi ichimele pamwi imiti, kweni awantu wano watalinji nivimanyikwilo vye Leza pampumi zyawo. ⁵ Zitazumilizizwe ukukoma awantu wawo, kweni ukuwachuzya imyezi yisanu. Ichilumilwa chawo cahalingine ngati akamusinda kikalayila ndi kaluma umuntu. ⁶ Mumanda yalyanye awantu wali wavwamba imfwa kweni wataliyizana. walilondechesya ukufwa, kweni imfwa yilisamala kwewoliwo. ⁷ Impanzi zyalolekanga ukulingana nimpunda iyisenganizwe ivita. Pamitwe yawo palinji chimwi ichilingane ni mpumpu ye golide, napaminso yawo palingine nge apaminso ya wantu. ⁸ Zyalinji ninyele inkolane ngati anyele zyawa wanachi, swinya namino yawo yalingine namino yankalamu. ⁹ Walinji nivyakuchilila pavifuwa ivikolane ngati avyakuchinjilila ivyachela, swinya nukwivwika kwa mapa yawo yakoline ngati akwivwika kwapanzilwe namagileta amavule ni mpunnda zikusamalila ukulwa. ¹⁰ Zyalinji nimisinda yakulumila ayakolane namakalayila; kumisinda yawo vyalinji namaka ukonona awantu pamyezi yisanu. ¹¹ Walinji ngati amfumu pewoliwo numungeli wizyolonjela. Muchi hebeli izina lyakwe walinji we abaddon, swinya muchi Giliki walinji nizina lyakuti Apoleyoni. ¹² Uwulanda wakutalichila wasila. Lola! lyoo papita vyoo amalanda yawili ayakulu yakwiza. ¹³ Umungeli we chitimkutanda waliwilizizye ipenga lyakwe, swinya nivwile amazwi ukwiza ukufuma kumpembe izye golide zyakavuwa zino zikuloleka pankolelo pe Leza, ¹⁴ Ukulanda ku mungeli wachiti mutanda wino walinji nipenga ,'' wafumizye umungeli wechini wino wanyefilwe ku luzi ulukulu ulwe yufuleti .'' ¹⁵ Awangeli we chini wano walinji wapekinwe pampindi yoyo, uwanda wowo, umwezi wowo, nu mwaka wowo wasapuzilwe ukukoma awantu ake chititatu. ¹⁶ Impendwa yavita pansizi yampunda palinji imyanda [200,000,000]. Nivwile impendwa yawo. ¹⁷ Moo amuli muno naweni izya mpunda muchilolwa chane swinya nakwe wawo wano wakwezile pezyolizyo: Ivyakuyichinjilizya vyawo vyalinji iviwenzuchile, ivye bulu ne yelo we safulosi. Imitwe ya mpunda yakoline nimitwe ya nkalamu, swinya nukufuma mumilomo yawo mwafumile umulilo, ichunsi ne safule. ¹⁸ Awantu we chititatu wakomilwe nivipungo vitatu vyoo: umulilo, ichunsi, ne safule wino wafumile mumilomo yawo. ¹⁹ Amuno amaka yampunda yalinji mumilomo yawo naku nsinda zyawo_ pasipo insinda zyawo zyayine ni nzoka, nukuwa nimitwe yino yaletanga pa wantu. ²⁰ Awantu wonsi wano wasyazile, wano watakomilwe ni vipungo, watatontolosilwe ku milimo yino wawonvile, nanti kuleka ukupepa impepo inkandamane namakolania ye golide, siliva, umukuwa, iwe, ni miti_ivintu vino vitanga vilole, vyivwe, pamwi ukupita. ²¹ Nanti kutontolokwa kuwuchikoma wawo, amayele yawo, uwuzelele wawo pamwi imilimo ya wung'o wawo.