¹ Pansizi pakwe vyoo indola awangeli wani wimilile pekona yansi, wakambatizile wakulesya umuza impendwa yini aya munsi alyakuti umuza wumwi wutize wapupa munsi, nanti akupupa pesumbi, nanti akumuti wumwi. ² Nga indola umungeli winji akwiza akufuma kapela wino alinichimanyikwilo chakwe Leza umumi. Apunnda kuwangeli nkaninye namazwi yapapela kuwangeli wani wano Leza wapile amaka yakononela insi nusumbi. ³ Mutize monone insi esumbi nanti amiti tusuke tuwike ivimanyikwilo pampumi zyawo pawawonvi wakwe Leza witu. ⁴ Nivwile impendwa yakwe wano wawisle ichimanyichikwilo: 144,000. Wano wali nichimanyikwilo ukufuma kuwamyiko yonsinye iyawa Israeli : ⁵ Imyanda amakumi impindi ikumi lyonga na ziwili [ 12,000] ukufuma kumwiko wawa Yuda wano nwalinji walinji nichimanyikwilo, imyanda ikumi nimpindi ikumi ziwili [12,000] ukufuma kumyiko yawa Reuben, imyanda ikumi[12,000] ukufuma ku myiko yawa Gad, [12,000] imyanda ikumi naziwili. ⁶ Ukufuma ku mwiko wakwe Asher, imyanda ikumi [12,000] ukufuma umwiko we Naphtali, imyanda ikumi [12,000 imyanda ikumi[12,000] ukufuma ku mwiko wa manasseh, ⁷ Imyanda ikumi nimpindi ikumi naziwili [ 12,000] ukufuma kumwiko we simeoni imyanda ikumi nimpindi ikumi ukufuma ku mwiko uwe Levi, Imyanda ikumi nimpindi ikumi [12,000] ⁸ ,Ukufuma ku mwiko we zebuloni imyanda nimpindi ikumi ukufuma ku mwiko we yosefe swinya imyanda ikumi nimpindi ikumi ukufuma ku mwiko ku mwiko benjamini walinji nichimanyikwilo. ⁹ Pansizi pevyonye vyoo indola, swinya kwalinji iwumba ikulu lino pasi nanti wenga wino wanga apende ukufuma kunsi yonsi, kumutundu wawantu, swinya naku nvwango, _ukwimilila kumyiko, yamitundu, swinya pankolelo pamwana _ng'onzi. Wazwite inkanzu intiswe wanyamuzile amafwa yavikambalala , swinya ¹⁰ wapundanga kunzi namazwi ayapapela. !'' Ukutulwa kwitu kukafuma kwe Leza, wino wikala pandulu, swinya kumwana_ wang'onzi ! '' ¹¹ Awangeli wonsi wimilile ukuliwilia indulu nukuliwilila wasongo nivyelewulwa vini iyawumi, nga avipona pampumi zyawo pankolelo pandulu. awapepa Leza, ¹² awati, ''Amen! uwutunyo, uwukankala, injelu, ukusalifya, umuchinzi, namaka viwe kwe Leza witu penape! Amen!'' ¹³ Apano wenga uwawa songo ankolowozya, '' nga waweni waa wano wazwite inkanzu intiswe, nga wafumile kwinye?''' ¹⁴ Natili kwe weliwe,'' Tatakulu, umanyile,'' nga ati kwenene, '' waa awano wafuma muntazi. Wati wapizya inkanzu zyawo nukuzipanga ukuwa izitiswe muwazi wa mwana wang'onzi. ¹⁵ Pamulandu wakwe choo, wali pankolelo pandulu yakwe Leza, wakamupepa umuasanya nuwusiku mung'anda yakwe iyakupepela. wino wikazile pandulu alilanndalizya itenti lyakwe pakwe woliwo. ¹⁶ Wataliyivwa swinya inzala, nantinakwivwa swinya ulusala. Ilanzi litaliwalila uwukali pewoliwo, nanti alilungula. ¹⁷ Amuno umwana ng'onzi pakasi pandulu aliwa amuchemi wang'onzi wawo, nga aliwa tungulula kutunduzi twaminzi yawumi, nga Leza aliwa pyela amansozi yonsi muminso yawo. ''