¹ Pansizi pa vintu vyoo naweni umungeli winji akwiza ukufuma mwiyulu. walinji nsambu inkulu swinyainsi yazimilanga muwukulu mwakwe. ² Walizile ni zwi ikalambane watili ,''' wapona, wapona, wapona, we babuloni umukulu! yawa amasyo yakwikala imizimu imiwipe swinya amuzya kwewensi umuwipe swinya ni nyunyi zyamisango. ³ Pakuti insi zyonsi wang'wa ipala lyawuzelele wakwe. Imfumu zya munsi zyazelelukanga nawe. Awalosi awamunsi watochela ukufuma ku maka ayakwe mochikalila ⁴ Swinya wvwile izwi linji ukufuma kupela likuti, '' fuma kweweliwe, wantu wane, akulikuti atakawagawile uluwembu lwakwe, swinya alyakuti mutali pochelela indwala yakwe yonsinye. ⁵ Uwuwipe wakwe wapapikana wakwela wafika nakupela swinya eLeza wakumbuchizile imiwombele yakwe iyiwipe. ⁶ Wanyosezye nge muno wawanyosezizye wanji swinya umunyosezye kawili pamulandu wechino awonvile; mwe kapu wino wasanzizyangamo, sanzyani pawili uwuvule wakwe weliwe. ⁷ Pano wayichindamikanga umwenecho swinya wikazile mumutende. Ndimuno wayituwalikanga mbali nukuyitopwa. Amuno akati mwenzo wakwe,' njisile ngati Amfumu kazi; asine mufwilwe, nga ntalitela ndola ukulila.' ⁸ Achaleka muwanda wonga impungo zyakwe ziliyiza: Imfwa, ni nzala. Aliwundukulwa nu mulilo, amuno Imfumu Leza awamaka yonsi, nga weka panzya wakwe.'' ⁹ Izyamfumu zya munsi zino zyazelelukanga nawe swinya nukuntayilema nukulila kwakwe swinya nukulwilinta pakwe weliwe lyo walola ukupya kwachunsi chakwe. ¹⁰ Waliyimilila apatali, ukutina ukuchulika kwakwe, oko, oko , usumba uwukulu, e babeloni umusumba wamaka nkaninye! Amuno pa ola yonga ukusundwa kwinu kwiza.'' ¹¹ awalosi wamunsi wakakalilila ukulosya amuno pasi nawenga wino akakala ivilonkwa vyawo naswinyanye. ¹² Ivilonkwa vye Golide, siliva, amawe ayapapela, uyoka uwuzi uwuzima, epepo, uwutelepe, ichiwenzuchile, imisango yonsi iya munsi , ichakuwichila ulupembe chonsi ichapapela, umukuwa, ichela, imbulungwa, ¹³ cinnamon, ivyakununchizya, ivyakupekanizya pakavuwa, ivyakupaka, ipala, uwusu uwuzima, amafuta, impumba, ing'ombe, ing'onzi, impunda nama galeta awazya nimwenzo yawantu. ¹⁴ ivikomwa vino waluchizile namaka yakwe yonsi yafuma kwakwe wewe vyonsi ivyakusechelesya vyononeka, vitakuzanwa swinya. ¹⁵ 15 Wakakazya wavisinza wizile wawotoka awimilila akatalamuchila pamulandu wantete ukutina ukuyumba nukukolomoka. ¹⁶ Waliti, '' oko, oko kumusumba uwukulu wuno wazwalusizwe muwuzi uwuzima ne pepo, namuwuwenzu, nga chayenvilwe ne golide, ne jasipeli uwapapela, uyoka,! ¹⁷ Mwi wola lyonga pano insawo zyonsi zyati zyononeka.'' Ekapisya wensi uwawato, umuntu wensi uwa mwesumbi, wakakwela wamawato, nga wonsi wano uwumi wawo wapangwa ukufuma kwe sumbi wino wimilile akatalamuchila. ¹⁸ Walizile nkaninye pano walola ichunsi chakupya kwakwe watili, umusumbachi uwakuwa nge amusumba wukulu ? ¹⁹ ''Awayikunchila amalutukumbu pamitwe yawo, swinya awalila nukupunda, ukulila nukulosya, ''Oko, oko kumusumba uwukulu kuno wonsi wawa ningalawa pe sumbi awizile wawa awawotoke ukufuma ku nsawu zyakwe. Amuno pi wola lyonga ati apangulwa.'' ²⁰ ''Sechelelani pakwe weliwe, mwiyulu, mwemwe wantu watele nawapositole nawatumwa, Amuno Leza alesile ipanzyo pakwe weliwe!'' ²¹ Umungelo umukazamane anyamula iwe lino lyalinj nge we nyina wiwe nga asumbila mwe sumbi , ati, ''Munzila yoo'' Babeloni, umusumba uwukulu, wandi wusumbwe pansi nichongo swinya wutaliloleka swinya. ²² Ukulila kwachisilwe namapango, nawakimbila, nawakalizya wavisekese, nawankakang'ombe watalitela wivwike swinya mwakwe mwemwe. Nanti uwavyakupngapanga wino uwamutundu wonsi wino alizanwa mwakwe mwemwe. Kutaliwa ukuzuma kwa chigayo chino chilyivwika swinya mwakwe mwemwe. ²³ Ukuswepa kwa nyali kutaliwala mwakwe mwemwe swinya. Amazwi ye nawinga swinya ne siwinga yataliyivwika swinya mwakwe mwemwe, amuno wakakazya winu walinji awana mfumu wansi, nga ni myiko yawipizizwe ni vyamayele vyinu. ²⁴ Mwakwe weliwe uwazi wawatumwa nawantu wakwe Leza watele wazanilwe, nuwazi wakwe wawo wati wakomwa pansi yapansi.''