¹ Naweni umwana wang'onzi ayimilile pamwamba we zion. Ponga walinji awantu imyanda ikumi impindi umwanda wonga namakumi yani naziwili [144,000] wano pampumi zyawo pawalikwa izina nilya mukwasi . ² Nga njivwa izwi ukufuma kwiyulu lyalizile nge achipoma chaminzi mavule nukuwuluma kwachipoma chamvula. Ichechitiwili chino nivwile chalinji vino awakalizya wamapango. ³ Wimbizile ulwimbo ulupya panklelo ya ndulu pankolelo yavyelewulwa vini nawasongo. Patalinji wino wasambilizile ulwimbo ukufumyako wenga kwe wa imyanda ikumi impindi umwanda wonga namakumi yani wano wati wakalwa ukufuma munsi. ⁴ Waa awali wano wakana ukuyikombezya wonga nawanachi, wano wayi sunga wonga kuwuzelele. Waa awali wano wakonkanga umwanang'onzi kuno wayanga. Waa awali wano watulwa ukufumilila muwantu nge avikomwa nge avikomwa vyakutalichila ivye Leza Nu mwanang'onzi. ⁵ Kutalinji uwufi wumwi ukufuma mumilomo yawo; wasi nakampifya. ⁶ Naweni umungeli winji akupapuka mupela wino walinji nizwi lyamuyayaya kwe wonsi wano wikala munsi _munsi zyonsi,umutundu, umuvwango, nga nawantu. ⁷ Wapundsiye nizwi likulu, '' tinanji Leza swinya nukumupa uwuchindami. pakuti impindi yawupinguzi yafika. Ukumupepa weliwe wino welewuzile insi, ni yulu, esumbi, swinya ni zyambwiwi.'' ⁸ Umungeli winji_ umungeli we chitiwili _akonka, ati, '' Wapona, wapona Babiloni umukulu, wino wazembelesile imyiko yonsi pa kung'wa ipala ni chiluka chawuzelele.'' ⁹ Umungeli winji _wechititatu_wawakonsile, wavwanzile ni zwi kulu, '' Ndipali wumwi wino akapepa ichitumbulwa ni kolania lyakwe nukupochelela ichimanyikwilo pa mpumi yakwe pamwi pikasa lyakwe, ¹⁰ aling'wa swinya ipala lyawu kali we Leza, ipala lino lyati lyitilwa ilinta sungulwa mwe kapu wawukali. Umuntu wino akung'wa alitamika numulilo ne safule pankolelo pawa ngeli wakwe Leza watele napankolelo pamwana wena ng'onzi. ¹¹ Ichilungula chakuchunchutika kwawo chikukwela penape, nga wasi nanti kupuza umusanya nuwusiku_wakapepa waa wachitumbulwa ni kolania lyakwe, nawensi wino akupochelela ichimanyikwilo chi zina lyakwe. ¹² Koo akuli kwitwa wana wakwe Leza awatepwe mukuzizimichizya, wano wakasunga amasundo ye Leza ni suwilo lyawo mwe Yesu.'' ¹³ Nivwile izwi likufuma mupela likuti, '' Walika choo: awapepwe wano wakufwila mu mfumu,'' ''Etaa,'' wati umuzimu, '' ukuti wapuze ku milimo yawo , amuno imilimo yawo yiliwakonka.'' ¹⁴ Naweni, kwalinji iwingo itiswe. Wino wisile piwingo walingine numwana wamuntu. Walinji ni mpumpu ye golide pa mutwe pakwe ni chikwakwa ichikole kwikasa lyakwe. ¹⁵ Apano umungeli winji ukufuma mung'anda yakupepelamo nga apunda ni zwi kulu kwe wino wisile piwingo: '' Senda ichikwakwa talika pakusinza. Amuno impindi yakusinzila yifisile, pakuti ukugowola kwansi kutonile.'' ¹⁶ Apano weyo wino wisile piwingo anzuzya ichikwakwa chakwe munsi, nga insi ayigowolwa. ¹⁷ Umungeli winji wizile ukufuma mung'anda yakupepalamo mwiyulu ; nwenye walinji ni chikwakwa ichikole. ¹⁸ Swinyanye umungeli winji wizile ukufuma mukavuwa nivinunchile, wino walinji ninsambu pamulilo. Wapunzile namazwi papela kwe wino walinji ni chikwakwa ichikole, ''Senda ichikwakwa ichikole uwunganike ivipya vyakusutili pala ukufuma mumusili wansi, amuno ivkomwa vyawo ivyipala viwomile.'' ¹⁹ Umungeli asumba ichikwakwa kunsi awunganika ukugowola kwa vikomwa vyaku sutili pala ivyansi. Asumba ichakusunjili pala ichikulu ichawukali we Leza. ²⁰ Ichakutawichili pala chasunvilwe kunzi kwa kaya, nga uwzi awitika ukufuma mwechocho awukwela papela pampunda ye nawinga, ivipimo imyanda amakumi ikumi lyonga namakumi mtanda [1,600]