¹ Ichimanyikwilo chikulu chalolesile mwiyulu: umwanachi wazite ilanzi, numwezi mwisika mumtamba yakwe swinya ni mpumpu yino yalinji nintanda ikumi naziwili kumutwe. ² Walinji nuwula, swinya walizile pakupapa kuwulumilwa, pakupapa. ³ Apano ichimanyilo chinji achiloleka mwiyulu : Lola kwalinji ichitumbu chikulu nkani chiwenzu chino chalinji ni mitwe munenulambali ni mpembe ikumi, swinya kwalinji impumpu munenulambali kumitwe yakwe. ⁴ Umusinda wakwe awukwema ichipya chakwe vitatu mwiyulu swinya achilisumba pansi munsi . Ichinzoka chimilile pankolelo pamwanachi winowalinji papipi ukupapa , akulikuti ndiwapapa chimilule umwanakwe. ⁵ Ngapano apapa umwana, umwana umonsi , wino alilamulila insi zyonsi ninsonzo yachela . ⁶ Umwanawakwe wasompozile atwala kwe Leza naku ndulu yakwe, ngapano umwanachi asamalila mumayonde, Leza wamupekanizya amasyo, alyakuti alelelwe kokonye kumyaka imyanda ikumi nayiwili namanda amakumi mutanda (1,260) ⁷ Nomba inkondo yalinji mwiyulu. Emikaeli nawangeli wakwe awalwisania ni chinzoka, nacho ichinzoka nawangelo wakwe chanyonsyanga . ⁸ Ukuwa ichinzoka chitalinji namaka nkani kukuchinvya . Achaleka kutalinji amasyo yamwi mwiyulu ayakweweliwe nawangelo wakwe. ⁹ Ichinzoka chikulu _ chocho ichinzokanye chikali chikakwitwa umuwipe pamwi satana, wino akakopeka nsi yonsi _ wasunvilwe pansi munsi , nawangelo wakwe wasunvilwe pansi apaliponga nawe. ¹⁰ Ngapano njiwa izwi kulu mwiyulu : '' nomba kwiza itulwa swinya namaka swinya nuwufumu wakwe Leza witu swinya nuwumalilo wakwe Klisitu wakwe. Amuno ekanonongola wawanyina witu wasumbilwa munsi,wino wanonongolanga ivyakwe woliwo kwe Leza uwusiku numusanya . ¹¹ Wamuchinvizye muno awazi wamwana ng'ozi swinya muno alizwi lyakusimichila , muno watakunile uwumi wano nanti chingatenga amfwanye. ¹² Achaleka sechelanji mwewamwiyulu namwensi mwewano mwenemo !ukuwa umukonsi swinya nusumbi, pamulandu umuwipe wichilila kwemwemwe! wizuzwa ni chikalazi swinya amanyile kuno impindi yakwe antichi! ¹³ Ngapano ichitumbu chalile chamanya kuno chasumbwa pansi munsi , chasambuzile umwananachi weyo wino wakwasile umwanamonsi . ¹⁴ Ukuwa umwanachi wapilwe amapa yawili ayamungelo mukulu asamalile kumasyo ayapekanie mulumpalang'ang'a. Yaa amasyo yano yapekinwe ukuti asungwe kweneko, kukampindi, impindi, nakukampindi_ kukupusuka kuchinzokanye chocho. ¹⁵ Ichinzoka achitila aminzi ukufuma mumulomo wakwe ngati aluzi alyakuti apange umulamba wakukwema umwanachi . ¹⁶ Ukuwa insi yavwizye umwanachi . Insi yiyuzile umulomo wakwe nukumilula uluzi luno ichinzoka chitilanga ukufuma mumulomo wakwe. ¹⁷ Ngapano umwanachi avitilwa umwanachi nga achiya chitalika ukulwisya inkondo kwewonsi awaluko lwakwe, wonsi wano wakatontola amasundo yakwe Leza swinya wakasimichizya ivyakwe Yesu. ¹⁸ Ngapano ichinzoka achiya achimilila paluselesenga mumbali yesumbi