¹ Kanonzi ukulingana ni mpindi nizimpindi, wanitu, mutakuvwamba chimwi ukuti chiwalikwe kwe mwemwe. ² Amuno mwemwe mwenga mumanyile ukufikapo ichete kuno uwanda wa Mfumu wukwiza ngati amung'o uwusiku. ³ Ndiwakuti, '' umutende nukuchinjililwa,'' apano uwononi uwakwiwuchizya wuliyiza kwakwe woliwo. Chiliwa vino awulumilwa wa mu mwanachi wino alipakukwata. Kutaliwa nanti anzila yakupusuchila. ⁴ Kweni mwemwe, wanitu, musi mumfinzi ukuti uwanda wungawiwuchizya ngati amung'o. ⁵ Amuno mwensi mwewana walukozyo nawana wa musanya. Tusi awana wamfinzi wawusiku pamwi awa mfinzi. ⁶ Achilichino, tutati twalala vino wanji wakawomba. Nkno fwendi, tuwe minso nawantakolwa. ⁷ Amuno wonsi wano wakalala wakawomba wonye uwusiku, nawano wakakolwa wakawomba wonye uwusiku. ⁸ Kweni pano swewa ku musanya, tuzipizile tuwe awantakolwa nukuwa pisuwilo napa lukundo ngati achakuyichinjililila pachifuwa, nisuwilo lyipususyo lya chisoti chitu. ⁹ Muno Leza atasozile sweswe pawukalale, kweni pakusenda ipususyo ukupitila mu mfumu yitu Yesu Kilisitu. ¹⁰ Aweliwe wino wafwizile sweswe ukuti, ndi tuziwusile pamwi tulazile, twikale apaliponga naweliwe. ¹¹ Achaleka myalalikalananji we nu muwuye nukuzengana,ngati vino mukuwombela. ¹² Tukulenga mwemwe, wamunyina, pakusalifya wawo wano wakuyikungula mwakwe mwemwe na wawo wano wali mwakwe mwemwe mu Mfumu nawano wakawasoka mwemwe. ¹³ Tukuwalenga swinya pakuchindika wawo mulukundo pamulandu numulimo wawo. wani pamutende mwakwe mwemwe mwenga. ¹⁴ Tukuwachinchizya, wamunyina: sochezyani wantalemi sundo, womyani awalangluke, yavwani awalombotoke, nukuzizimichizya kwakwe wonsi ¹⁵ Mulolechesye kuno kusi nawenga ukunyosya ichiwipe pachiwipe kwe wumwi. Nkano fwendi, vwambilizyani chino achizima kwakwe numuwuye nakwe wonsi. ¹⁶ Zewelanji penye. ¹⁷ mwapepa nanti kuleka. ¹⁸ Mwakwe chonsi mwasalifya. Muno akulonda kwe Leza mwakwe Kilisitu Yesu pakwe mwemwe. ¹⁹ Mutamazya umuzimu ulusala. ²⁰ Mutati mwasulania wakasesema. ²¹ Yelezyani ivintu vyonsi. Mulemansye kwe chino achizima. ²² Funtukani kumiwele yonsi iyawuwipe. ²³ Leka Eleza wamutende awapange awatele wakufikapo. Leka umuzimu winu wonsi, umwenzo numuwili viwe nanti akampifya pakwiza kwa Mfumu Yesu Kilisitu. ²⁴ Amusuwalikwa weyo wino akwita mwemwe, wino aliwomba swonya choo. ²⁵ Wamunyina, mwatupepelaswi naswswe. ²⁶ Vwanzyani wamunyina wonsi nulufyopo ulutele. ²⁷ Nkuwawomya mukusimichizya mu Mfumu ukuti ekalata we awazwe kuwa munyina wonsi. ²⁸ Inkumbu zya Mfumu yitu Yesu Kilisitu ziwe namwe.