Genesis 2
Genesis 2:1
Q:Iti maikapito nga aldaw, ania ti inaramid ti Dios?
A:Naginana isuna manipud iti amin a trabahona, ket binendisionanna ken imbilangna a nasantoan dayta nga aldaw.
Genesis 2:4
Q:Sakbay a pinagtudo ni Yahweh, kasano a nadanuman ti daga?
A:Nagpangato ti linnaaw manipud iti daga.
Genesis 2:7
Q:Kasano a pinarsua ni Yahweh ti tao?
A:Nangaramid ni Yahweh iti tao manipud iti tapok iti daga ken inyangesna ti anges ti biag kenkuana.
Q:Sadino iti immuna a nangikabilan ni Yahweh iti tao?
A:Idiay minuyongan idiay Eden.
Genesis 2:9
Ania dagiti dua a kayo nga adda iti tengnga ti minuyongan?
Ti kayo ti biag ken kayo ti pannakaammo iti nasayaat ken dakes.
Genesis 2:15
Q:Ania koma iti aramiden ti tao idiay minuyongan?
A:Agtrabaho isuna ken taripatuenna ti minuyongan.
Q:Ania ti imbilin ni Yahweh iti tao a mabalinna a kanen.
A:Siwayawayaka a mangan manipud iti tunggal kayo iti minuyongan, malaksid iti kayo ti pannakaammo iti nasayaat ken dakes.
Q:Ania ti imbaga ni Yahweh a mapasamak no salungasingen ti tao daytoy a bilin?
A:Iti aldaw a sinalungasing ti tao ti bilin, sigurado a matay isuna.
Genesis 2:18
Q:Ania ti imbaga ni Yahweh a saan a nasayaat?
A:Imbagana a saan a nasayaat nga agmaymaysa ti lalaki.
Q:Ania ti impaaramid ni Yahweh iti tao kadagiti tunggal agbibiag a parsua?
A:Pinanagan ti tao ti tunggal agbibiag a parsua.
Q:Ania ti saan a nasarakan kadagiti amin a agbibiag a parsua?
A:Katulungan ti tao a maitutop kenkuana.
Genesis 2:21
Q:Kasano a pinarsua ni Yahweh ti babai?
A:Pinaturog ni Yahweh ti lalaki ken nangala isuna iti maysa a paragpag, ket inaramidna ti babai manipud iti paragpag.
Q:Apay nga inawagan isuna ti lalaki a “babai”?
A:Gapu ta nagtaud isuna iti lalaki.
Genesis 2:24
Q:Kasano nga agbalin a maymaysa a lasag ti lalaki ken babai?
A:Naitipon ti lalaki iti babai kas asawana.
Q:Nagbain kadi ti lalaki ken ti babai iti kinalamo-lamoda?
A:Saan.