Genesis 47

Genesis 47:3

Unsa man ang gisulti sa lima ka mga igsoon ni Jose ngadto kang Paraon mahitungod sa ilang trabaho?

Ang lima ka mga managsoon nag-ingon kang Paraon nga mga magbalantay sila sa mga karnero.

Genesis 47:7

Unsa man ang gihimo ni Jacob alang kang Paraon sa dihang nakigkita siya kaniya ug sa dihang mibiya siya sa iyang presensya?

Gipanalanginan ni Jacob si Paraon sa dihang nakigkita siya kaniya ug sa dihang mibiya siya sa iyang presensya.

Genesis 47:18

Unsa man dayon ang gihimo ni Jose sa mga Ehiptohanon agig pakigbaylo sa pagkaon?

Nakuha ni Jose ang ilang yuta ug pagserbisyo ingon nga ulipon pinaagi sa pagpakigbaylo sa pagkaon sa mga Ehiptohanon.

Human nahatag na ang tanang salapi ug kahayopan kang Paraon agig baylo sa pagkaon unsa man ang gihimo sa mga tawo sa Ehipto sa paghanyag kang Paraon sa pakigbaylo alang sa dugang nga pagkaon?

Miadto sila kang Paraon sa sunod nga tuig ug miingon sila kaniya, "Palita kami ug ang among yuta agig baylo sa pagkaon, ug kami ug ang among yuta mapanag-iya ni Paraon. Hatagi kami ug binhi aron kami adunay matanom ug mabuhi kami ug dili mangamatay, ug aron ang yuta dili mapasagdan."

Genesis 47:27

Sa unsa mang mga pamaagi naglambo ang mga tawo sa Israel sa yuta sa Ehipto?

Ang iyang mga katawhan nakapanag-iya ug kabtangan didto ug sila nagmabungahon ug nagmauswagon pag-ayo.